Just In
- 6 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 7 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 8 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 8 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಓಹ್ಲಿನ್ ಸಸ್ಪೆಂಷನ್ ಹೊಂದಲಿವೆ ಆರ್ಇ650 ಟ್ವಿನ್ ಬೈಕ್ಗಳು
ರಾಯಲ್ ಎನ್ಫೀಲ್ಡ್ ಕಂಪನಿಯ ಕಾಂಟಿನೆಂಟಲ್ ಜಿಟಿ650 ಹಾಗೂ ಇಂಟರ್ಸೆಪ್ಟರ್ 650 ಬೈಕುಗಳಿಗಾಗಿ, ಓಹ್ಲಿನ್ ಸಸ್ಪೆಂಷನ್ಗಳು ಇನ್ನು ಮುಂದೆ ಭಾರತದಲ್ಲಿ ಮಾರಾಟವಾಗಲಿವೆ. ಪ್ರೀಮಿಯಂ ಸಸ್ಪೆಂಷನ್ ಬಿಡಿಭಾಗಗಳಿಗೆ ಹೆಸರುವಾಸಿಯಾದ ಓಹ್ಲಿನ್, ರಾಯಲ್ ಎನ್ಫೀಲ್ಡ್ 650ಯ ಜೋಡಿ ಬೈಕುಗಳಿಗಾಗಿ ಸ್ಪೋರ್ಟ್ ಸಸ್ಪೆಂಷನ್ಗಳನ್ನು ಮಾರಾಟ ಮಾಡಲಿದೆ. ರಾಯಲ್ ಎನ್ಫೀಲ್ಡ್ ಕಂಪನಿಯು ಕಾಂಟಿನೆಂಟಲ್ ಜಿಟಿ 650 ಹಾಗೂ ಇಂಟರ್ಸೆಪ್ಟರ್ 650 ಬೈಕುಗಳನ್ನು 2018ರ ನವೆಂಬರ್ 14ರಂದು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತ್ತು.
ಈ ಬೈಕುಗಳು ಬಿಡುಗಡೆಯಾದ ಸ್ವಲ್ಪ ಕಾಲದಲ್ಲಿಯೇ ದೇಶಿಯ ಮಾರುಕಟ್ಟೆಯಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದವು. ರಾಯಲ್ ಎನ್ಫೀಲ್ಡ್ ಕಂಪನಿಯು ಈ ಬೈಕುಗಳಿಗಾಗಿ ಸಾವಿರಾರು ಬುಕ್ಕಿಂಗ್ಗಳನ್ನು ಪಡೆಯಿತು. ಈ ಬೈಕುಗಳು ನಿರೀಕ್ಷೆಗೂ ಮೀರಿ ಮಾರಾಟವಾಗಿವೆ. ಬಿಡುಗಡೆಯಾದ ಹಲವು ತಿಂಗಳುಗಳ ನಂತರವೂ ಈ ಬೈಕುಗಳ ವೇಟಿಂಗ್ ಪಿರಿಯಡ್ ಐದು ತಿಂಗಳುಗಳವರೆಗೆ ಇದೆ.
ಬಿಡುಗಡೆಯಾದ ಈ 8 ತಿಂಗಳ ಅವಧಿಯಲ್ಲಿ ಆರ್ಇ 650 ಟ್ವಿನ್ ಬೈಕುಗಳು ಹಲವಾರು ಟ್ಯೂನರ್ಗಳು ಈ ಬೈಕುಗಳನ್ನು ಪ್ರವೇಶಿಸಿವೆ.
ಈ ಬೈಕುಗಳು ಹಲವಾರು ರೀತಿಯಲ್ಲಿ ಮಾಡಿಫೈಗೊಂಡಿವೆ. ಇತ್ತೀಚಿಗಷ್ಟೇ ರಜಪೂತಾನ ಕಸ್ಟಮ್ಸ್ ಕಾಂಟಿನೆಂಟಲ್ ಜಿಟಿ 650 ಬೈಕ್ ಅನ್ನು ಮಾಡಿಫೈಗೊಳಿಸಿತ್ತು. ಬೈಕುಗಳನ್ನು ಮಾಡಿಫೈಗೊಳಿಸಲು ಬಯಸದೇ ಇರುವವರು ಹಲವಾರು ಮಂದಿ ಇರುತ್ತಾರೆ. ಅವರು ತಮ್ಮ ಬೈಕ್ ಸರಿಯಾಗಿ ನಿರ್ವಹಿಸಿದರೆ ಸಾಕು ಎಂದು ಬಯಸುತ್ತಾರೆ. ಅಂತಹವರಿಗಾಗಿ ಓಹ್ಲಿನ್ಸ್ ಕೆಲವು ಅಪ್ಡೇಟ್ಗಳನ್ನು ನೀಡಲಿದೆ. ಓಹ್ಲಿನ್ ಕಂಪನಿಯು 1976ರಲ್ಲಿ ಸ್ಥಾಪನೆಯಾದ ಸ್ವೀಡಿಷ್ ಕಂಪನಿಯಾಗಿದೆ.
ಈ ಕಂಪನಿಯ ಸ್ಥಾಪಕರಾದ ಕೆಂತ್ ಓಹ್ಲಿನ್ ಆರಂಭದಲ್ಲಿ ಎಕ್ಸಾಸ್ಟ್ ಪೈಪ್, ಎಂಜಿನ್ ಹಾಗೂ ಸಸ್ಪೆಂಷನ್ ಸಿಸ್ಟಂಗಳನ್ನು ತಯಾರಿಸಿದರು. ಕೆಲವು ವರ್ಷಗಳ ನಂತರ, ಕಂಪನಿಯು ಸಸ್ಪೆಂಷನ್ ಸಿಸ್ಟಂಗಳನ್ನು ಮಾತ್ರ ತಯಾರಿಸಲು ಆರಂಭಿಸಿತು. ಅವುಗಳನ್ನು ಉತ್ತಮವಾಗಿ ತಯಾರಿಸುವಲ್ಲಿ ಹೆಸರುವಾಸಿಯಾಯಿತು. ವರ್ಷದಿಂದ ವರ್ಷಕ್ಕೆ ಓಹ್ಲಿನ್ಸ್ ಟಾಪ್ ಬೈಕ್ ತಯಾರಕ ಕಂಪನಿಗಳಿಗೆ ಒಇಎಂ ಪೂರೈಸುವ ಕಂಪನಿಯಾಯಿತು.
ಓಹ್ಲಿನ್ ಸಸ್ಪೆಂಷನ್ಗಳನ್ನು ಹೊಂದಿದ್ದ ರೇಸ್ ಟೀಂಗಳು ವಿವಿಧ ವಿಭಾಗದ ಮೋಟಾರ್ಸ್ಪೋರ್ಟ್ನಲ್ಲಿ ಚಾಂಪಿಯನ್ಶಿಪ್ಗಳನ್ನು ಗೆದ್ದವು. ಓಹ್ಲಿನ್ಸ್ ಕಂಪನಿಯು, ರೇಸಿಂಗ್ ಹಾಗೂ ರಸ್ತೆಗಳಲ್ಲಿ ಚಲಿಸುವ ಬೈಕುಗಳಿಗಾಗಿ ಅತ್ಯುತ್ತಮ ಸಸ್ಪೆಂಷನ್ ಸಿಸ್ಟಂಗಳನ್ನು ತಯಾರಿಸುತ್ತಿದೆ. ಇತ್ತೀಚೆಗೆ ಅನಾವರಣಗೊಂಡ 2020ರ ಯಮಹಾ ವೈಝಡ್ಎಫ್-ಆರ್1ಎಂ, ಬೈಕ್ ಸಹ ಓಹ್ಲಿನ್ ಸಸ್ಪೆಂಷನ್ ಸಿಸ್ಟಂಗಳನ್ನು ಹೊಂದಿದೆ.
ಜನಪ್ರಿಯವಾಗಿರುವ ಓಹ್ಲಿನ್ ಕಂಪನಿಯು, ಆರ್ಇ 650 ಟ್ವಿನ್ ಬೈಕುಗಳಿಗೆ ಸಸ್ಪೆಂಷನ್ ಸಿಸ್ಟಂಗಳನ್ನು ಅಳವಡಿಸುತ್ತಿದೆಯೆಂದರೆ, ರಾಯಲ್ ಎನ್ಫೀಲ್ಡ್ 650 ಟ್ವಿನ್ ಬೈಕುಗಳು ಸಾಕಷ್ಟು ಪ್ರಭಾವ ಬೀರಿವೆ. ಮುಂಭಾಗದ ಸಸ್ಪೆಂಷನ್ಗಾಗಿ ಎಫ್ಎಸ್ಕೆ 145 ಫೋರ್ಕ್ ಸ್ಪ್ರಿಂಗ್ ಕಿಟ್ ಅನ್ನು ಓಹ್ಲಿನ್ ಬಿಡುಗಡೆಗೊಳಿಸಿದೆ. ರಾಯಲ್ ಎನ್ಫೀಲ್ಡ್ ಇಂಟರ್ಸೆಪ್ಟರ್ 650, ಕಾಂಟಿನೆಂಟಲ್ ಜಿಟಿ 650 ಬೈಕುಗಳಿಗಾಗಿ ಹಿಂಭಾಗದಲ್ಲಿ ಆರ್ಇ 911 ಅಥವಾ ಆರ್ಇ 912 ಅಡ್ಜಸ್ಟಬಲ್ ಟ್ವಿನ್ ಶಾಕ್ಗಳನ್ನು ಬಿಡುಗಡೆಗೊಳಿಸಿದೆ.
ಸಸ್ಪೆಂಷನ್ ಸಿಸ್ಟಂ ಹಲವಾರು ಡ್ಯಾಂಪಿಂಗ್ ಹಾಗೂ ಹೈಟ್ ಅಡ್ಜಸ್ಟ್ ಮೆಂಟ್ ಆಯ್ಕೆಗಳನ್ನು ಹೊಂದಿರಲಿದೆ. ಇದರಿಂದಾಗಿ ಸವಾರನು ಬೈಕ್ ಅನ್ನು ಸರಿಯಾಗಿ ಸೆಟ್ ಅಪ್ ಮಾಡಿಕೊಳ್ಳಬಹುದಾಗಿದೆ. ರಾಯಲ್ ಎನ್ ಫೀಲ್ಡ್ ಕಾಂಟಿನೆಂಟಲ್ ಜಿಟಿ 650, ಇಂಟರ್ ಸೆಪ್ಟರ್ 650 ಎರಡೂ ಬೈಕುಗಳನ್ನು ಸರಿಯಾಗಿ ಹ್ಯಾಂಡಲ್ ಮಾಡಬಹುದಾಗಿದೆ. ಕೆಫೆ ರೇಸರ್ ವಿನ್ಯಾಸವನ್ನು ಹೊಂದಿರುವ ಕಾಂಟಿನೆಂಟಲ್ ಜಿಟಿ 650 ಬೈಕ್ ಅನ್ನು ಹೆಚ್ಚಿನ ಪ್ರಮಾಣದಲ್ಲಿ ಹ್ಯಾಂಡಲ್ ಮಾಡಬಹುದಾಗಿದೆ.
ರಾಯಲ್ ಎನ್ಫೀಲ್ಡ್ ಇಂಟರ್ಸೆಪ್ಟರ್ 650 ಹಾಗೂ ಕಾಂಟಿನೆಂಟಲ್ ಜಿಟಿ 650 ಬೈಕುಗಳನ್ನು ವೇಗದಲ್ಲಿ ಚಲಾಯಿಸಿದಾಗ ಅವುಗಳ ಸಸ್ಪೆಂಷನ್ ಮೃದುವಾಗಿರುವುದು, ಅವುಗಳನ್ನು ವಿಮರ್ಶೆ ಮಾಡಿದ ನಂತರ ಕಂಡು ಬಂದಿದೆ. ಬೈಕ್ ನಿರ್ವಹಣೆಯ ಬಗ್ಗೆ ಕಾಳಜಿ ವಹಿಸುವ ಹೆಚ್ಚು ಉತ್ಸಾಹಭರಿತ ಸವಾರರಿಗೆ, ಇದರಿಂದ ನಿರಾಶೆಯಾಗಬಹುದು. ಓಹ್ಲಿನ್ಸ್ ಈಗ ನಿಮ್ಮ ಆರ್ಇ 650 ಗಾಗಿ ಪೂರ್ಣವಾದ ಸಸ್ಪೆಂಷನ್ ಸೆಟಪ್ ಅನ್ನು ಹೊಂದಿದೆ.
ಎಫ್ಎಸ್ಕೆ 145 ಫೋರ್ಕ್ ಸ್ಪ್ರಿಂಗ್ ಕಿಟ್ನ ಬೆಲೆಯು ರೂ.19,000ಗಳಾಗಿದ್ದರೆ, ಹಿಂಭಾಗದ ಟ್ವಿನ್ ಶಾಕ್ ಸಸ್ಪೆಂಷನ್ ಸೆಟಪ್ನ ಬೆಲೆ ರೂ.75,000ಗಳಾಗಿದೆ. ಈ ಬೆಲೆಯು ಶಿಪ್ಪಿಂಗ್ ಹಾಗೂ ಆಮದು ಸುಂಕಗಳನ್ನು ಒಳಗೊಂಡಿದೆ. ಎಫ್ಎಸ್ಕೆ 145 ಫೋರ್ಕ್ ಸ್ಪ್ರಿಂಗ್ ಕಿಟ್ಗಳನ್ನು ಯಮಹಾ ವೈಜೆಡ್ಎಫ್ ಆರ್3, ಕವಾಸಕಿ ನಿಂಜಾ 300 ಆರ್, ಹೋಂಡಾ ಸಿಬಿಆರ್ 250 ಆರ್, ಹೋಂಡಾ ಸಿಬಿ 300 ಆರ್, ಹೋಂಡಾ ಸಿಬಿ 650ಎಫ್ ಹಾಗೂ ಕವಾಸಕಿ ಇಆರ್6ಎನ್ ಬೈಕುಗಳಲ್ಲಿಯೂ ಬಳಸಬಹುದು.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಸಸ್ಪೆಂಷನ್ ಸಿಸ್ಟಂಗಳ ವಿಷಯಕ್ಕೆ ಬಂದಾಗ ಓಹ್ಲಿನ್ ಸದಾ ಮುಂಚೂಣಿಯಲ್ಲಿರುತ್ತದೆ. ಆರ್ಇ 650 ಟ್ವಿನ್ ಬೈಕುಗಳಿಗೆ ಸಸ್ಪೆಂಷನ್ ಸಿಸ್ಟಂಗಳನ್ನು ಅಳವಡಿಸುತ್ತಿರುವುದು ಈ ಬೈಕುಗಳ ಮಾಲೀಕರಲ್ಲಿ ಸಂತಸ ತಂದಿದೆ. ಆದರೆ ನಿರೀಕ್ಷೆಗಿಂತ ಹೆಚ್ಚಿನ ಬೆಲೆಯನ್ನು ಹೊಂದಿದೆ. ಸಸ್ಪೆಂಷನ್ ಸಿಸ್ಟಂಗಳನ್ನು ಖರೀದಿಸುವವರು ಹೆಚ್ಚಿನ ಸಂಖ್ಯೆಯಲ್ಲಿ ಕಾಣುವುದಿಲ್ಲ.