ಇಂಡಿಯಾ ಬೈಕ್ ವೀಕ್‌ನಲ್ಲಿ ಡುಕಾಟಿ ಶಕ್ತಿಶಾಲಿ ಬೈಕ್ ಬಿಡುಗಡೆ

By Nagaraja

Published: Friday, February 19, 2016, 17:30 [IST]

ಪ್ರವಾಸಿಗರ ಸ್ವರ್ಗ ಗೋವಾದಲ್ಲಿ ಸಾಗುತ್ತಿರುವ 2016 ಇಂಡಿಯಾ ಬೈಕ್ ವೀಕ್‌ನಲ್ಲಿ ಡುಕಾಟಿ ಶಕ್ತಿಶಾಲಿ ಬೈಕ್ ವೊಂದು ಬಿಡುಗಡೆಗೊಂಡಿದೆ. ಅದುವೇ ಡುಕಾಟಿ 959 ಪನಿಗಲ್ (Ducati 959 Panigale).

ಬೆಲೆ ಮಾಹಿತಿ: 14.04 ಲಕ್ಷ ರು.

ಬೈಕ್ ರಸಿಕರನ್ನು ತನ್ನತ್ತ ಸೆಳೆದುಕೊಂಡಿರುವ ಡುಕಾಟಿ 959 ಪನಿಗಲ್ ಶಕ್ತಿಶಾಲಿ ಬೈಕ್, ಇಂಡಿಯಾ ಬೈಕ್ ವೀಕ್ ನಲ್ಲಿ ತನ್ನ ಕಸರತ್ತು ಪ್ರದರ್ಶಿಸಿತ್ತು.

ಇಂಡಿಯಾ ಬೈಕ್ ವೀಕ್‌ನಲ್ಲಿ ಡುಕಾಟಿ ಶಕ್ತಿಶಾಲಿ ಬೈಕ್ ಬಿಡುಗಡೆ

955 ಸಿಸಿ ಲಿಕ್ವಿಡ್ ಕೂಲ್ಡ್ ಎಲ್ ಟ್ವಿನ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಡುಕಾಟಿ ಪನಿಗಲ್, 107.4 ಎನ್ಎಂ ತಿರುಗುಬಲದಲ್ಲಿ 157 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಆರು ಸ್ಪೀಡ್ ಜೊತೆ ಡುಕಾಟಿ ಕ್ವಿಕ್ ಶಿಫ್ಟ್ ಗೇರ್ ಬಾಕ್ಸ್ ವ್ಯವಸ್ಥೆಯನ್ನು ಹೊಂದಿರುವ 959 ಪನಿಗಲ್, ಹಿಂಬದಿಯ ಚಕ್ರಗಳಿಗೆ ಶಕ್ತಿಯನ್ನು ವರ್ಗಾಯಿಸಲಿದೆ.

ಸಸ್ಪೆನ್ಷನ್

ನೂತನ ಡುಕಾಟಿ 959 ಪನಿಗಲ್ ಸಂಪೂರ್ಣವಾಗಿ ಹೊಂದಾಣಿಸಬಹುದಾದ ಶೋವಾ ಟೆಲಿಸ್ಕಾಪಿಕ್ ಫ್ರಂಟ್ ಫಾರ್ಕ್ ಜೊತೆ 120 ಎಂಎಂ ಟ್ರಾವೆಲ್ ಮತ್ತು ಹಿಂದುಗಡೆ 120 ಎಂಎಂ ಟ್ರಾವೆಲ್ ಸ್ಯಾಚ್ ಮೊನೊಶಾಕ್ ಪಡೆಯಲಿದೆ.

ಬ್ರೇಕ್

ಅಂತೆಯೇ ಮುಂದುಗಡೆ 320 ಎಂಎಂ ಸೆಮಿ ಫ್ಲೋಟಿಂಗ್ ಡಿಸ್ಕ್ ಬ್ರೇಕ್ ಹಾಗೂ ಹಿಂಬದಿಯಲ್ಲಿ 245 ಎಂಎಂ ಡಿಸ್ಕ್ ಬ್ರೇಕ್ ಪಡೆಯಲಿದೆ. ಇವೆಲ್ಲದರ ಜೊತೆಗೆ ಬಾಷ್ ಎಬಿಎಸ್ ವ್ಯವಸ್ಥೆಯೂ ಇದರಲ್ಲಿದೆ.