Click it and Unblock the Notifications
ಡ್ರೈವರ್ ಲೆಸ್ ಕಾರು ಆಯ್ತು; ಈಗ ಸ್ವಯಂಚಾಲಿತ ಬೈಕ್ ಸರದಿ!
ಸಮಕಾಲೀನ ವಾಹನ ಜಗತ್ತಿನಲ್ಲಿ ಬಿಸಿ ಬಿಸಿ ಚರ್ಚೆಗೆ ಪಾತ್ರವಾಗುತ್ತಿರುವ ಹಾಟ್ ವಿಷಯ ಏನೆಂದರೆ ಭವಿಷ್ಯದ ಪರ್ಯಾಯ ಚಾಲನೆ ವ್ಯವಸ್ಥೆಯೆಂದೇ ಪರಿಗಣಿಸಲ್ಪಡುವ ಸ್ವಯಂಚಾಲಿತ ಕಾರುಗಳು. ಈಗ ಇನ್ನು ಒಂದು ಹೆಜ್ಜೆ ಮುಂದಿಟ್ಟು ಸ್ವಯಂಚಾಲಿತ ಬೈಕ್ ಗಳನ್ನು ಅಭಿವೃದ್ಧಿಯಲ್ಲಿ ತೊಡಗಿದೆ.
ಅನೇಕ ಆಟೋಮೋಟಿವ್ ಸಂಸ್ಥೆಗಳು ಇಂತಹ ಭವಿಷ್ಯತ್ತಿನ ವಾಹನಗಳ ಪರೀಕ್ಷೆಯಲ್ಲಿ ತೊಡಗಿಸಿಕೊಂಡಿರುವಂತೆಯೇ ಡ್ರೈವರ್ ಲೆಸ್ ಬೈಕ್ ಗಳ ಪ್ರವೇಶವಾಗುತ್ತಿದೆ. ಎಲ್ಲವೂ ಅಂದುಕೊಂಡಂತೆ ನಡೆದ್ದಲ್ಲಿ ನಿಕಟ ಭವಿಷ್ಯದಲ್ಲೇ ಸ್ವಯಂಚಾಲಿತ ಬೈಕ್ ಗಳ ಅನಾವರಣವಾಗಲಿದೆ.
ಕೆನಡಾ ಮೂಲದ ಎಂಜಿನಿಯರ್ ಚಾರ್ಲ್ಸ್ ಬಾಂಬರ್ಡಿಯರ್ ಎಂಬವರು ಅತಿ ನೂತನ ಸ್ಲೈಕ್ಲೋಟ್ರಾನ್ (Cyclotron) ಎಂಬ ಡ್ರೈವರ್ ಲೆಸ್ ಬೈಕನ್ನು ಅಭಿವೃದ್ಧಿಪಡಿಸಿದ್ದಾರೆ.
ಇದರ ವಿಶೇಷತೆ ಏನೆಂದರೆ ಇದರೊಳಗೆ ಇಬ್ಬರು ಪ್ರಯಾಣಿಕರು ಮುಖಾಮುಖಿಯಾಗಿ ಆರಾಮವಾಗಿ ಕುಳಿತುಕೊಂಡು ಹರಟೆ ಹೊಡೆಯಬಹುದಾಗಿದೆ.
ಟ್ರಾನ್ ಲೈಟ್ ಸೈಕಲ್ ಮತ್ತು ಲಿಟ್ ಮೋಟಾರ್ಸ್ ಸೆಲ್ಪೆನ್ ಬಾಲನ್ಸಿಂಗ್ ಸಿ1 ಕಾನ್ಸೆಪ್ಟ್ ಗಳಿಂದ ಪ್ರೇರಣೆ ಪಡೆದುಕೊಂಡು ಚಾರ್ಲ್ಸ್ ಬಾಂಬರ್ಡಿಯರ್, ಸ್ಲೈಕ್ಲೋಟ್ರಾನ್ ಎಂಬ ವಿನೂತನ ಕಲ್ಪನೆಗೆ ರೂಪುರೇಷೆ ನೀಡಿದ್ದಾರೆ.
ನಗರ ಪ್ರದೇಶದಲ್ಲಿ ದಣಿವು ರಹಿತ ಪ್ರಯಾಣಕ್ಕೆ ಮೊದಲ ಆದ್ಯತೆ ಕೊಡಲಾಗಿದ್ದು, ವಿದ್ಯುತ್ ಚಾಲಿತ ಬೈಕ್ ಆಗಿದೆ.
ಮಾನವ ಸಹಾಯವನ್ನು ಸಾಧ್ಯವಾದಷ್ಟು ಕಡಿಮೆ ಮಾಡುವುದು ಸ್ಲೈಕ್ಲೋಟ್ರಾನ್ ಉದ್ದೇಶವಾಗಿದೆ. ಇನ್ನು ಬೈಕ್ ನೊಳಗೆ ಹೊಂದಾಣಿಸಬಹುದಾದ ಎರಡು ಸೀಟುಗಳನ್ನು ಲಗತ್ತಿಸಲಾಗಿದೆ.
ಹಮಾಮಾನ ನಿಯಂತ್ರಿತ ಬೈಕ್ ಕ್ಯಾಬಿನ್, ಕಪ್ ಹೋಲ್ಡರ್, ಕೂಲ್ಡ್ ಸೀಟು, ಸೌರಂಡ್ ಸಿಸ್ಟಂ, ಶಬ್ದ ರಹಿತ ಚಾಲನೆ ಹೀಗೆ ಒಂದಲ್ಲ ಎರಡಲ್ಲ ಹಲವು ರೀತಿಯ ಪ್ರಯೋಜನಗಳನ್ನು ಪಟ್ಟಿ ಮಾಡುತ್ತಾ ಹೋಗಬಹುದು.
Continue with Google