2017ರ ಮಾರುತಿ ಸುಜುಕಿ ದಕ್ಷಿಣ ಡೇರ್- ಮುನ್ನಡೆ ಸಾಧಿಸಿದ ಸಾಮಾರ್ಥ್ ಯಾದವ್ ಮತ್ತು ಎಸ್‌.ಎನ್ ನಿಜಾಮಿ

ಬೆಂಗಳೂರಿನಿಂದ ಆರಂಭವಾಗಿರುವ ದಕ್ಷಿಣ ಡೇರ್ ಮೋಟಾರ್ ರ‍್ಯಾಲಿಯು ಮೊದಲ ಹಂತವಾಗಿ ರಾಜಧಾನಿಯಿಂದ 463 ಕಿ.ಮಿ(ಆಪ್ ರೋಡ್) ದೂರದಲ್ಲಿರುವ ಚಿತ್ರದುರ್ಗ ತುಲುಪಿದ್ದು, ಅಲ್ಟಿಮೇಟ್ ಕಾರುಗಳ ವಿಭಾಗದಲ್ಲಿ ಸಾಮರ್ಥ್ ಯಾದವ್ ಮತ್ತು ಎಸ್ ಎನ್ ನಿಜಾಮಿ ಮುನ್ನಡೆ ಸಾಧಿಸಿದರು.

ಕೇವಲ 2 ಗಂಟೆ 46 ನಿಮಿಷ 26 ಸೇಕೆಂಡುಗಳಲ್ಲಿ ನಿಗದಿತ ಗುರಿ ತಲುಪಿದ ಸಾಮರ್ಥ್ ಯಾದವ್ ಮತ್ತು ಎಸ್ ಎನ್ ನಿಜಾಮಿ, 463 ಕಿ.ಮಿ ದೂರವನ್ನು ಯಾವುದೇ ತೊಂದರೆ ಇಲ್ಲದೇ ಗುರಿ ತಲುಪುವಲ್ಲಿ ಯಶಸ್ವಿಯಾದರು.

ದ್ವಿತೀಯ ಸ್ಥಾನಕ್ಕೆ ತೀವ್ರ ಸೆಣಸಾಟ ನಡೆಸಿದ ಮಾರುತಿ ಸುಜುಕಿ ತಂಡದ ಸದಸ್ಯರಾದ ಸಂದೀಪ್ ಶರ್ಮಾ ಮತ್ತು ಕರಣ್ ಆರ್ಯಾ 2 ಗಂಟೆ 46 ನಿಮಿಷ 35 ಸೇಕೆಂಡುಗಳಲ್ಲಿ ಗುರಿ ತಲುಪಿದರು.

ಅದೇ ರೀತಿಯಾಗಿ ಆಪ್ ರೋಡಿಂಗ್ ಕಸರತ್ತುಗಳನ್ನು ಎದುರಿಸಿದ ಮಾರುತಿ ಸುಜುಕಿಯ ಮತ್ತೊಂದು ತಂಡದ ಸದಸ್ಯರಾದ ಸುರೇಶ್ ರಾಣಾ ಮತ್ತು ಅಶ್ವಿನ್ ನಾಯಕ್ ಜೋಡಿಯು ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತು.

ಇದಲ್ಲದೇ ಅಲ್ಟಿಮೇಟ್ ದ್ವಿಚಕ್ರ ವಾಹನ ವಿಭಾಗದಲ್ಲಿ ಸಂಜಯ್ ಕುಮಾರ್ 1 ಗಂಟೆ, 50 ನಿಮಿಷ, 0.8 ಸೆಕೆಂಡ್‌ಗಳಲ್ಲಿ ಗುರಿ ತಲುಪುವ ಮೂಲಕ ಮೊದಲ ಹಂತದಲ್ಲಿ ಮುನ್ನಡೆ ಸಾಧಿಸಿದ್ದು, ನಟರಾಜ್ ಆರ್ 1 ಗಂಟೆ, 50 ನಿಮಿಷ, 42 ಸೆಕೆಂಡ್‌ಗಳಲ್ಲಿ ಎರಡನೇ ಸ್ಥಾನ ಮತ್ತು ಅಬ್ದುಲ್ ವಾಹಿದ್ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.

ಸದ್ಯ ಎಂಡ್ಯುರೆನ್ಸ್ ಬೈಕ್ ವಿಭಾಗದಲ್ಲಿ ಸುಬಿರ್ ರಾಯ್ ನಿರವ್ ಮೆಹ್ತಾ ಮುನ್ನಡೆ ಕಾಯ್ದುಕೊಂಡಿದ್ದು, 15ನೇ ದಕ್ಷಿಣ ಡೇರ್ ಮೋಟಾರ್ ರ‍್ಯಾಲಿ ಭಾರೀ ರೋಚಕತೆಯಿಂದ ಕೂಡಿದೆ.