ಸೆಪ್ಟೆಂಬರ್ 2ಕ್ಕೆ ಯುಎಂ ರೆನೆಗೆಡ್ ಕ್ಲಾಸಿಕ್ ಮತ್ತು ಕಮಾಂಡೋ ಮೊಜವೆ ಬೈಕ್ ಬಿಡುಗಡೆ

ಕ್ರೂಸರ್ ಬೈಕ್ ಮಾದರಿಗಳಲ್ಲಿ ಅತಿಹೆಚ್ಚು ಬೇಡಿಕೆ ಹೊಂದಿರುವ ಯುಎಂ ರೆನೆಗೆಡ್ ಕ್ಲಾಸಿಕ್ ಮತ್ತು ಕಮಾಂಡೋ ಮೊಜವೆ ಬೈಕ್‌ಗಳು ಮುಂದಿನ ತಿಂಗಳು 2ರಂದು ಬಿಡುಗಡೆಯಾಗುತ್ತಿದ್ದು, ಪ್ರಿಮಿಯಂ ಮೋಟಾರ್ ಸೈಕಲ್‌ಗಳನ್ನು ಹಿಂದಿಕ್ಕುವ ನೀರಿಕ್ಷೆಯೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡುತ್ತಿವೆ.

ಈ ಹಿಂದೆ ಇದೇ ಮಾದರಿಗಳನ್ನು 2016ರ ಆಟೋ ಎಕ್ಸ್‌ಪೋದಲ್ಲಿ ಪ್ರದರ್ಶನಗೊಳಿಸಿದ್ದ ಯುಎಂ ಮೋಟಾರ್ಸ್, ಇದೀಗ ಪ್ರಸ್ತುತ ಮಾರುಕಟ್ಟೆಯಲ್ಲಿನ ಅನುಗುಣವಾಗಿ ರೆನೆಗೆಡ್ ಕ್ಲಾಸಿಕ್ ಮತ್ತು ಕಮಾಂಡೋ ಮೊಜವೆ ಬೈಕ್‌ನ್ನು ಗ್ರಾಹಕರಿಗೆ ಪರಿಚಯಿಸುತ್ತಿದೆ.

ಎಂಜಿನ್

279 ಸಿಸಿ ಫ್ಯೂಲ್ ಇಂಜ್ಕೆಟೆಡ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ಹೊಂದಿದ್ದು, 24-ಬಿಎಚ್‌ಪಿ ಮತ್ತು 23-ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿಯನ್ನು ಹೊಂದಿವೆ.

ಜೊತೆಗೆ 6-ಸ್ಪೀಡ್ ಗೇರ್‌ಬಾಕ್ಸ್ ಕೂಡಾ ಹೊಂದಿರುವ ಯುಎಂ ರೆನೆಗೆಡ್ ಕ್ಲಾಸಿಕ್ ಮತ್ತು ಕಮಾಂಡೋ ಮೊಜವೆ ಬೈಕ್‌ಗಳು, ಡಸರ್ಟ್ ಪೇಂಟ್ ಸ್ಕಿಮ್ ಹಾಗೂ ಲೆದರ್ ಸೈಡ್ ಬ್ಯಾಗಗಳನ್ನು ಪಡೆದುಕೊಂಡಿವೆ.

ಇನ್ನೊಂದು ಪ್ರಮುಖ ವಿಚಾರವೆಂದರೇ ರೆನೆಗೆಡ್ ಕ್ಲಾಸಿಕ್ ಮತ್ತು ಕಮಾಂಡೋ ಮೊಜವೆ ಬೈಕ್‌ಗಳು ದೇಶಿಯವಾಗಿ ನಿರ್ಮಾಣವಾಗಿದ್ದು, ಉತ್ತರಾಖಂಡ್‌ನಲ್ಲಿರುವ ಕಾಶಿಪುರಾ ಬೈಕ್ ಉತ್ಪಾದನಾ ಕೇಂದ್ರದಲ್ಲಿ ಸಿದ್ದಗೊಂಡಿವೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಭಾರತದಲ್ಲಿ ಸೂಪರ್ ಬೈಕ್ ಮಾದರಿಗಳಿಗೆ ಬೇಡಿಕೆ ಹೆಚ್ಚುತ್ತಿದ್ದು ಈ ನಿಟ್ಟಿನಲ್ಲಿ ಯುಎಂ ಮೋಟಾರ್ಸ್ ಸಂಸ್ಥೆಯು ರೆನೆಗೆಡ್ ಕ್ಲಾಸಿಕ್ ಮತ್ತು ಕಮಾಂಡೋ ಮೊಜವೆ ಬೈಕ್‌ಗಳನ್ನು ಪರಿಚಯಿಸುತ್ತಿದ್ದು, ರಾಯಲ್ ಎನ್‌ಫೀಲ್ಡ್ 350 ಸಿಸಿ ಸಾಮರ್ಥ್ಯದ ಟಂಡರ್ ಬರ್ಡ್ ಮತ್ತು ಕ್ಲಾಸಿಕ್ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗುವುದರಲ್ಲಿ ಯಾವುದೇ ಸಂದೇಹವಿಲ್ಲ.