ಹೋಂಡಾದಿಂದ 125 ಸಿಸಿ ಅಗ್ಗದ ಬೈಕ್ ಮಾರುಕಟ್ಟೆಗೆ?

ಈ ಸಂಬಂಧ ದಿಟ್ಟ ಹೆಜ್ಜೆಯನ್ನಿಟ್ಟಿರುವ ಹೋಂಡಾ ಸಂಸ್ಥೆಯು ಅಧ್ಯಯನ ಮತ್ತು ಅಭಿವೃದ್ಧಿ ಅಗತ್ಯಗಳಿಗಾಗಿ ಹೋಂಡಾ ಎರಡು ಟಿಎಂಎಕ್ಸ್ 125 ಬೈಕ್ ಗಳನ್ನು ಸಂಸ್ಥೆಯ ಘಟಕಕ್ಕೆ ತರಿಸಿದೆ.

ಅಂದ ಹಾಗೆ ಹೋಂಡಾ ಟಿಎಂಎಕ್ಸ್ 125 ದೇಶದ ಆಯ್ದ ಮಾರುಕಟ್ಟೆಯಲ್ಲಿ ಮಾತ್ರ ಲಭ್ಯವಾಗಲಿದೆ. ಅಲ್ಲದೆ ಬೇಡಿಕೆಯ ಆಧಾರದಲ್ಲಿ ಇತರ ಮಾರುಕಟ್ಟೆಗಳಿಗೂ ವಿಸ್ತರಿಸಲಾಗುವುದು.

ಒಮ್ಮೆ ಹೋಂಡಾ ಟಿಎಂಎಕ್ಸ್ 125 ಮಾರುಕಟ್ಟೆಗೆ ಪ್ರವೇಶಿಸಿದಾಗ ದೇಶದ ಅತ್ಯಂತ ಅಗ್ಗದ 125 ಬೈಕ್ ಎನಿಸಿಕೊಳ್ಳಲಿದೆ.

ಹೋಂಡಾ ಟಿಎಂಎಕ್ಸ್ 125 ಭಾರತದಲ್ಲಿ 30,000 ರು.ಗಳಿಂದ 35,000 ರು.ಗಳ ವರೆಗೆ ದುಬಾರಿಯೆನಿಸುವ ಸಾಧ್ಯತೆಯಿದೆ.

124 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿರುವ ನೂತನ ಹೋಂಡಾ ಟಿಎಂಎಕ್ಸ್ 125, 5 ಸ್ಪೀಡ್ ಗೇರ್ ಬಾಕ್ಸ್ ಪಡೆಯಲಿದೆ.

ಪ್ರಯಾಣಿಕ ಬೈಕ್ ಗಳಿಗಿಂತ ವ್ಯತಿರಿಕ್ತವಾಗಿ ವಿಭಿನ್ನ ವಿನ್ಯಾಸವನ್ನು ಮೈಗೂಡಿಸಿ ಬಂದಿರುವ ಹೋಂಡಾ ಟಿಎಂಎಕ್ಸ್ 125 ಬೈಕ್‌ಗೆ ಯಾವುದೇ ನೇರ ಪ್ರತಿಸ್ಪರ್ಧಿಗಳಿಲ್ಲ. ಆದರೂ ಈ ಗ್ರಾಮೀಣ ಮಾರುಕಟ್ಟೆಯಲ್ಲಿ ಹೆಚ್ಚಿನ ಮಾರಾಟ ಕಂಡುಕೊಂಡಿರುವ ಬಜಾಜ್ ಸಿಟಿ100 ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.

ಅತ್ತ ದೇಶದ ನಂ.1 ಪ್ರಯಾಣಿಕ ಬೈಕ್ ಪಟ್ಟವನ್ನು ಹೋಂಡಾದ್ದೇ ಆಗಿರುವ ಸಿಸಿ ಶೈನ್ ಆಲಂಕರಿಸಿಕೊಂಡಿದೆ. ಇದು ಹೋಂಡಾಗೆ ಮತ್ತಷ್ಟು ವರದಾನವಾಗಿ ಪರಿಣಮಿಸಲಿದೆ.