ಬಿಡುಗಡೆಗೂ ಮುನ್ನವೇ 'ಹೋಂಡಾ ಡಿಯೊ' ಸ್ಕೂಟರ್ ರಹಸ್ಯ ಚಿತ್ರಗಳು ಬಿಡುಗಡೆ.

ಈ ನವೀನ ಮಾದರಿಯ ಫೇಸ್ ಲಿಫ್ಟ್ ಸ್ಕೂಟರ್ ನೀರಿಕ್ಷೆಯಂತೆ ಬಿಎಸ್ IV ಕಂಪ್ಲೇಂಟ್ ಎಂಜಿನ್ ಹೊಂದಿದ್ದು, ಭಾರತ ಸರ್ಕಾರದ ನಿಯಮದಂತೆ ಸ್ವಯಂಚಾಲಿತ ಹೆಡ್ ಲೈಟ್ ಆಯ್ಕೆ ಹೊಂದಿದೆ.

ಕಳೆದ ಮಾದರಿಗಿಂತ ಹೆಚ್ಚು ಅಂದಗೊಂಡು ಜನರ ಮುಂದೆ ಬರುತ್ತಿರುವ ಈ ಹೋಂಡಾ ಡಿಯೊ ಸ್ಕೂಟರ್ ಜನರನ್ನು ಹೆಚ್ಚು ಆಕರ್ಷಿಸುವುದು ಖಂಡಿತ.

ದೇಶದ ಎರಡನೇ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆ ಹೋಂಡಾ ಮೋಟಾರ್ ಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ ಪ್ರೈವೇಟ್ ಲಿಮೆಟೆಡ್ (ಎಚ್‌ಎಂಎಸ್ಐ) ಸಂಸ್ಥೆಯ ಹೆಮ್ಮೆಯ ಕೂಸು ಈ ಡಿಯೊ.

ಹೋಂಡಾ ತನ್ನ ಜನಪ್ರಿಯ ಡಿಯೊ ಫೇಸ್ ಲಿಫ್ಟ್ ಮಾದರಿಯನ್ನು ಹೆಚ್ಚು ತಾಜಾತನದೊಂದಿಗೆ ಈ ವರ್ಷ ಮರು ಬಿಡುಗಡೆಗೊಳಿಸಿಲಿದೆ.

ಈಗಾಗಲೇ ಏವಿಯೇಟರ್ ಮತ್ತು ಆಕ್ಟಿವಾ ಸ್ಕೂಟರ್‌ಗಳನ್ನು ಬಿಡುಗಡೆಗೊಳಿಸಿರುವ ಜಪಾನ್ ಮೂಲದ ದೈತ್ಯ ಸಂಸ್ಥೆ ಬಿಎಸ್IV ಹೊಂದಿರುವ ಡಿಯೊ ಸ್ಕೂಟರ್ ಸಾದ್ಯಾದರಲ್ಲಿಯೇ ಬಿಡುಗಡೆಗೊಳಿಸಿದೆ.

ಡೀಲರ್ ಒಬ್ಬರ ದಾಸ್ತಾನಿನಲ್ಲಿ ಸೆರೆಹಿಡಿದಿರುವ ಈ ಚಿತ್ರ ಸೆರೆ ಹಿಡಿಯಲಾಗಿದೆ ಎನ್ನಲಾಗಿದ್ದು, ಮುಂಭಾಗದಲ್ಲಿ ನಗುವಿನ ರೂಪದಲ್ಲಿ ಹೆಡ್ ಲೈಟ್ ರೂಪಿಸಲಾಗಿದೆ.

ಮುಂಭಾಗದಲ್ಲಿ ಸೂಕ್ಷ್ಮವಾಗಿ ಗಮನಿಸಿದರೆ ಎಲ್ಇಡಿ ದೀಪಗಳನ್ನು ಗಮನಿಸಬಹುದಾಗಿದ್ದು, ಈ ದೀಪಗಳು ಹೆಚ್ಚು ಆಕರ್ಷಣೆ ನೀಡಲಿವೆ.

ಎರಡು ಬಣ್ಣಗಳ ಹೊದಿಕೆ ಹೊಂದಿರುವ ಮುಂಭಾಗ ಹೊಂದಿರುವ ಈ ಡಿಯೊ ಸ್ಕೂಟರ್ ತುಂಬೆಲ್ಲಾ ಸ್ಪೋರ್ಟ್ಸ್ ಗ್ರಾಫಿಕ್ಸ್ ಹೊಂದಿರುವ ಈ ಸ್ಕೂಟರ್ ಯುವಕ ಯುವತಿಯರ ಸದ್ಯದರಲ್ಲಿಯೇ ಸಾರತಿಯಾಗಲಿದೆ.

ಈ ಹೊಚ್ಚ ಹೊಸ ಸ್ಕೂಟರ್ 109.2 ಸಿಸಿ ಏರ್ ಕೋಲ್ಡ್ ಎಂಜಿನ್ ಹೊಂದಿದ್ದು, ನಾಲ್ಕು ಸ್ಟ್ರೋಕ್ ಎಂಜಿನ್ 8.77 ತಿರುಗುಬಲದಲ್ಲಿ 8 ಅಶ್ವಶಕ್ತಿ ಉತ್ಪಾದಿಸಲಿದೆ.

ಈ ಬಿಎಸ್IV ಹೊಂದಿರುವ ಡಿಯೊ ಸ್ಕೂಟರ್ ಸದ್ಯ ಇರುವ ಸ್ಕೂಟರಿಗಿಂತ ನಾಲ್ಕರಿಂದ ಐದು ಸಾವಿರ ರೂಗಳು ಹೆಚ್ಚಿಗೆ ಇರಲಿದೆ.