ದೇಶದ ಅಗ್ರ 10 ಬೈಕ್ ಗಳತ್ತ ಒಂದು ರೌಂಡಪ್

10. ಗ್ಲಾಮರ್

ಗ್ಲಾಮರ್ ದೇಶದ ಅತಿ ದೊಡ್ಡ ವಾಹನ ತಯಾರಕ ಸಂಸ್ಥೆಯಿಂದ ನಿರ್ಮಾಣವಾಗುವ ಗ್ಲಾಮರಸ್ ಬೈಕ್ ಆಗಿದೆ. ವಿಶೇಷವೆಂದರೆ 2013-14ನೇ ಸಾಲಿನಲ್ಲಿ ಟಾಪ್ 10 ಪಟ್ಟಿಯಲ್ಲೂ ಕಾಣಿಸಿಕೊಳ್ಳುವಲ್ಲಿಯೂ ಗ್ಲಾಮರ್ ವಿಫಲವಾಗಿತ್ತು.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 5,51,486 ಯುನಿಟ್

09. ಡಿಸ್ಕವರ್

ಬಜಾಜ್ ನ ಡಿಸ್ಕವರ್ ಶ್ರೇಣಿಯ ಬೈಕ್ ಗಳಿಗೂ ದೇಶದಲ್ಲಿ ಹೆಚ್ಚಿನ ಬೇಡಿಕೆಯಿದೆ. ತಮ್ಮ ನಿಗದಿತ ಬಜೆಟ್ ನಲ್ಲೇ ಡಿಸ್ಕವರ್ ಅತ್ಯುತ್ತಮ ವೈಶಿಷ್ಟ್ಯಗಳನ್ನು ಒದಗಿಸುತ್ತದೆ. ಇಷ್ಟಾದರೂ 2014-15ನೇ ಸಾಲಿಗೆ ಹೋಲಿಸಿದಾಗ ಶೇಕಡಾ 43.9ರಷ್ಟು ಕುಸಿತ ಕಂಡಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 5,52,855 ಯುನಿಟ್

08. ಡ್ರೀಮ್

ಹೋಂಡಾದ ಅಗ್ಗದ ಡ್ರೀಮ್ ಶ್ರೇಣಿಯ ಬೈಕ್ ಗಳು ಈ ವಿಭಾಗದಲ್ಲಿ ಎಂಟನೇ ಸಾಲಿನಲ್ಲಿ ಗುರುತಿಸಿಕೊಂಡಿದೆ. ಅಲ್ಲದೆ 2014-15ನೇ ಸಾಲಿಗಿಂತಲೂ ಹೆಚ್ಚು ಮಾರಾಟವನ್ನು ಕಾಯ್ದುಕೊಳ್ಳಲು ಯಶಸ್ವಿಯಾಗಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 6,14,342 ಯುನಿಟ್

07. ಪಲ್ಸರ್

ದೇಶದ ನಂ.1 ಸ್ಪೋರ್ಟ್ಸ್ ಬೈಕ್ ಆಗಿರುವ ಪಲ್ಸರ್ ಅಗ್ರ 10ರ ಪಟ್ಟಿಯಲ್ಲಿ ತನ್ನ ಸ್ಥಾನ ಭದ್ರಪಡಿಸಿದೆ. ಈ ಆಗಮನವಾಗಿರುವ ಹೊಸ ಶ್ರೇಣಿಯ ಪಲ್ಸರ್ ಬೈಕ್ ಗಳು ಇನ್ನಷ್ಟು ಉತ್ತೇಜನ ನೀಡುವ ಸಾಧ್ಯತೆಯಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 6,31,354 ಯುನಿಟ್

06. ಟಿವಿಎಸ್ ಎಕ್ಸ್ ಎಲ್ಸ್ ಸೂಪರ್

ದೇಶದ ಏಕ ಮಾತ್ರ ಟು ಸ್ಟ್ರೋಕ್ ದ್ವಿಚಕ್ರ ವಾಹನವಾಗಿರುವ ಟಿವಿಎಸ್ ಎಕ್ಸ್ ಎಲ್ ಸೂಪರ್ ಈಗಲೂ ಸ್ಥಿರತೆಯ ಮಾರಾಟ ಕಾಯ್ದುಕೊಂಡಿರುವುದು ಅಚ್ಚರಿಗೆ ಕಾರಣವಾಗಿದೆ. ಇಲ್ಲಿ ಗಮನಾರ್ಹವೆಂದರೆ 2013-14ನೇ ಸಾಲಿಗಿಂತಲೂ ಹೆಚ್ಚಿನ ಮಾರಾಟ ಗಿಟ್ಟಿಸಿಕೊಳ್ಳುವಲ್ಲಿ ಟಿವಿಎಸ್ ಮೊಪೆಡ್ ಯಶಸ್ವಿಯಾಗಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 7,55,503 ಯುನಿಟ್

05. ಸಿಬಿ ಶೈನ್

125 ಸಿಸಿ ವಿಭಾಗದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಬೈಕ್ ಎಂಬ ಹೆಗ್ಗಳಿಕೆಗೆ ಕಾರಣವಾಗಿರುವ ಸಿಬಿ ಶೈನ್ ಐದನೇ ಸ್ಥಾನ ಕಾಪಾಡಿಕೊಂಡಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 8,27,858 ಯುನಿಟ್

04. ಎಚ್ ಎಫ್ ಡಿಲಕ್ಸ್

ಹೀರೊದ ಮಗದೊಂದು ಉತ್ಪನ್ನವಾಗಿರುವ ಎಚ್ ಎಫ್ ಡಿಲಕ್ಸ್ ನಾಲ್ಕನೇ ಸ್ಥಾನ ಆಲಂಕರಿಸಿದೆ. ಈ ಮೂಲಕ ಬಜೆಟ್ ಪ್ರಯಾಣಿಕ ಬೈಕ್ ಗಳಲ್ಲಿ ಎಚ್ ಎಫ್ ಡಿಲಕ್ಸ್ ತನ್ನ ಮೌಲ್ಯವನ್ನು ಕಾಪಾಡಿಕೊಂಡಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 10,82,193 ಯುನಿಟ್

03. ಪ್ಯಾಶನ್

2013-14ನೇ ಆರ್ಥಿಕ ಸಾಲಿಗೆ ಹೋಲಿಕೆ ಮಾಡಿದಾಗ ಮಾರಾಟದಲ್ಲಿ ಇಳಿಕೆ ಕಂಡಬಂದರೂ ಸಹ 2014-15ನೇ ಸಾಲಿನಲ್ಲಿ ಅತಿ ಹೆಚ್ಚು ಮಾರಾಟವಾದ ಅಗ್ರ ಮೂರು ಬೈಕ್ ಗಳ ಸ್ಥಾನ ಗಿಟ್ಟಿಸಿಕೊಳ್ಳುವಲ್ಲಿ ಹೀರೊ ಪ್ಯಾಶನ್ ಯಶಸ್ವಿಯಾಗಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 13,41,424 ಯುನಿಟ್

02. ಆಕ್ಟಿವಾ

ಬೈಕ್ ಗಳ ಜಂಜಾಟದ ನಡುವೆ ಸ್ಕೂಟರ್ ವೊಂದು ಸದ್ದು ಮಾಡುತ್ತಿರುವುದು ನಿಮ್ಮ ಅಚ್ಚರಿಗೆ ಕಾರಣವಾಗಿರಬಹುದು. ಆದರೆ ನಗರ ಸೇರಿದಂತೆ ಗ್ರಾಮೀಣ ಪ್ರದೇಶಕ್ಕೂ ವ್ಯಾಪಿಸಿರುವ ಆಕ್ಟಿವಾ ಕಳೆದ ವರ್ಷ ಶೇಕಡಾ 30.1ರಷ್ಟು ಮಾರಾಟ ಏರಿಕೆ ಸಾಧಿಸಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 21,78,227 ಯುನಿಟ್

01. ಸ್ಪ್ಲೆಂಡರ್

ಐಸ್ಮಾರ್ಟ್ ಗಳಂತಹ ನೂತನ ಆವೃತ್ತಿಗಳ ನೆರವಿನೊಂದಿಗೆ ಗರಿಷ್ಠ ಮಾರಾಟ ಸಾಧಿಸಿರುವ ಹೀರೊ ಸ್ಪ್ಲೆಂಡರ್ 2014-15ನೇ ಸಾಲಿನಲ್ಲೂ ಅಗ್ರಸ್ಥಾನ ಕಾಯ್ದುಕೊಂಡಿದ್ದು, ಶೇಕಡಾ 11.1ರಷ್ಟು ಮಾರಾಟ ಏರಿಕೆ ಕಂಡಿದೆ.

2014-15 ಆರ್ಥಿಕ ಸಾಲಿನಲ್ಲಿ ಒಟ್ಟು ಮಾರಾಟ: 25,17,189 ಯುನಿಟ್