ಸದ್ದಿಲ್ಲದೇ ವರ್ಸಿಸ್ 1000 ಬಿಎಸ್ 6 ಬೈಕ್ ಬಿಡುಗಡೆಗೊಳಿಸಿದ ಕವಾಸಕಿ

ಎಂಜಿನ್ ಅಪ್‌ಡೇಟ್‌ನ ಹೊರತಾಗಿ, ಈ ಬೈಕಿನ ವಿನ್ಯಾಸದಲ್ಲಿ ಯಾವುದೇ ಬದಲಾವಣೆಗಳಾಗಿಲ್ಲ. ಜೊತೆಗೆ ಯಾವುದೇ ಹೊಸ ಫೀಚರ್‌ಗಳನ್ನು ಅಳವಡಿಸಿಲ್ಲ. 2020ರ ವರ್ಸಿಸ್ 1000 ಬೈಕ್ ಅನ್ನು ಪರ್ಲ್ ಸ್ಟಾರ್‌ಡಸ್ಟ್ ವೈಟ್ / ಮೆಟಾಲಿಕ್ ಸ್ಪಾರ್ಕ್ ಬ್ಲ್ಯಾಕ್ ಹಾಗೂ ಕ್ಯಾಂಡಿ ಲೈಮ್ ಗ್ರೀನ್ / ಮೆಟಾಲಿಕ್ ಸ್ಪಾರ್ಕ್ ಬ್ಲ್ಯಾಕ್ ಎಂಬ ಎರಡು ಡ್ಯುಯಲ್-ಟೋನ್ ಬಣ್ಣಗಳಲ್ಲಿ ಮಾರಾಟ ಮಾಡಲಾಗುತ್ತದೆ.

ಕವಾಸಕಿ ವರ್ಸಿಸ್ 1000 ಬಿಎಸ್ 6 ಬೈಕಿನಲ್ಲಿ 1,043 ಸಿಸಿಯ ಲಿಕ್ವಿಡ್-ಕೂಲ್ಡ್, ಇನ್-ಲೈನ್ ಫೋರ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 9,000 ಆರ್‌ಪಿಎಂನಲ್ಲಿ 118 ಬಿಹೆಚ್‌ಪಿ ಪವರ್ ಹಾಗೂ 7,500 ಆರ್‌ಪಿಎಂನಲ್ಲಿ 102 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‌ನಲ್ಲಿ ಸ್ಲಿಪ್-ಅಸಿಸ್ಟ್ ಕ್ಲಚ್‌ ಹೊಂದಿರುವ ಆರು-ಸ್ಪೀಡಿನ ಗೇರ್‌ಬಾಕ್ಸ್‌ ಅಳವಡಿಸಲಾಗಿದೆ.

MOSTREAD: ಕರೋನಾ ವೈರಸ್ ಎಫೆಕ್ಟ್: ಭಾರೀ ಪ್ರಮಾಣದಲ್ಲಿ ಕುಸಿದ ಇಂಧನ ಮಾರಾಟ

ಇದೇ ಎಂಜಿನ್ ಅನ್ನು ಮುಂಬರುವ ದಿನಗಳಲ್ಲಿ ಬಿಡುಗಡೆಯಾಗಲಿರುವ ನಿಂಜಾ 1000 ಬಿಎಸ್ 6 ಬೈಕಿನಲ್ಲಿಯೂ ಅಳವಡಿಸುವ ಸಾಧ್ಯತೆಗಳಿವೆ. ಆದರೆ ವರ್ಸಿಸ್‌ ಬೈಕಿನಲ್ಲಿರುವ ಎಂಜಿನ್ ಅನ್ನು ಅದರ ಟೂರಿಂಗ್‌ಗೆ ತಕ್ಕಂತೆ ಟ್ಯೂನ್ ಮಾಡಲಾಗಿದೆ. ವರ್ಸಿಸ್ 1000 ಬೈಕ್ ಎಲೆಕ್ಟ್ರಾನಿಕ್ ರೈಡರ್ ಏಡ್ಸ್‌‌ಗಳನ್ನು ಹೊಂದಿದೆ.

ಇವುಗಳಲ್ಲಿ ಐಎಂಯು ಆಧಾರಿತ ಕವಾಸಕಿ ಕಾರ್ನರಿಂಗ್ ಮ್ಯಾನೇಜ್‌ಮೆಂಟ್ ಫಂಕ್ಷನ್ ಸಹ ಸೇರಿದೆ. ಇದರಿಂದಾಗಿ ಬೈಕ್ ಅನ್ನು ಕಾರ್ನರ್‌ಗಳಲ್ಲಿ ತೊಂದರೆಯಿಲ್ಲದೇ ಚಾಲನೆ ಮಾಡಬಹುದು. ಎಂಜಿನ್ ಪವರ್ ಆಕ್ಸೆಲರೇಷನ್ ಹೆಚ್ಚಿಸಿದರೂ ಸಹ ಸುಗಮ ಬ್ರೇಕಿಂಗ್‌ಗೆ ಅನುವು ಮಾಡಿಕೊಡುತ್ತದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಈ ಬೈಕ್ ಕವಾಸಕಿ ಟ್ರಾಕ್ಷನ್ ಕಂಟ್ರೋಲ್, ಕವಾಸಕಿ ಇಂಟೆಲಿಜೆಂಟ್ ಆಂಟಿ-ಲಾಕ್ ಬ್ರೇಕ್ ಹಾಗೂ ಎಲೆಕ್ಟ್ರಾನಿಕ್ ಕ್ರೂಸ್ ಕಂಟ್ರೋಲ್‌ಗಳನ್ನು ಹೊಂದಿದೆ. 21 ಲೀಟರಿನ ಫ್ಯೂಯಲ್ ಟ್ಯಾಂಕ್ ಹೊಂದಿರುವ ಈ ದೊಡ್ಡ ಗಾತ್ರದ ಬೈಕಿನ ತೂಕ 255 ಕೆ.ಜಿಗಳಾಗಿದೆ.

ಈ ಬೈಕ್ 2,270 ಎಂಎಂ ಉದ್ದ, 895 ಎಂಎಂ ಅಗಲ, 1,400 ಎಂಎಂ ಎತ್ತರ ಹಾಗೂ 1,520 ಎಂಎಂ ವ್ಹೀಲ್ ಬೇಸ್ ಹೊಂದಿದೆ. ಈ ಟೂರಿಂಗ್ ಬೈಕಿನ ಗ್ರೌಂಡ್ ಕ್ಲಿಯರೆನ್ಸ್ 150 ಎಂಎಂಗಳಾದರೆ ಸೀಟಿನ ಎತ್ತರ 840 ಎಂಎಂಗಳಾಗಿದೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ವರ್ಸಿಸ್ 1000 ಬೈಕಿನಲ್ಲಿರುವ ಟ್ವಿನ್-ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು ಮುಂಭಾಗದಲ್ಲಿರುವ ಫಾಸ್ಕಿಯಾಗೆ ಅಗ್ರೇಸಿವ್ ಲುಕ್ ನೀಡುತ್ತದೆ. ಲಾಂಗ್ ಡ್ರೈವ್‌ಗೆ ಅನುಕೂಲವಾಗುವಂತೆ ಸವಾರ ಹಾಗೂ ಹಿಂಬದಿ ಸವಾರನ ಸೀಟುಗಳನ್ನು ಅಗಲವಾಗಿ ಹಾಗೂ ಉದ್ದವಾಗಿ ನೀಡಲಾಗಿದೆ.

ಈ ಬೈಕಿನಲ್ಲಿ ವಿಂಡ್-ಸ್ಕ್ರೀನ್, ಅನಲಾಗ್ ಟ್ಯಾಕೋಮೀಟರ್ ಹೊಂದಿರುವ ಸೆಮಿ-ಡಿಜಿಟಲ್ ಇನ್ಸ್‌ಟ್ರೂಮೆಂಟ್ ಕ್ಲಸ್ಟರ್ ಹಾಗೂ ಇನ್ಸ್‌ಟ್ರೂಮೆಂಟ್ ಕನ್ಸೋಲ್ ಪಕ್ಕದಲ್ಲಿ ಡಿಸಿ ಚಾರ್ಜಿಂಗ್ ಸಾಕೆಟ್‌ ಸೇರಿದಂತೆ ಹಲವಾರು ಫೀಚರ್‌ಗಳನ್ನು ನೀಡಲಾಗಿದೆ. ಸಸ್ಪೆಂಷನ್‌ಗಳಿಗಾಗಿ ಈ ಬೈಕಿನ ಮುಂಭಾಗದಲ್ಲಿ 150 ಎಂಎಂ ಯುಎಸ್‌ಡಿ ಫೋರ್ಕ್ ಹಾಗೂ ಹಿಂಭಾಗದಲ್ಲಿ 152 ಎಂಎಂ ಮೊನೊ-ಶಾಕ್ ಸೆಟಪ್‌ಗಳನ್ನು ಅಳವಡಿಸಲಾಗಿದೆ.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಈ ಎರಡೂ ಯೂನಿಟ್‌ಗಳು ರಿಬೌಂಡ್ ಡ್ಯಾಂಪಿಂಗ್ ಹಾಗೂ ಸ್ಪ್ರಿಂಗ್ ಪ್ರೀಲೋಡ್‌ಗಾಗಿ ಪೂರ್ತಿಯಾಗಿ ಹೊಂದಾಣಿಕೆಯಾಗುತ್ತವೆ. ಈ ಬೈಕಿನ ಮುಂಭಾಗದಲ್ಲಿ ಡ್ಯುಯಲ್ 310 ಎಂಎಂ ಡಿಸ್ಕ್ ಬ್ರೇಕ್ ಹಾಗೂ ಹಿಂಭಾಗದಲ್ಲಿ 250 ಎಂಎಂ ಡಿಸ್ಕ್ ಬ್ರೇಕ್‌ಗಳನ್ನು ನೀಡಲಾಗಿದೆ.