ಮಾರಾಟ ಏರಿಕೆ ಗುರಿಯಿರಿಸಿಕೊಂಡಿರುವ ಕವಾಸಕಿ

ಉನ್ನತ ತಂತ್ರಜ್ಞಾನ ಒದಗಿಸುವುದರಲ್ಲಿ ಜಪಾನ್ ಮೂಲದ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಕವಾಸಕಿ ಸದಾ ಒಂದು ಹೆಜ್ಜೆ ಮುಂದೆ ಇದೆ. ಸದ್ಯ ಅನೇಕ ಕವಾಸಕಿ ಬೈಕ್‌ಗಳು ದೇಶದ ರಸ್ತೆಯಲ್ಲಿ ರಾಜಾರೋಷವಾಗಿ ಓಡಾಡುತ್ತಿದೆ.

ಪ್ರಸಕ್ತ ಸಾಲಿನಲ್ಲೇ ಕವಾಸಕಿಯ ಪ್ರಮುಖ ಮಾದರಿಗಳು ದೇಶದಲ್ಲಿ ಬಿಡುಗಡೆ ಕಂಡಿದ್ದವು. ಇದೀಗ ಗ್ರಾಹಕರ ಉತ್ತಮ ಪ್ರತಿಕ್ರಿಯೆಯಿಂದ ಪುಳಕಿತಗೊಂಡಿರುವ ಸಂಸ್ಥೆಯು ಇನ್ನಷ್ಟು ಆಕ್ರಮಣಕಾರಿ ತಂತ್ರಗಾರಿಕೆಯನ್ನು ಹೊಂದುವ ಇರಾದೆ ಹೊಂದಿದೆ.

ಸದ್ಯ ಭಾರತದ ಸೂಪರ್ ಬೈಕ್ ಮಾರುಕಟ್ಟೆಯನ್ನು ಹರ್ಲಿ ಡೇವಿಡ್ಸ್, ಟ್ರಯಂಪ್ ಮತ್ತು ಕವಾಸಕಿ ಆವರಿಸಿಕೊಂಡಿದೆ. ಆದರೂ ನಿಂಜಾ ಮತ್ತು ಝಡ್ ಶ್ರೇಣಿಯ ಮೋಟಾರ್ ಸೈಕಲ್‌ಗಳನ್ನು ಒದಗಿಸುತ್ತಿರುವ ಕವಾಸಕಿ ಸ್ಥಿರ ಏರುಗತಿಯನ್ನು ಗುರಿಯಿರಿಸಿಕೊಂಡಿದೆ.