Click it and Unblock the Notifications
ಭಾರೀ ಪ್ರಮಾಣದಲ್ಲಿ ಕಡಿತಗೊಂಡ ಡಬ್ಲ್ಯೂ 800 ಸ್ಟ್ರೀಟ್ ಕ್ರೂಸರ್ ಬೈಕಿನ ಬೆಲೆ
ಕವಾಸಕಿ ಇಂಡಿಯಾ ತನ್ನ 2020ರ ಡಬ್ಲ್ಯೂ 800 ಸ್ಟ್ರೀಟ್ ಕ್ರೂಸರ್ ಬೈಕಿನ ಮಾಹಿತಿಯನ್ನು ಭಾರತದ ಅಧಿಕೃತ ವೆಬ್ಸೈಟ್ನಲ್ಲಿ ಅಪ್ಡೇಟ್ ಮಾಡಿದೆ. ಕವಾಸಕಿ ಕಂಪನಿಯು ಹೊಸ ಮಾದರಿಯ ಈ ಬೈಕಿನ ಬೆಲೆಯನ್ನು ಭಾರತದ ಎಕ್ಸ್ಶೋರೂಂ ದರದಂತೆ ರೂ.6.99 ಲಕ್ಷಗಳೆಂದು ನಿಗದಿಪಡಿಸಿದೆ.
ಈ ಬೆಲೆಯು ಹಳೆ ಮಾದರಿಯ ಬೈಕಿಗಿಂತ ರೂ.1 ಲಕ್ಷ ಕಡಿಮೆಯಾಗಿದೆ. ಕವಾಸಕಿ ದೇಶಿಯ ಮಾರುಕಟ್ಟೆಯಲ್ಲಿ ಕವಾಸಕಿ ಡಬ್ಲ್ಯೂ 800 ಸ್ಟ್ರೀಟ್ ಬೈಕ್ ಅನ್ನು ಕಳೆದ ವರ್ಷ ಬಿಡುಗಡೆಗೊಳಿಸಿತ್ತು. ಆಗ ಈ ಬೈಕಿನ ಬೆಲೆ ಎಕ್ಸ್ಶೋರೂಂ ದರದಂತೆ ರೂ.7.99 ಲಕ್ಷಗಳಾಗಿತ್ತು. ಈ ಬೈಕ್ ಈ ಸೆಗ್ಮೆಂಟಿನಲ್ಲಿಯೇ ಹೆಚ್ಚಿನ ಬೆಲೆಯನ್ನು ಹೊಂದಿತ್ತು.
ಈ ಬೈಕ್ಗೆ ಹೋಲಿಸಿದರೆ ಈ ಸೆಗ್ಮೆಂಟಿನಲ್ಲಿರುವ ಟ್ರಯಂಫ್ ಸ್ಟ್ರೀಟ್ ಟ್ವಿನ್ ಬೈಕಿನ ಬೆಲೆ ರೂ.7.45 ಲಕ್ಷಗಳಾಗಿದೆ. ಈಗ ಈ ಬೈಕ್ನ ಬೆಲೆಯನ್ನು ಕಡಿಮೆ ಮಾಡಿರುವ ಕಾರಣ ಈ ಸೆಗ್ಮೆಂಟಿನ ಜನರು ಡಬ್ಲ್ಯೂ 800 ಸ್ಟ್ರೀಟ್ ಕ್ರೂಸರ್ ಬೈಕ್ನತ್ತ ಆಕರ್ಷಿತರಾಗುತ್ತಾರೆ ಎಂಬ ಆಶಾ ಭಾವನೆಯನ್ನು ಕಂಪನಿಯು ಹೊಂದಿದೆ.
MOST READ:ಕರೋನಾದಿಂದ ಬೈಕ್ ಕಳೆದುಕೊಂಡ ಯುವಕನಿಗೆ ಸರ್ ಪ್ರೈಸ್ ಗಿಫ್ಟ್ ನೀಡಿದ ಟಿವಿಎಸ್
ಇನ್ನು ಈ ಬೈಕಿನ ವಿನ್ಯಾಸದ ಬಗ್ಗೆ ಹೇಳುವುದಾದರೆ, ಎಂಜಿನ್ ಹೊರತುಪಡಿಸಿ ಬೇರೆ ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ. ಈ ಬೈಕ್ನ ವಿನ್ಯಾಸವನ್ನು ಕವಾಸಕಿ ಡಬ್ಲ್ಯು1 650 ಸಿಸಿ ಬೈಕ್ನಿಂದ ಪಡೆಯಲಾಗಿದೆ. ಈ ಬೈಕ್ ರೌಂಡ್ ಎಲ್ಇಡಿ ಹೆಡ್ಲೈಟ್ ಗಳನ್ನು ಹೊಂದಿದೆ.
ಇದರ ಜೊತೆಗೆ ಈ ಬೈಕಿನಲ್ಲಿ ಟಯರ್ ಡ್ರಾಪ್ ಫ್ಯೂಯಲ್ ಟ್ಯಾಂಕ್, ಸ್ಪೋಕ್ ವ್ಹೀಲ್ಸ್, ವೈಡ್ ಹ್ಯಾಂಡಲ್ ಬಾರ್ ಹಾಗೂ ಸೆಂಟರ್-ಸೆಟ್ ಫೂಟ್ ಪೆಗ್ಗಳನ್ನು ಅಳವಡಿಸಲಾಗಿದೆ. ಈ ಬೈಕ್ಗೆ ರೆಟ್ರೊ ಲುಕ್ ನೀಡಲು ಕ್ರೋಮ್, ಡಿಜಿಟಲ್ ರೀಡ್ ಔಟ್ನೊಂದಿಗೆ ಟ್ವಿನ್-ಪಾಡ್ ಇನ್ಸ್ಟ್ರೂಮೆಂಟ್ ಕನ್ಸೋಲ್ ಅನ್ನು ಅಳವಡಿಸಲಾಗಿದೆ.
MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!
ಕವಾಸಕಿ ಕಂಪನಿಯು ಈ ಬೈಕ್ ಅನ್ನು ಡ್ಯುಯಲ್ ಟೋನ್ ಕಲರ್ ಮೆಟಾಲಿಕ್ ಫ್ಲಾಟ್ ಸ್ಪಾರ್ಕ್ ಬ್ಲ್ಯಾಕ್ / ಮೆಟಾಲಿಕ್ ಮೇಟ್ ಗ್ರಾಫಿಕ್ ಗ್ರೇ ಬಣ್ಣದೊಂದಿಗೆ ಬಿಡುಗಡೆಗೊಳಿಸಿದೆ. ಈ ಬೈಕಿನಲ್ಲಿ 773 ಸಿಸಿಯ ವರ್ಟಿಕಲ್ ಟ್ವಿನ್ ಸಿಲಿಂಡರ್, ಬೆವೆಲ್ ಡ್ರೈವನ್, ಏರ್ ಕೂಲ್ಡ್, ಫ್ಯೂಯಲ್ ಇಂಜೆಕ್ಷನ್ ಸಿಸ್ಟಂ ಹೊಂದಿರುವ ಎಂಜಿನ್ ಅನ್ನು ಅಳವಡಿಸಲಾಗಿದೆ.
ಈ ಎಂಜಿನ್ 4,800 ಆರ್ಪಿಎಂನಲ್ಲಿ 62.9 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಬೈಕಿನಲ್ಲಿ ಅಸಿಸ್ಟ್, ಸ್ಲೀಪರ್ ಕ್ಲಚ್ ಹಾಗೂ ಅಡ್ಜಸ್ಟಬಲ್ ಲಿವರ್ ಅಳವಡಿಸಲಾಗಿದೆ. ಕವಾಸಕಿ ಕಂಪನಿಯು ಈ ಬೈಕಿನಲ್ಲಿ ಡ್ಯುಯಲ್ ಚಾನೆಲ್ ಎಬಿಎಸ್ ಅನ್ನು ಸಹ ಅಳವಡಿಸಿದೆ.
Continue with Google