ಬಿಡುಗಡೆಗೊಂಡ ಹೊಚ್ಚ ಹೊಸ "ಸೂಪರ್ ಸ್ಪ್ಲೆಂಡರ್ ಐ3ಎಸ್"

ಸ್ಪ್ಲೆಂಡರ್ ದೇಶದ ಜನರ ವಿಶ್ವಾಸಗಳಿಸಿದ ಬೈಕ್ ಗಳಲ್ಲಿ ಮೊದಲ ಸ್ಥಾನದಲ್ಲಿ ಮುಂದುವರೆದಿದೆ, ಹಾಗು ಅತ್ಯಂತ ಯಶಸ್ವಿ ಮಾದರಿಗಳಲ್ಲಿ ಒಂದಾಗಿದೆ. ಈ ನಿಟ್ಟಿನಲ್ಲಿ ಸೂಪರ್ ಸ್ಪ್ಲೆಂಡರ್ ಹೆಚ್ಚಿನ ಸಂಖ್ಯೆಯ ಮಾರಾಟ ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ.

ಇನ್ನು ಐ3ಎಸ್ ತಂತ್ರಜ್ಞಾನ ಹೊಂದಿರುವ ಬೈಕಿನ ಹೊಸ ಮುಖ್ಯ ಲಕ್ಷಣಗಳ ಬಗ್ಗೆ ಹೇಳುವುದಾದರೆ, 1,995 ಎಂಎಂ ಉದ್ದವಿರುವ ಬೈಕ್ ಇದಾಗಿದೆ, 735 ಎಂಎಂ ಅಗಲವಿದ್ದು, 1095 ಎಂಎಂ ಎತ್ತರ ಹೊಂದಿದೆ.

ಈ ಮೊದಲು ತಾನು ಪೇಟೆಂಟ್ ಪಡೆದಿರುವ ಐ3ಎಸ್ ತಂತ್ರಜ್ಞಾನ ಹೊಂದಿರುವ ಫ್ಯಾಶನ್ ಪ್ರೊ ಬೈಕ್ ಅನ್ನು ಬಿಡುಗಡೆಗೊಳಿಸಿತ್ತು.

ಈ ಬೈಕ್ ಎಲ್ಲಾ ಬೈಕುಗಳಂತೆ ಅನ್ಕೊಂಡ್ರಾ ? ಖಂಡಿತ ಅಲ್ಲ, ಈ ಬೈಕಿನಲ್ಲಿ ಐ3ಎಸ್ ತಂತ್ರಜ್ಞಾನ ಅಳವಡಿಸಲಾಗಿದ್ದು, ನಿಂತಿರುವ ಸಮಯದಲ್ಲಿ ಈ ಬೈಕ್ ಐದು ಸೆಕೆಂಡ್ಸ್ ಗಿಂತ ಹೆಚ್ಚು ಹೊತ್ತು ಚಲನೆಯ ಸ್ಥಿತಿಯಲ್ಲಿದ್ದರೆ ಗಾಡಿಯು ತಂತಾನೆ ನಿಷ್ಕ್ರಿಯಗೊಳ್ಳುತ್ತದೆ, ನೀವು ಕ್ಲಚ್ ಲಿವರ್ ಎಳೆದ ತಕ್ಷಣ ಮತ್ತೆ ಚಾಲನಾ ಸ್ಥಿತಿಗೆ ಮರಳುತ್ತದೆ.

ಸೂಪರ್ ಸ್ಪ್ಲೆಂಡರ್ ಬೈಕ್ ಬಿಎಸ್ಐವಿ ಕಂಪ್ಲೈಂಟ್ ಹೊಂದಿದೆಯೇ ಇಲ್ಲವೇ ಎನ್ನುವ ವಿಚಾರ ಇನ್ನು ತಿಳಿದುಬಂದಿಲ್ಲ.

ಈ ಬೈಕ್, ಬ್ಲಾಕ್ ವಿಥ್ ಎಲೆಕ್ಟ್ರಿಕ್ ಪರ್ಪಲ್, ಕ್ಯಾಂಡಿ ಬ್ಲಾಸಿಂಗ್ ರೆಡ್, ಗ್ರ್ಯಾಫೈಟ್ ಕಪ್ಪು, ವೈಬ್ರೆಂಟ್ ನೀಲಿ ಮತ್ತು ಬ್ಲಾಕ್ ವಿಥ್ ಫೈರಿ ರೆಡ್ ಎಂಬ ಹೊಚ್ಚ ಹೊಸ ಬಣ್ಣಗಳಲ್ಲಿ ಲಭ್ಯವಿದೆ.

ಹೊಸ ಐ3ಎಸ್ ತಂತ್ರಜ್ಞಾನ ಹೊಂದಿರುವ ಸೂಪರ್ ಸ್ಪ್ಲೆಂಡರ್ ಸುಮಾರು 121 ಕೆ.ಜಿ ಭಾರವಿದ್ದು, 124.7ಸಿಸಿ ಯ ಏರ್-ಕೂಲ್ಡ್ ಎಂಜಿನ್ ಹೊಂದಿದೆ. ಹಾಗೆಯೇ ಫೋರ್ ಸ್ಪೀಡ್ ಗೇರ್ ಬಾಕ್ಸ್ ಸಹ ಪಡೆದುಕೊಳ್ಳಲಿರುವ ಈ ಬೈಕ್ 10.35 ಎನ್ಎಂ ತಿರುಗುಬಲದಲ್ಲಿ 9 ಅಶ್ವಶಕ್ತಿಯನ್ನು ಉತ್ಪಾದಿಸಲಿರುವ ಈ ಬೈಕ್ ನಿಮಗೆ ರೂ. 55,275 ಗೆ ಸಿಗಲಿದೆ.