ಏಳನೇ ಹಂತದಲ್ಲಿ ಟಾಪ್ 50ಕ್ಕೆ ಲಗ್ಗೆಯಿಟ್ಟ ಸಂತೋಷ್

ದಕ್ಷಿಣ ಅಮೆರಿಕದಲ್ಲಿ ಸಾಗುತ್ತಿರುವ ಅತ್ಯಂತ ಸಾಹಸಿ 2015 ಡಕಾರ್ ರಾಲಿಯಲ್ಲಿ ಅತ್ಯಂತ ಗಮನಾರ್ಹ ಪ್ರದರ್ಶನ ನೀಡಿರುವ ಭಾರತದ ಸಿಎಸ್ ಸಂತೋಷ್ ಅಗ್ರ 50ರ ಪಟ್ಟಿಯನ್ನು ಭೇದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಕೆಟಿಎಂ 450 ಮೋಟಾರುಸೈಕಲ್‌ನಲ್ಲಿ ತನ್ನ ಅದ್ಭುತ ಪ್ರದರ್ಶನವನ್ನು ಕಾಯ್ದುಕೊಂಡಿರುವ 31ರ ಹರೆಯದ ಬೆಂಗಳೂರಿನ ರೇಸರ್, ಏಳನೇ ಹಂತದಲ್ಲಿ 65ನೇ ಸ್ಥಾನ ಗಿಟ್ಟಿಸಿಕೊಂಡಿದ್ದು, ಒಟ್ಟಾರೆ ರಾಂಕಿಂಗ್‌ನಲ್ಲಿ 49ನೇ ಸ್ಥಾನಕ್ಕೆ ನೆಗೆತ ಕಂಡಿದ್ದಾರೆ.

ಒಟ್ಟಾರೆಯಾಗಿ ಮುಂದಿನ ಹಂತಗಳು ಸಂತೋಷ್ ಪಾಲಿಗೆ ನಿರ್ಣಾಯಕವೆನಿಸಲಿದೆ. ರೇಸ್ ಆರಂಭಕ್ಕೂ ಮೊದಲು ತಿಳಿಸಿರುವಂತೆಯೇ ಅಗ್ರ 20ರೊಳಗೆ ಪ್ರವೇಶಿಸುವುದೇ ಸಂತೋಷ್ ಗುರಿಯಾಗಿದೆ.