Just In
- 20 min ago Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- 1 hr ago ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- 3 hrs ago ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 3 hrs ago Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
Don't Miss!
- Lifestyle ಮಳೆ ನಿರೀಕ್ಷೆಯಲ್ಲಿದ್ದವರಿಗೆ ಶಾಕ್ ಕೊಟ್ಟ ಹವಾಮಾನ ಇಲಾಖೆ..!
- News ಕರ್ನಾಟಕಕ್ಕೆ ವಸೂಲಿಗೆ ಬಂದಿದ್ದ ರಣದೀಪ್ ಸುರ್ಜೇವಾಲ: ಪ್ರಹ್ಲಾದ್ ಜೋಶಿ
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Technology ಮೇ 1 ರಂದು ವಿವೋ T3x 5G ಮೊಬೈಲ್ ಮತ್ತೆ ಖರೀದಿಗೆ ಲಭ್ಯ!..ಅಗ್ಗದ ಬೆಲೆ ಇದೆ!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಯಾಗಲಿರುವ ಹೊಸ ಮಹೀಂದ್ರಾ ಮೊಜೊ ಬೈಕಿನ ಬೆಲೆ ಎಷ್ಟು ಗೊತ್ತಾ.?
ಮಹೀಂದ್ರಾ ಕಂಪನಿಯು ತನ್ನ ಮೊಜೊ 300 ಎಬಿಎಸ್ ಬೈಕ್ ಅನ್ನು ಜುಲೈ ತಿಂಗಳ ಕೊನೆಯಲ್ಲಿ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಈಗಾಗಲೇ ಕೆಲವು ಡೀಲರ್ಗಳು ಡೆಮೊ ಬೈಕುಗಳ ಡೆಲಿವರಿಯನ್ನು ಪಡೆದಿದ್ದಾರೆ. ಇದರ ಜೊತೆಗೆ ಬೈಕಿನ ವಿವರವುಳ್ಳ ಚಿತ್ರಗಳನ್ನು ಇಂಟರ್ನೆಟ್ನಲ್ಲಿ ಶೇರ್ ಮಾಡಲಾಗಿದೆ.
ಸಧ್ಯ ಬಿಡುಗಡೆಯ ಹಂತದಲ್ಲಿರುವ ಮಹೀಂದ್ರಾ ಮೊಜೊ ಬೈಕ್ಗಳು ಡೀಲರ್ ಯಾರ್ಡ್ ಅನ್ನು ತಲುಪುತ್ತಿದೆ. ಮಹೀಂದ್ರಾ ಟೂ ವ್ಹೀಲರ್ಸ್ ದೇಶಿಯ ಮಾರುಕಟ್ಟೆಯಲ್ಲಿ 300ಸಿಸಿ ಸಾಮರ್ಥ್ಯದ ವಾಹನಗಳನ್ನು ಪ್ರಾರಂಭಿಸುವ ಮುನ್ನವೇ ಮೊಜೊ ಬೈಕ್ ಅನ್ನು ಅನಾವರಣಗೊಳಿಸಿತ್ತು. ಇದೀಗ ವರದಿ ಪ್ರಕಾರ ಬಿಡುಗಡೆಯಾಗಲಿರುವ ಹೊಸ ಮಹೀಂದ್ರಾ ಮೊಜೊ ಬೈಕ್ಗಳು ದೆಹಲಿಯ ಎಕ್ಸ್ ಶೋರುಂ ಪ್ರಕಾರ ರೂ. 1.88 ಲಕ್ಷದ ಬೆಲೆಯನ್ನು ಪಡೆದುಕೊಂಡಿರಲಿದೆ.
ಮಹೀಂದ್ರಾದ ಹೊಸ ಬೈಕಿನಲ್ಲಿ ಭಾರತ ಸರ್ಕಾರವು ಕಡ್ಡಾಯಗೊಳಿಸಿರುವ ಎಬಿಎಸ್ ಅನ್ನು ಸ್ಟಾಂಡರ್ಡ್ ಫೀಚರ್ ಆಗಿ ನೀಡಲಾಗಿದೆ. ಹೊಸ ಮೊಜೊ ಬೈಕ್ ಅನ್ನು ಹಿಂದಿನ ಮಾದರಿಯ ಬೈಕಿಗಿಂತ ಭಿನ್ನವಾಗಿ ಒಂದೇ ಮಾದರಿಯಲ್ಲಿ ಮಾರಾಟ ಮಾಡಲಾಗುವುದು. ಸ್ಟೈಲಿಂಗ್ ವಿಷಯದಲ್ಲಿ 2019ರ ಮೊಜೊ 300 ಎಬಿಎಸ್ ಬೈಕ್ ಬಹುತೇಕ ಹಳೆಯ ತಲೆಮಾರಿನ ಬೈಕ್ ಅನ್ನು ಹೋಲುತ್ತದೆ. ಆದರೆ, ಫ್ಯೂಯಲ್ ಟ್ಯಾಂಕ್ ಕೆಳಗಿರುವ ಡಬಲ್ ಟ್ಯೂಬ್ ಗೋಲ್ಡ್ ಬಣ್ಣದ ಬದಲಿಗೆ ಗ್ಲಾಸ್ ಬ್ಲಾಕ್ ಬಣ್ಣವನ್ನು ಹೊಂದಿದೆ.
ಮಹೀಂದ್ರಾ ಮೊಜೊ ಬೈಕಿನ ಪ್ರೊಡಕ್ಷನ್-ಸ್ಪೆಕ್ ಮಾದರಿಯನ್ನು 2014 ರ ಇಂಡಿಯನ್ ಆಟೋ ಎಕ್ಸ್ಪೋದಲ್ಲಿ ಬಹಿರಂಗಪಡಿಸಲಾಯಿತು ಮತ್ತು ಅಂತಿಮವಾಗಿ ಇದನ್ನು 2015 ರಲ್ಲಿ ಬಿಡುಗಡೆ ಮಾಡಲಾಯಿತು. ಬಿಡುಗಡೆಗೊಂಡಾಗಿನಿಂಡಲೂ ಕಡಿಮೆ ಸಂಖ್ಯೆಯಲ್ಲಿ ಮಾರಾಟವಾದ ಕಾರಣ ಕೆಲ ದಿನಗಳ ಕಾಲ ಈ ಬೈಕಿನ ಮಾರಾಟವನ್ನು ನಿಲ್ಲಿಸಬೇಕಾಯಿತು.
ಅದಾಗ್ಯೂ ಸಂಸ್ಥೆಯು ಬಿಡುಗಡೆಗೊಳಿಸಲಿರುವ ಹೊಸ ಮೋಜೊ ಬೈಕಿಗೆ ಕೇಂದ್ರ ಸರ್ಕಾರದ ಆದೇಶದ ಅನುಸಾರ 125ಸಿಸಿ ಮೇಲ್ಪಟ್ಟ ವಾಹನಗಳು ಕಡ್ಡಾಯವಾಗಿ ಎಬಿಎಸ್ ಅನ್ನು ಹೊಂದಿರಲೇಬೇಕಾಗಿದ್ದು, ಮಹೀಂದ್ರಾ ಸಂಸ್ಥೆಯು ಇದನ್ನು ಗಮನದಲ್ಲಿಟ್ಟುಕೊಂಡು ತಮ್ಮ ಮೊಜೊ ಬೈಕ್ಗೆ ಡ್ಯುಯಲ್ ಚಾನಲ್ ಎಬಿಎಸ್ ಅನ್ನು ಅಳವಡಿಸಲಾಗಿದೆ.
ಸ್ಪೈ ಚಿತ್ರಗಳಲ್ಲಿ ಕಾಣಿಸಿಕೊಂಡ ಮಹೀಂದ್ರಾ ಮೊಜೊ ಬೈಕ್ ತನ್ನ ಹಳೆಯ ಯುಟಿ ವೇರಿಯೆಂಟ್ ಅನ್ನು ಆಧರಿಸಲಿದ್ದು, ಈ ಬೈಕ್ ಈ ಬಾರಿ ಕನ್ವೆಂಷನಲ್ ಟೆಲಿಸ್ಕೋಪಿಕ್ ಫೋರ್ಕ್ಸ್ ಮತ್ತು ಸಿಂಗಲ್ ಎಕ್ಸಾಸ್ಟ್ ಸಿಸ್ಟಂ ಅನ್ನು ಹೊಂದಿರಲಿದೆ ಎಂದು ಹೇಳಲಾಗುತ್ತಿದೆ. ಆದರೆ ಇದರಲ್ಲಿ ಈ ಬಾರಿ ಕಾರ್ಬುರೆಟರ್ನ ಬದಲಾಗಿ ಫ್ಯುಯೆಲ್ ಇಂಜೆಕ್ಷನ್ ಅನ್ನು ನೀಡಲಾಗುತ್ತದೆ.
ಮಹೀಂದ್ರಾ ಟೂ ವ್ಹೀಲರ್ ಲಿಮಿಟೆಡ್ನ ಆರ್ & ಡಿ ವಿಭಾಗವು, ಈ ಮೋಟಾರ್ಸೈಕಲ್ ಯೋಜನೆಯನ್ನು ಕೈಬಿಟ್ಟು ತನ್ನ ಗಮನವನ್ನು ಕ್ಲಾಸಿಕ್ ಲೆಜೆಂಡ್ ಬೈಕುಗಳನ್ನು ಅಭಿವೃದ್ಧಿಪಡಿಸುವತ್ತಾ ಹರಿಸಿದೆ. ಜಾವಾದ ಹೊಸ ಮೋಟಾರ್ಸೈಕಲ್ಗಳು ಬೇಸಿಕ್ ಎಂಜಿನ್ ಆರ್ಕಿಟೆಕ್ಚರ್ ಸೇರಿ ಬಹುತೇಕ ಭಾಗಗಳನ್ನು ಮೊಜೊ ಮೋಟಾರ್ಸೈಕಲ್ನಿಂದ ಪಡೆದಿವೆ. ಈ ಚಿತ್ರದಲ್ಲಿ ತೋರಿಸಿರುವಂತೆ ಮುಂಭಾಗದಲ್ಲಿ ಎಬಿಎಸ್ ರಿಂಗ್ ಇದ್ದು ಇದರ ಜೊತೆಗೆ ಎಬಿಎಸ್ ವಾರ್ನಿಂಗ್ ಲೈಟ್ಗಳನ್ನು ಅಳವಡಿಸಲಾಗಿದೆ.
ಹೊಸ 2019 ಮಹೀಂದ್ರಾ ಮೊಜೊ ನಂತರ ಎಬಿಎಸ್ ಸೇರ್ಪಡೆಯೊಂದಿಗೆ ಎರಡು ಹಳೆಯ ರೂಪಾಂತರಗಳ ನಡುವೆ ಪರಿಪೂರ್ಣವಾದ ಮಿಶ್ರಣದಂತೆ ತೋರುತ್ತದೆ. ಈ ರೀತಿಯಾಗಿ, ಸಲಕರಣೆಗಳ ವಿಷಯದಲ್ಲಿ ಅತ್ಯುತ್ತಮವಾದವುಗಳನ್ನು ಒದಗಿಸುವಾಗ ಮಹೀಂದ್ರಾ ಇನ್ನೂ ವೆಚ್ಚವನ್ನು ನಿಯಂತ್ರಿಸಲು ಸಾಧ್ಯವಾಗುತ್ತದೆ. ವಿನ್ಯಾಸದ ವಿಷಯದಲ್ಲಿ, ಹೊಸ ಮಹೀಂದ್ರಾ ಮೊಜೊ ಹಳೆಯ ಮಾದರಿಯಂತೆಯೇ ಉಳಿದಿದೆ.
ಮೊಜೊ ಬೈಕಿನಲ್ಲಿ ಎಬಿಎಸ್ ಅಭಿವೃದ್ದಿ ಪಡಿಸುತ್ತಿರುವ ಕಾರ್ಯವು ಹಲವಾರು ದಿನಗಳಿಂದ ನಡೆಯುತ್ತಿದ್ದು, ಮುಂಬರುವ ದಿನಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಈ ಸೆಗ್ಮೆಂಟಿನ ಬೈಕುಗಳಲ್ಲಿ ಕಡ್ಡಾಯಗೊಳಿಸಲಾಗಿರುವ ಡ್ಯುಯಲ್ ಚಾನೆಲ್ ಎಬಿಎಸ್ ಅನ್ನು ಮಹೀಂದ್ರಾದ ಈ ಬೈಕಿನಲ್ಲೂ ಅಳವಡಿಸಲಾಗಿದೆ.
ಎಂಜಿನ್ ಸಾಮರ್ಥ್ಯ
ಬಿಡುಗಡೆಯಾಗಲಿರುವ ಹೊಸ ಮಹೀಂದ್ರಾ ಮೊಜೊ ಬೈಕ್ 295ಸಿಸಿ ಸಿಂಗಲ್ ಸಿಲೆಂಡರ್, ಲಿಕ್ವಿಡ್ ಕೂಲ್ಡ್ ಎಂಜಿನ್ ಸಹಾಯದಿಂದ 26.8 ಬಿಹೆಚ್ಪಿ ಮತು 30ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆಸುಕೊಂಡಿದ್ದು, ಎಂಜಿನ್ ಅನ್ನು 6 ಸ್ಪೀಡ್ ಗೇರ್ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.
ಕನ್ನಡ ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಮಹೀಂದ್ರಾ ಮೋಜೊ ಯುಟಿ ಬೈಕ್ ರೂ. 1.49 ಲಕ್ಷ ಮತ್ತು ಎಕ್ಸ್ಟಿ ಬೈಕ್ ರೂ. 1.70 ಲಕ್ಷಕ್ಕೆ ಮಾರಟವಾಗುತ್ತಿತ್ತು. ಇದೀಗ ಸಂಸ್ಥೆಯು ಎಕ್ಸ್ಟಿ ಮಾಡಲ್ಗೆ ಎಬಿಎಸ್ ಅನ್ನು ಅಳವಡಿಸಬೇಕಾಗಿದ್ದು, ಎಬಿಎಸ್ ಅನ್ನು ಅಳವಡಿಸಿದ್ದೇ ಆದಲ್ಲಿ ಮಾರುಕಟ್ಟೆಯಲ್ಲಿರುವ 2019 ಬಜಾಜ್ ಡಾಮಿನಾರ್ ಬೈಕ್ಗಿಂತಲೂ ಬೆಲೆಯಲ್ಲಿ ಅಧಿಕವಾಗಿರಲಿದೆ. ಅಂದರೆ ಸಧ್ಯಕ್ಕೆ ಡ್ಯುಯಲ್ ಚಾನಲ್ ಎಬಿಎಸ್ ಅನ್ನು ಹೊತ್ತು ಬರಲಿರುವ ಬೈಕ್ ಸುಮಾರು 1.88 ಲಕ್ಷದ ಬೆಲೆಯನ್ನು ಪಡೆದಿದೆ.