ಬಜಾಜ್ ಪಲ್ಸರ್ 200 ಎನ್‌ಎಸ್ ಓಡಾಟ ನಿಲುಗಡೆ?

ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆ ಬಜಾಜ್ ಆಟೋ, ತನ್ನ ನಂ.1 ಕ್ರೀಡಾ ಬೈಕ್ ಪಲ್ಸರ್ 200 ಎನ್‌ಎಸ್ ಓಡಾಟವನ್ನು ಸದ್ಯದಲ್ಲಿ ನಿಲುಗಡೆಗೊಳಿಸಿದೆ. ಹ್ಹಂ! ಇದೇನಿದು ಅಂಥ ಗಾಬರಿಯಾಗದಿರಿ.

ವಿಷಯ ಏನೆಂದರೆ ಬಜಾಜ್ ಸಂಸ್ಥೆಯು ಕೆಲವು ಸಮಯಗಳ ಹಿಂದೆಯಷ್ಟೇ ಅತಿ ನೂತನ ಆರ್ ಎಸ್ 200 ಮತ್ತು ಎಎಸ್200 ಮಾದರಿಗಳನ್ನು ಬಿಡುಗಡೆಗೊಳಿಸಿತ್ತು. ಈ ಹಿನ್ನೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಕಳೆಗುಂದಿರುವ ಎನ್ ಎಸ್ 200 ಓಡಾಟ ನಿಲುಗಡೆಗೊಳಿಸಲು ನಿರ್ಧರಿಸಿದೆ.

ಅದೇನೆಂದರೆ ಪಲ್ಸರ್ 200 ಎನ್‌ಎಸ್ ಮತ್ತು ಈಗಷ್ಟೇ ಬಿಡುಗಡೆಯಾಗಿರುವ ಎಎಸ್200 ಸಮಾನ ಎಂಜಿನ್ ಹಂಚಿಕೊಳ್ಳುತ್ತಿದೆ. ಹಾಗಾಗಿ ಹೊಸ ಮಾದರಿಯ ಮಾರಾಟಕ್ಕೆ ಹೆಚ್ಚು ಧಕ್ಕೆಯುಂಟಾಗದಿರಲು ಇಂತಹದೊಂದು ನಿರ್ಧಾರ ತಳೆದಿದೆ.

ಅಂತೆಯೇ ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಕೆಟಿಎಂಗಳಂತಹ ಗುಣಮಟ್ಟದ ಬೈಕ್ ಗಳ ಆಗಮನದೊಂದಿಗೆ ಪಲ್ಸರ್ ಗೆ ತನ್ನ ಅಸ್ತಿತ್ವವನ್ನು ಉಳಿಸಿಕೊಳ್ಳುವ ಭೀತಿಯೂ ಕಾಡುತ್ತಿದೆ. ಈ ಎಲ್ಲದರ ಹಿನ್ನೆಲೆಯಲ್ಲಿ ಹೆಚ್ಚು ಆಧುನಿಕ ಹಾಗೂ ಮುಂದುವರಿದ ತಂತ್ರಜ್ಞಾನದ ಬೈಕ್ ಗಳನ್ನು ಪರಿಚಯಿಸುವುದು ಅತಿ ಅಗತ್ಯವೆನಿಸಿದೆ.