ಒಂದು ಲಕ್ಷ ಮಾರಾಟ ಮೈಲುಗಲ್ಲು ತಲುಪಿದ ಹೋಂಡಾ ಯೂನಿಕಾರ್ನ್ 160

ಪ್ರೀಮಿಯಂ ಪ್ರಯಾಣಿಕ ದ್ವಿಚಕ್ರ ವಿಭಾಗದಲ್ಲಿ ಅತ್ಯುತ್ತಮ ಸಾನಿಧ್ಯನವನ್ನು ವ್ಯಕ್ತಪಡಿಸಿರುವ ಭಾರತದ ಎರಡನೇ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಮೋಟಾರ್ ಸೈಕಲ್ಸ್ ಆಂಡ್ ಸ್ಕೂಟರ್ ಇಂಡಿಯಾದ (ಎಚ್‌ಎಂಎಸ್‌ಐ) ಜನಪ್ರಿಯ ಸಿಬಿ ಯೂನಿಕಾರ್ನ್ 160 ಮಾದರಿಯು ಒಂದು ಲಕ್ಷಗಳ ಮಾರಾಟ ಮೈಲುಗಲ್ಲನ್ನು ತಲುಪಿದೆ.

2014 ವರ್ಷಾಂತ್ಯದಲ್ಲಿ ಹೊಸ ಸ್ವರೂಪದೊಂದಿಗೆ ಬಿಡುಗಡೆಗೊಂಡಿದ್ದ ಯೂನಿಕಾರ್ನ್ 160, ಕಳೆದ ಎಂಟು ತಿಂಗಳಲ್ಲಿ ವಾಹನ ಪ್ರೇಮಿಗಲ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಇದರ 163 ಸಿಸಿ ಎಂಜಿನ್ 14.6 ತಿರುಗುಬಲದಲ್ಲಿ 14.5 ಅಶ್ವಶಕ್ತಿ ಉತ್ಪಾದಿಸುತ್ತದೆ.

ಹೋಂಡಾ ಸಿಬಿ ಯೂನಿಕಾರ್ನ್ 160 ಮುಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಹಾಗೂ ಹಿಂಭಾಗದಲ್ಲಿ ಡ್ರಮ್ ಬ್ರೇಕ್ ಗಳನ್ನು ಪಡೆದುಕೊಂಡಿದೆ. ಅಲ್ಲದೆ ಇಂಪಿರಿಯಲ್ ರೆಡ್ ಮೆಟ್ಯಾಲಿಕ್, ಗೆನಿ ಗ್ರೇ ಮೆಟ್ಯಾಲಿಕ್, ಪಿಯರ್ಲ್ ಇಗ್ನೇಷಿಯಸ್ ಬ್ಲ್ಯಾಕ್ ಮತ್ತು ಪಿಯರ್ಲ್ ಅಮೇಜಿಂಗ್ ವೈಟ್ ಗಳೆಂಬ ನಾಲ್ಕು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ.