ರೋಮಾಂಚನದ ರಂಗು ಮೆರೆದ ಎಪ್ರಿಲಿಯಾ ಎಸ್‌ಆರ್150 ಸ್ಕೂಟರ್

ಪ್ರಸಕ್ತ ಸಾಲಿನ ಆಗಸ್ಟ್ ತಿಂಗಳ ವೇಳೆಯಲ್ಲಿ ಮಾರುಕಟ್ಟೆ ಪ್ರವೇಶಿಸುವ ನಿರೀಕ್ಷೆ ಹೊಂದಿರುವ ಎಪ್ರಿಲಿಯಾ ಎಸ್ಆರ್150 ಪ್ರೀಮಿಯಂ ಸ್ಕೂಟರ್, ಸವಾರರಿಗೆ ಹೊಸ ಅನುಭವಕ್ಕೆ ಕಾರಣವಾಗಲಿದೆ.

ಬೈಕ್ ಗಳಲ್ಲಿರುವಂತೆಯೇ 14 ಇಂಚುಗಳ ಬೃಹತ್ತಾದ ಚಕ್ರಗಳನ್ನು ಹೊಂದಿರುವ ಎಪ್ರಿಲಿಯಾ ಎಸ್ಆರ್150, ಸ್ಕೂಟರ್ ಗಳಂತೆ ಆಟೋ ಗೇರ್ ನಲ್ಲಿ ಚಲಿಸಲಿದೆ.

ಪ್ರಮುಖವಾಗಿಯೂ ಕ್ರೀಡಾ ಬೈಕ್ ಇಷ್ಟಪಡುವ ಗ್ರಾಹಕರನ್ನು ಎಪ್ರಿಲಿಯಾ ಗುರಿ ಮಾಡಿಕೊಳ್ಳಲಿದೆ. ಇದು ನಿಮ್ಮ ದೈನಂದಿನ ಅಗತ್ಯಗಳಿಗೆ ಹೇಳಿ ಮಾಡಿಸಿದಂತಹ ಸ್ಕೂಟರ್ ಆಗಿದೆ.

ಸಾಂಪ್ರದಾಯಿಕ ಆಟೋಮ್ಯಾಟಿಕ್ ಸ್ಕೂಟರ್ ಗಿಂತಲೂ ಮಿಗಿಲಾಗಿ ಎಪ್ರಿಲಿಯಾ ಎಸ್ಆರ್150 ಒಂದು ಕ್ರಾಸೋವರ್ ಕ್ರೀಡಾ ಸ್ಕೂಟರ್ ಎನಿಸಿಕೊಳ್ಳಲಿದೆ ಎಂದು ಸಂಸ್ಥೆಯು ಅಭಿಪ್ರಾಯಪಟ್ಟಿದೆ.

ಇನ್ನು ಬ್ರೇಕ್ ಗಳ ಬಗ್ಗೆ ಮಾತನಾಡುವುದಾದ್ದಲ್ಲಿ ಮುಂದುಗಡೆ 220 ಎಂಎಂ ಡಿಸ್ಕ್ ಹಾಗೂ ಹಿಂಬದಿಯಲ್ಲಿ 140 ಎಂಎಂ ಡ್ರಮ್ ಬ್ರೇಕ್ ಕಂಡುಬರಲಿದೆ.

ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ಪುಣೆಯಲ್ಲಿ ಸ್ಥಿತಗೊಂಡಿರುವ ಪಿಯಾಜಿಯೊದ ಬರಮತಿ ಘಟಕದಲ್ಲಿ ಎಪ್ರಿಲಿಯಾ ಎಸ್ಆರ್150 ಸ್ಕೂಟರ್ ಗಳು ಸ್ಥಳೀಯವಾಗಿ ನಿರ್ಮಾಣವಾಗಲಿದೆ. ಇದು ಸ್ಪರ್ಧಾತ್ಮಕ ಬೆಲೆ ಕಾಪಾಡಿಕೊಳ್ಳಲು ನರೆವಾಗಲಿದೆ.

ಎಪ್ರಿಲಿಯಾ ಎಸ್ಆರ್150 ಸ್ಕೂಟರ್ ನಲ್ಲಿ ವೆಸ್ಪಾ 150 ಮಾದರಿಯಲ್ಲಿರುವುದಕ್ಕೆ ಸಮಾನವಾದ ಎಂಜಿನ್ ಬಳಕೆಯಾಗುವ ಸಾಧ್ಯತೆಯಿದೆ. ಇದು 11.5 ಎನ್ ಎಂ ತಿರುಗುಬಲದಲ್ಲಿ 12 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಅಂದ ಹಾಗೆ ಒಮ್ಮೆ ಭಾರತದಲ್ಲಿ ಬಿಡುಗಡೆಯಾದಾಗ ಎಪ್ರಿಲಿಯಾ ಎಸ್ಆರ್150 ಸ್ಕೂಟರ್ 80,000 ರು.ಗಳಿಂದ ಒಂದು ಲಕ್ಷ ರು.ಗಳಷ್ಟು ದುಬಾರಿಯೆನಿಸುವ ಸಾಧ್ಯತೆಯಿದೆ.