ರಸ್ತೆಗಿಳಿಯಲಿದೆ ಯಮಹಾ ಅಗ್ಗದ ಪ್ರಯಾಣಿಕ ಬೈಕ್

150 ಸಿಸಿ ಹಾಗೂ ಮೇಲ್ಪಟ್ಟ ವಿಭಾಗದಲ್ಲಿ ಹೆಚ್ಚು ಜನಪ್ರಿಯತೆ ಪಡೆದಿರುವ ಜಪಾನ್ ಮೂಲದ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಯಮಹಾ, ಭಾರತಕ್ಕೆ ಅಗ್ಗದ ಪ್ರಯಾಣಿಕ ಬೈಕ್ ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಯಮಹಾ ಅಗ್ಗದ ಪ್ರಯಾಣಿಕ ಬೈಕ್ ನ ಹೆಸರು ಏನೆಂಬುದು ಇನ್ನಷ್ಟೇ ನಿಗದಿಯಾಗಬೇಕಾಗಿದೆ. ಹಾಗಿದ್ದರೂ ಇದು ಸಂಪೂರ್ಣವಾಗಿಯೂ ದೇಶದ ಮಧ್ಯಮ ವರ್ಗದವರನ್ನು ಗುರಿಯಾಗಿರಿಸಲಿದೆ. ಅಂತೆಯೇ ದೇಶದ ಅಗ್ರ ದ್ವಿಚಕ್ರ ಸಂಸ್ಥೆಯಾಗಿರುವ ಹೀರೊ ಮೊಟೊಕಾರ್ಪ್ ಹಾಗೂ ಹೋಂಡಾ ಮೋಟಾರ್ ಸೈಕಲ್ಸ್ ಗೆ ನಿಕಟ ಸ್ಪರ್ಧೆ ಓಡ್ಡಲಿದೆ.

ಪ್ರಸ್ತುತ ಮಾರುಕಟ್ಟೆಯಲ್ಲಿ ಕ್ರೂಕ್ಸ್, ವೈಬಿಆರ್ 110 ಮತ್ತು ವೈಬಿಆರ್ 125ಗಳೆಂಬ ಬಜೆಟ್ ಬೈಕ್ ಗಳನ್ನು ಯಮಹಾ ಹೊಂದಿದೆ. ಕೈಗೆಟುಕುವ ದರಗಳಲ್ಲಿ ನೂತನ ಬೈಕ್ ನ ಆಗಮನದೊಂದಿಗೆ ಎಂಟ್ರಿ ಲೆವೆಲ್ ವಿಭಾಗದಲ್ಲಿ ಯಮಹಾ ತನ್ನ ಸಾನಿಧ್ಯವನ್ನು ಇನ್ನಷ್ಟು ಬಲಪಡಿಸುವ ಯೋಜನೆ ಹೊಂದಿದೆ.