ಸಿಂಗಲ್ ಸೀಟಿನ ಯಮಹಾ ವೈಝಡ್‌ಎಫ್-ಆರ್15 ಎಸ್ ಬಿಡುಗಡೆ

ಜಪಾನ್ ಮೂಲದ ಪ್ರಖ್ಯಾತ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಯಮಹಾ ಮೋಟಾರು ಇಂಡಿಯಾ, ಸಿಂಗಲ್ ಸೀಟಿನ ವೈಝಡ್‌ಎಫ್-15 ಎಸ್ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಪ್ರಸ್ತುತ ಬೈಕ್ ಹೊಸ ಗ್ರಾಫಿಕ್ಸ್ ಗಳನ್ನು ಪಡೆಯಲಿದೆ.

ಇಲ್ಲಿ ಸಿಂಗಲ್ ಸೀಟು ಎಂಬುದು ಒಂದೇ ಆಸನ ಎಂಬುದಲ್ಲ. ಬದಲಾಗಿ ವಿಭಜಿತ ಸೀಟಿನ ಬದಲು ಉದ್ದವಾದ ಸೀಟಿನ ಆಯ್ಕೆಯನ್ನು ಕೊಡಲಾಗಿದೆ (ಚಿತ್ರದಲ್ಲಿ ತೋರಿಸಿರುವಂತೆಯೇ).

ಬೆಲೆ ಮಾಹಿತಿ: 1.14 ಲಕ್ಷ ರು. (ಎಕ್ಸ್ ಶೋ ರೂಂ ದೆಹಲಿ)

ಮುಂದಿನಿಂದ ಹಿಂಭಾಗದ ವರೆಗೆ ಒಂದೇ ಸೀಟು ಜೋಡಣೆ ಮಾಡಿರುವುದರಿಂದ ಹಿಂಬದಿ ಸವಾರರಿಗೂ ಆರಾಮದಾಯಕವಾಗಿ ಕುಳಿತುಕೊಳ್ಳಲು ಹೆಚ್ಚು ಅನುಕೂಲವಾಗಲಿದೆ ಎಂಬುದನ್ನು ಸಂಸ್ಥೆ ವಿವರಿಸಿದೆ.

ಇದೇ ವೇಳೆ ಆರ್15 ವಿಭಜಿತ ಸೀಟಿನ ಮಾರಾಟವನ್ನು ಮುಂದುವರಿಸುವುದಾಗಿಯೂ ಯಮಹಾ ತಿಳಿಸಿದೆ. ಸಂಸ್ಥೆಯು ಇತ್ತೀಚೆಗಷ್ಟೇ 321 ಸಿಸಿ ವೈಝಡ್‌ಎಫ್-ಆರ್3 ಕ್ರೀಡಾ ಬೈಕ್ ಬಿಡುಗಡೆ ಮಾಡಿರುವುದನ್ನು ವಾಹನ ಪ್ರೇಮಿಗಳು ನೆನಪಿಸಿಕೊಳ್ಳಬಹುದಾಗಿದೆ.