ಬೈಕ್ ಖರೀದಿಗೆ ಸುವರ್ಣಾವಕಾಶ- ಕೇವಲ 29 ಸಾವಿರಕ್ಕೆ ವಿನೂತನ ಬಜಾಜ್ ಸಿಟಿ 100

ಸಿಟಿ 100 ಬೈಕ್ ನಮೂನೆಗಳು

ಹೊಸ ವಿನ್ಯಾಸಗಳೊಂದಿಗೆ ಸಿದ್ಧಗೊಂಡಿರುವ ಸಿಟಿ 100, ಒಟ್ಟು 3 ವಿವಿಧ ನಮೂನೆಗಳಲ್ಲಿ ಬಿಡುಗಡೆಗೊಂಡಿದೆ. ಹೊಸ ಮಾದರಿಗಳಲ್ಲಿ ಬಿಎಸ್-4 ಮತ್ತು ಎಎಚ್‍‌ಎ ಸೌಲಭ್ಯಗಳನ್ನು ಒದಗಿಸಲಾಗಿದೆ.

ಸಿಟಿ 100 ಬೈಕ್ ಬೆಲೆಗಳು

ಸಿಟಿ 100ಬಿ - ರೂ.29,988

ಸಿಟಿ 100 - ರೂ. 35,389

ಸಿಟಿ 100 (ಅಲಾಯ್ ವೀಲ್ಹ್) - ರೂ. 38,981

ಎಂಜಿನ್ ಸಾಮರ್ಥ್ಯ

99.27 ಸಿಸಿ ಸಿಂಗಲ್ ಸಿಲಿಂಡರ್ ಸಾಮರ್ಥ್ಯ ಹೊಂದಿರುವ ಬಜಾಜ್ ಸಿಟಿ 100, 8.1-ಬಿಎಚ್‌ಪಿ ಮತ್ತು 8.05-ಎಂಎನ್ ಉತ್ಪಾದನಾ ಶಕ್ತಿ ಹೊಂದಿದೆ.

ಹೊಚ್ಚ ಹೊಸ ಮಾದರಿಗಳಲ್ಲಿ 4-ಸ್ಪೀಡ್ ಗೇರ್‌‌ಬಾಕ್ಸ್ ವ್ಯವಸ್ಥೆಯಿದ್ದು, ಗರಿಷ್ಠ ಪ್ರಮಾಣದಲ್ಲಿ ಪ್ರತಿಗಂಟೆಗೆ 90 ಕಿಮಿ ವೇಗ ಪಡೆದುಕೊಳ್ಳುವ ಶಕ್ತಿ ಹೊಂದಿದೆ.

ಟೆಲಿಸ್ಕೋಪಿಕ್ ಫ್ರೋಕ್ಸ್ ಹಾಗೂ ಎಸ್ಎನ್ಎಸ್ ಅಳವಡಿಕೆಯಿದ್ದು, 110-ಎಂಎಂ ಡ್ರಮ್ ಬ್ರೇಕ್ ವ್ಯವಸ್ಥೆಯಿದೆ. ಜೊತೆಗೆ ಬಜಾಜ್ ಸಿಟಿ ಉನ್ನತ ಮಟ್ಟದ ಮಾದರಿಯಲ್ಲಿ ಅಲಾಯ್ ವೀಲ್ಹ್ ಪಡೆದುಕೊಂಡಿದೆ.

108-ಕೆ.ಜಿ ತೂಕ ಹೊಂದಿರುವ ಬಜಾಜ್ ಸಿಟಿ 100 ಮಾದರಿಗಳು, ಹೊಸ ವಿನ್ಯಾಸದಿಂದಾಗಿ ಗ್ರಾಹಕರನ್ನು ಸೆಳೆಯಲು ಸಜ್ಜುಗೊಂಡಿವೆ.

ಹೊಸ ಮಾದರಿಗಳಲ್ಲಿ 10.5-ಲೀಟರ್ ಪ್ಯೂಲ್ ಟ್ಯಾಂಕ್ ಹಾಗೂ ಎಎಚ್‌ಒ (ಆಟೋಮೆಟಿಕ್ ಹೆಡ್‌ಲ್ಯಾಂಪ್ ಆನ್) ವ್ಯವಸ್ಥೆಯಿದೆ. ಜೊತೆಗೆ ಬೈಕಿನ ಟೈರುಗಳು 3-ಇಂಚಿನಷ್ಟು ಅಗಲ ಹೊಂದಿವೆ.

ಇನ್ನು ಹೊಸ ಬೈಕ್‌ಗಳು ಪ್ರಮುಖ 2 ಬಣ್ಣಗಳಲ್ಲಿ ಲಭ್ಯವಿದೆ. ರೆಡ್ ಮತ್ತು ಎಬೋನಿ ಬ್ಲ್ಯಾಕ್‌ನಲ್ಲಿ ಸಿಗಲಿದ್ದು, ಬೈಕ್ ಹೊರ ವಿನ್ಯಾಸ ಸಾಕಷ್ಟು ಗಮನಸೆಳೆಯುತ್ತಿವೆ.

ಒಟ್ಟಾರೆ ಕಡಿಮೆ ಬಜೆಟ್‌ನಲ್ಲಿ ಒಂದು ಬೈಕ್ ಖರೀದಿ ಮಾಡಬೇಕೆಂಬ ಮಧ್ಯಮ ವರ್ಗಗಳಿಗೆ ಬಜಾಜ್ ಸಿಟಿ 100 ಒಂದು ಅತ್ಯುತ್ತಮ ಬೈಕ್ ಎಂದರೇ ತಪ್ಪಾಗಲಾರದು.

ಬಿಎಸ್-4 ಎಂಜಿನ್ ವ್ಯವಸ್ಥೆ ಹೊಂದಿರುವ ಹೊಚ್ಚ ಹೊಸ ಬಜಾಜ್ ಡೋಮಿನಾರ್ ಬೈಕ್ ಚಿತ್ರಗಳಿಗಾಗಿ ಕೆಳಗಿನ ಫೋಟೋ ಗ್ಯಾಲರಿಯನ್ನು ಕ್ಲಿಕ್ ಮಾಡಿ.