ಇದು ಪ್ರಪಂಚದ ಮೊದಲ ಅಂಡ್ರಾಯ್ಡ್‌ ಆಧಾರಿತ ಎಲೆಕ್ಟ್ರಿಕ್ ಸ್ಕೂಟರ್.!

ಫ್ರೆಂಚ್ ಮೂಲದ ಸಂಸ್ಥೆಯಾದ ಆರ್ಕೋಸ್ ತಂಡವು ಅಂಡ್ರಾಯ್ಡ್ ಸಹಾಯದೊಂದಿಗೆ ಚಲಿಸುವ ಸ್ಕೂಟರ್ ಅನ್ನು ತಯಾರಿಸಿದ್ದು, ಸಿಟಿ ಕನೆಕ್ಟ್ ಎಂಬ ಹೆಸರಿನಲ್ಲಿ ಮಾರುಕಟ್ಟೆಗೆ ಪರಿಚಯಿಸಲು ಮುಂದಾಗಿರುವ ಈ ಎಲೆಕ್ಟ್ರಿಕ್ ಸ್ಕೂಟರ್ ಹಲವು ವಿಶೇಷತೆಗಳಿಗೆ ಕಾರಣವಾಗಿದೆ.

ಆಂಡ್ರಾಯ್ಡ್ ನ ಹೊಸ ವರ್ಷನ್ ಆದ 'ಒರಿಯೊ' ಒಎಸ್ ಅನ್ನು ಈ ಸ್ಕೂಟರಿನಲ್ಲಿ ಅಳವಡಿಸಲಾಗಿದ್ದು, ಶಾಕ್ ಪ್ರೂಫ್, ವಾಟರ್ ಪ್ರೂಫ್ ಮತ್ತು ಡಸ್ಟ್ ಪ್ರೂಫ್ ಮೊಬೈಲ್ ನಲ್ಲಿರುವ ಎಲ್ಲಾ ಅಂಶಗಳು ಇದು ಪಡೆದುಕೊಂಡಿದೆ.

ಇದರಲ್ಲಿ ಬಳಸಲಾಗಿರುವ ಅಂಡ್ರಾಯ್ಡ್ ಪವರ್ಡ್ ಡಿವೈಸ್ 5 ಇಂಚಿನ ಐಪಿಎಸ್ ಡಿಸ್ಪ್ಲೇ, ಗೊರಿಲ್ಲಾ ಗ್ಲಾಸ್, ಕ್ವಾಡ್-ಕೋರ್ ಪ್ರೊಸೆಸ್ಸರ್, 1ಜಿಬಿ RAM, 6000ಎಂಎಹೆಚ್ ಬ್ಯಾಟರಿ, 8 ಜಿಬಿ ಇನ್‌ಬಿಲ್ಟ್ ಸ್ಟೋರೆಜ್, ವೈ-ಫೈ ಮತ್ತು 3 ಜಿ ಸ್ಪೀಡ್ ಪಡೆದುಕೊಂಡಿದೆ.

ಅಲ್ಯೂಮಿನಿಯಂ ನಿಂದ ತಯಾರಾದ ಈ ಸ್ಕೂಟರ್ 250 ವಾಲ್ಟ್ಸ್ ಮೋಟಾರ್‌ನ್ನು ಹೊಂದಿದ್ದು, ಇದಲ್ಲದೆ ಈ ಸ್ಕೂಟರ್ 35 ವ್ಯಾಟ್ಸ್ ಬ್ಯಾಟರಿಯಿಂದ ಶಕ್ತಿಯನ್ನು ಪಡೆದಿರುವ ಹಿನ್ನೆಲೆ 100ಕೆಜಿ ತೂಕವನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ ಎನ್ನಲಾಗಿದೆ.

ಇನ್ನು ನಗರ ಪ್ರದೇಶಗಳಲ್ಲಿ ಸುಮಾರು 25 ಕಿಲೋಮೀಟರ್ ದೂರವನ್ನು ತಲುಪುವ ಶಕ್ತಿಯನ್ನು ಹೊಂದಿದ್ದು, ನಗರ ಪ್ರದೇಶದ ವಾಸಿಗಳಿಗೆ ಸೂಕ್ತವಾಗಿದೆ.

ಈ ಸ್ಕೂಟರ್ 11.79 ಕೆಜಿ ತೂಕ ಹೊಂದಿದ್ದು, ಇಷ್ಟೆಲ್ಲಾ ವಿಶೇಷತೆಗಳನ್ನು ಒಳಗೊಂಡ ಈ ಸ್ಕೂಟರಿನ ಬೆಲೆ ಬಿಡುಗಡೆಯ ನಂತರ 40 ರಿಂದ 45,000 ರೂ ಇರಬಹುದೆಂದು ಅಂದಾಜಿಸಲಾಗಿದೆ.

ಹೀಗಾಗಿ ಆರ್ಕೋಸ್ ಸಿಟಿ ಸ್ಕೂಟರ್ ಮಾರುಕಟ್ಟೆಗೆ ಬಂದಲ್ಲಿ ಹೆಚ್ಚು ಟ್ರಾಫಿಕ್ ಮತ್ತು ವಾಯು ಮಾಲಿನ್ಯದಿಂದ ತುಂಬಿರುವ ನಗರಗಳಲ್ಲಿ ಇದು ಬಹುಉಪಯೋಗವಾಗುವ ಹಾಗು ಜನಪ್ರಿಯತೆಯನ್ನು ಪಡೆಯಲಿದ್ದು, ಈ ಸ್ಕೂಟರ್ ಮುಂದಿನ ತ್ರೈಮಾಸಿಕ ಅವಧಿಯಲ್ಲಿ ಮಾರುಕಟ್ಟೆಯಲ್ಲಿ ದೊರೆಯಲಿದೆ ಎನ್ನಲಾಗಿದೆ.