82 ಕೀ.ಮೀ. ಮೈಲೇಜ್ ನೀಡಬಲ್ಲ ಯಮಹಾ ನೂತನ ಬೈಕ್ ಬಿಡುಗಡೆ

By Nagaraja

Published: Thursday, April 14, 2016, 17:58 [IST]

ಜಪಾನ್ ಮೂಲದ ಮುಂಚೂಣಿಯ ದ್ವಿಚಕ್ರ ವಾಹನ ಸಂಸ್ಥೆಯಾಗಿರುವ ಇಂಡಿಯಾ ಯಮಹಾ ಮೋಟಾರ್ ಪ್ರೈವೇಟ್ ಲಿಮೆಟೆಡ್ ಸಂಸ್ಥೆಯು ದೇಶದಲ್ಲಿ ಅತಿ ನೂತನ ಸೆಲ್ಯೂಟೊ ಆರ್‌ಎಕ್ಸ್, ಎಂಟ್ರಿ ಲೆವೆಲ್ ಪ್ರಯಾಣಿಕ ಬೈಕ್ ಬಿಡುಗಡೆಗೊಳಿಸಿದೆ.

ಬೆಲೆ ಮಾಹಿತಿ: 46,400 ರು. (ದೆಹಲಿ ಎಕ್ಸ್ ಶೋ ರೂಂ)

ಎಂಟ್ರಿ ಲೆವೆಲ್ ಕ್ರೀಡಾ ಬೈಕ್ ವಿಭಾಗದಲ್ಲಿ ತನ್ನ ಅಧಿಪತ್ಯ ಸಾಧಿಸಿರುವ ಯಮಹಾ ಈಗ ಗ್ರಾಹಕರ ಕೈಗೆಟುಕುವ ಬೆಲೆಗಳಲ್ಲಿ ಬಜೆಟ್ ಬೈಕ್ ಬಿಡುಗಡೆಗೊಳಿಸಿದೆ.

ಎಂಜಿನ್

ಬ್ಲೂ ಕೋರ್ ಡೆವಲಪ್ ಮೆಟ್ ಕಾನ್ಸೆಪ್ಟ್ ತಳಹದಿಯಲ್ಲಿ ನಿರ್ಮಾಣವಾಗಿರುವ ನೂತನ ಯಮಹಾ ಸೆಲ್ಯೂಟೊ ಆರ್‌ಎಕ್ಸ್, 110 ಸಿಸಿ, ಏರ್ ಕೂಲ್ಡ್, 4 ಸ್ಟ್ರೋಕ್, 2 ವಾಲ್ವ್ ಸಿಂಗಲ್ ಸಿಲಿಂಡರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 8.5 ಎನ್‌ಎಂ ತಿರುಗುಬಲದಲ್ಲಿ 7.5 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಮೈಲೇಜ್

ಸ್ಟ್ಯಾಂಡರ್ಡ್ ರಸ್ತೆ ಪರಿಸ್ಥಿತಿಯಲ್ಲಿ ನೂತನ ಯಮಹಾ ಸೆಲ್ಯೂಟೊ ಆರ್‌ಎಕ್ಸ್ ಪ್ರತಿ ಲೀಟರ್ ಗೆ 82 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.

ಭಾರ

ಹಳೆಯ ಮಾದರಿಗಿಂತಲೂ 22 ಕೆ.ಜಿ. ಗಳಷ್ಟು ಭಾರ ಕಡಿಮೆ ಹೊಂದಿರಲಿರುವ ಯಮಹಾ ಸೆಲ್ಯುಟೊ ಆರ್‌ಎಕ್ಸ್ ಹಗುರ ಭಾರದ ಬೈಕ್ ಗಳ ಸಾಲಿನಲ್ಲಿ ಗುರುತಿಸಿಕೊಳ್ಳಲಿದೆ. ಇದು ಒಟ್ಟಾರೆ 98 ಕೆ.ಜಿ ತೂಕವನ್ನು ಪಡೆದಿದೆ.