ಹೊಸ 3 ವಿತರಕ ಜಾಲದೊಂದಿಗೆ ಪುಟಿದೆದ್ದ ಡುಕಾಟಿ ಬೈಕ್ಸ್

By Nagaraja

Published: Monday, March 23, 2015, 18:28 [IST]

ಭಾರತಕ್ಕೆ ನೇರ ಎಂಟ್ರಿ ಕೊಡಲು ಸಜ್ಜಾಗುತ್ತಿರುವ ಇಟಲಿಯ ಐಕಾನಿಕ್ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಡುಕಾಟಿ, ಈಗ ಹೊಸ ಹುರುಪು ಪಡೆದುಕೊಂಡಿದೆ. ಯಾವುದೇ ಬಾಹ್ಯ ಬೆಂಬಲವಿಲ್ಲದೆ ಡುಕಾಟಿ ಭಾರತ ಮಾರುಕಟ್ಟೆ ಪ್ರವೇಶ ಪಡೆಯಲಿದೆ.

ಇದರಂತೆ ಡುಕಾಟಿ ಬೈಕ್ ಗಳ ಮಾರಾಟಕ್ಕೆ ಚುರುಕು ಮುಟ್ಟಿಸಲು ಸಲುವಾಗಿ ಸಂಸ್ಥೆಯು ಮುಂಬೈ, ದೆಹಲಿ ಹಾಗೂ ಗುರ್ಗಾಂವ್ ನಲ್ಲಿ ಮೂರು ಹೊಸತಾದ ಶೋ ರೂಂಗಳನ್ನು ತೆರೆದುಕೊಳ್ಳಲಿದೆ. ಈ ಎಲ್ಲ ಬೆಳವಣಿಗೆಗಳು ಡಿಎಸ್ ಕೆ-ಬೆನೆಲ್ಲಿ ಭಾರತ ಪ್ರವೇಶಿಸಿದ ಬೆನ್ನಲ್ಲೇ ನಡೆಯುತ್ತಿರುವುದು ಹೆಚ್ಚು ರೋಚಕತೆಗೆ ಸಾಕ್ಷಿಯಾಗಿದೆ.

ಇನ್ನು ಮುಂದೆ ಡುಕಾಟಿ ಬೈಕ್ ಗಳು ದೇಶದಲ್ಲಿ ಡುಕಾಟಿ ಇಂಡಿಯಾ ಪ್ರೈವೇಟ್ ಲಿಮೆಟೆಡ್ ಅಂಗಸಂಸ್ಥೆಯು ಮಾರಾಟ ಮಾಡಲಿದೆ. ಅಲ್ಲದೆ ಮುಂದಿನ ದಿನಗಳಲ್ಲಿ ಮಾರಾಟ ಜಾಲವನ್ನು ವಿಸ್ತರಿಸುವ ಯೋಜನೆಯನ್ನು ಸಂಸ್ಥೆ ಹೊಂದಿದೆ.

ಬೆಂಗಳೂರು ಶೋ ರೂಂ ಯಾವಾಗ?
ಈ ನಡುವೆ ನಿಕಟ ಭವಿಷ್ಯದಲ್ಲೇ ಬೆಂಗಳೂರಿನಲ್ಲೂ ಎಕ್ಸ್ ಕ್ಲೂಸಿವ್ ಶೋ ರೂಂ ತೆರೆಯುವ ಯೋಜನೆಯನ್ನು ಡುಕಾಟಿ ಹೊಂದಿದೆ. ಈ ಮೂಲಕ ಈಗಿರುವ ಜೊತೆಗೆ ಹೆಚ್ಚೆಚ್ಚು ಹೊಸ ಗ್ರಾಹಕರನ್ನು ಆಕರ್ಷಿಸಲಾಗುವುದು. ಡುಕಾಟಿಯ ಎಲ್ಲ ಶ್ರೇಣಿಯ ಬೈಕ್ ಗಳು ಈ ಎಲ್ಲ ಶೋ ರೂಂಗಳಲ್ಲಿ ಲಭ್ಯವಾಗಲಿದೆ.