ಹಬ್ಬದ ಆವೃತ್ತಿಗೆ ಉತ್ತೇಜನ ತುಂಬಿದ ಯಮಹಾ ಬೈಕ್‌ಗಳ ಮಾರಾಟ

ಯಾವುದೇ ಒಂದು ವಾಹನ ತಯಾರಿಕ ಸಂಸ್ಥೆಯ ಏಳಿಗೆಗೆ ಉತ್ತಮ ಮಾರಾಟ ಕಾಯ್ದುಕೊಳ್ಳುವುದು ಅತಿ ಅಗತ್ಯವಾಗಿರುತ್ತದೆ. ಇನ್ನು ಹಬ್ಬದ ಆವೃತ್ತಿಯಂತಹ ವಿಶೇಷ ಸಂದರ್ಭಗಳು ಬರುವಾಗ ಸುಸ್ಥಿರ ಮಾರಾಟ ಕಾಪಾಡಿಕೊಳ್ಳುವುದು ಅಷ್ಟೇ ಮುಖ್ಯ.

ಜಪಾನ್ ಮೂಲದ ಮುಂಚೂಣಿಯ ದ್ವಿಚಕ್ರ ತಯಾರಿಕ ಸಂಸ್ಥೆಯಾಗಿರುವ ಯಮಹಾ ಮೋಟಾರು ಇಂಡಿಯಾ ಸೇಲ್ಸ್ ಪ್ರೈವೇಟ್ ಲಿಮಿಟೆಡ್ ಸಂಸ್ಥೆಯು ಸಹ 2014 ಸೆಪ್ಟೆಂಬರ್ ತಿಂಗಳಲ್ಲಿ ಶೇಕಡಾ 27ರಷ್ಟು ಮಾರಾಟ ಏರಿಕೆ ದಾಖಲಿಸುವ ಮೂಲಕ ದೀಪಾವಳಿ ಹಬ್ಬದ ಆವೃತ್ತಿಗೆ ಉತ್ತೇಜನ ತುಂಬಿದೆ.

ಅಷ್ಟಕ್ಕೂ 2014 ಸೆಪ್ಟೆಂಬರ್ ತಿಂಗಳಲ್ಲಿ ಯಮಹಾ ಸಂಸ್ಥೆಯು 59,325 ಯುನಿಟ್‌ಗಳ ಮಾರಾಟ ಕಂಡುಕೊಂಡಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 46,790 ಯುನಿಟ್‌ಗಳ ಮಾರಾಟ ದಾಖಲಿಸಿತ್ತು. ಈ ಮೂಲಕ ಶೇಕಡಾ 27ರಷ್ಟು ಏರಿಕೆ ಕಂಡಿದೆ.