ಪಿಯಾಜಿಯೊದಿಂದ 'ವೆಸ್ಪಾ ಕೇರ್' ಕಾರ್ಯಕ್ರಮಕ್ಕೆ ಚಾಲನೆ

ಇಟಲಿ ಮೂಲದ ಪ್ರಖ್ಯಾತ ವಾಹನ ತಯಾರಿಕ ಸಂಸ್ಥೆಯಾಗಿರುವ ಪಿಯಾಜಿಯೊ, ತನ್ನ ಕ್ಲಾಸಿಕ್ ವೆಸ್ಪಾ ಸ್ಕೂಟರ್ ಬ್ರಾಂಡ್ ಅನ್ನು ಭಾರತದಲ್ಲೂ ಮಾರಾಟ ಮಾಡುತ್ತಿದೆ. ಅಷ್ಟೇ ಅಲ್ಲದೆ ವೆಸ್ಪಾ ಪ್ರೀಮಿಯಂ ಸ್ಕೂಟರ್‌ಗಳಿಗೆ ದೇಶದ ಗ್ರಾಹಕರಿಂದ ಉತ್ತಮ ಮನ್ನಣೆ ಕೂಡಾ ವ್ಯಕ್ತವಾಗಿದೆ.

ಹಾಗಿರುವಾಗ ತನ್ನ ಗ್ರಾಹಕ ಅನುಭವವನ್ನು ಇನ್ನಷ್ಟು ಭದ್ರವಾಗಿಸುವ ಇರಾದೆ ಹೊಂದಿರುವ ಇಟಲಿಯ ಪಿಯಾಜಿಯೊ ಸಂಸ್ಥೆಯು, ದೇಶದೆಲ್ಲೆಡೆ 'ವೆಸ್ಪಾ ಕೇರ್' ರಸ್ತೆ ಬದಿಯ ಸಹಾಯ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದೆ.

ದೇಶದ 51 ನಗರಗಳಲ್ಲಿ ವೆಸ್ಪಾ ಕೇರ್ ರೋಡ್ ಸೈಡ್ ಅಸಿಸ್ಟನ್ಸ್ ಕಾರ್ಯಕ್ರಮವನ್ನು ತೆರೆಯಲಾಗಿದೆ. ಇಲ್ಲಿ ಪಿಯಾಜಿಯೊದಿಂದ ತರಬೇತಿ ಪಡೆದ ನುರಿತ ವೃತ್ತಿಪರರು ಸಮಸ್ಯೆಗೀಡಾದ ವೆಸ್ಪಾ ಸ್ಕೂಟರನ್ನು ಪರಿಶೀಲಿಸಲಿದ್ದಾರೆ.

ಪ್ರಸ್ತುತ ತಂಡವು ಅಗತ್ಯ ಬಂದ್ದಲ್ಲಿ ಆ ನಿರ್ದಿಷ್ಠ ಜಾಗಕ್ಕೆ ತೆರಳಿ ಇಂಧನ ಕೂಡಾ ಪೂರೈಸಲಿದ್ದಾರೆ. ಹಾಗೆಯೇ ವೆಸ್ಪಾ ಮಾಲಿಕರು ಕೀ ಕಳೆದುಕೊಂಡಲ್ಲಿ ಬದಲಿ ಕೀಲಿಯ ವ್ಯವಸ್ಥೆ ಕೂಡಾ ಮಾಡಲಿದ್ದಾರೆ.