ಬಾಂಗ್ಲಾದೇಶದಲ್ಲೂ ಸದ್ದು ಮಾಡಲಿದೆ ಟಿವಿಎಸ್ ಕಂಪನಿಯ ಬೈಕ್

ಟಿವಿಎಸ್ ಕಂಪನಿಯು ಭಾರತದಲ್ಲಿ ಮಾತ್ರವಲ್ಲದೇ ವಿದೇಶಗಳಲ್ಲೂ ತನ್ನ ಬೈಕುಗಳನ್ನು ಮಾರಾಟ ಮಾಡುತ್ತದೆ. ಈಗ ಟಿವಿಎಸ್ ಕಂಪನಿಯು ತನ್ನ ಆರ್‌ಟಿಆರ್ 160 4 ವಿ ಬೈಕ್ ಅನ್ನು ಬಾಂಗ್ಲಾದೇಶದಲ್ಲಿ ಬಿಡುಗಡೆಗೊಳಿಸಿದೆ. ಕಂಪನಿಯು ಈ ಬೈಕ್ ಅನ್ನು ವಿಶೇಷ ತಂತ್ರಜ್ಞಾನದ ಸ್ಮಾರ್ಟ್ ಕನೆಕ್ಟ್ ಫೀಚರ್'ನೊಂದಿಗೆ ಬಿಡುಗಡೆಗೊಳಿಸಿದೆ. ಈ ಫೀಚರ್ ಮೂಲಕ ಬೈಕ್ ಸವಾರರು ಬೈಕಿನಲ್ಲಿರುವ ಸ್ಕ್ರೀನ್ ಮೂಲಕ ಫೋನ್ ಕರೆಗಳನ್ನು ಹಾಗೂ ಎಸ್ಎಂಎಸ್ ಗಳನ್ನು ಸ್ವೀಕರಿಸಬಹುದು.

ಇದರ ಜೊತೆಗೆ ಬೈಕಿಗೆ ಸಂಬಂಧಿಸಿದ ಪ್ರಮುಖ ಮಾಹಿತಿಯನ್ನು ಮೊಬೈಲ್ ಮೂಲಕ ಪಡೆಯಬಹುದು. ಬೈಕಿರುವ ಸ್ಥಳ, ಎಲ್ಲಿಗೆ ಹೋಗಬೇಕು, ಬೈಕಿನಲ್ಲಿ ಪೆಟ್ರೋಲ್ ಎಷ್ಟಿದೆ ಎಂಬ ಮಾಹಿತಿಗಳನ್ನು ಮೊಬೈಲ್ ಮೂಲಕವೇ ತಿಳಿದು ಕೊಳ್ಳಬಹುದು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಬೈಕಿನಲ್ಲಿ ನ್ಯಾವಿಗೇಷನ್‌ನಂತಹ ವಿಶೇಷ ಟೆಕ್ನಾಲಜಿಯನ್ನು ಸಹ ಅಳವಡಿಸಲಾಗಿದೆ. ಇದರಿಂದಾಗಿ ಮೊಬೈಲ್'ನಲ್ಲಿ ಬೈಕಿರುವ ಸರಿಯಾದ ಸ್ಥಳದ ಮಾಹಿತಿಯನ್ನು ಕೂಡಲೇ ಪಡೆಯಬಹುದು. ಇದರಿಂದ ಈ ಬೈಕ್ ಕಳ್ಳತನವಾದರೂ ಸುಲಭವಾಗಿ ಪತ್ತೆ ಹಚ್ಚಬಹುದು.

ಹಲವು ವಿಶೇಷ ಫೀಚರ್'ಗಳನ್ನು ಹೊಂದಿರುವ ಅಪಾಚೆ ಆರ್‌ಟಿಆರ್ 160 4 ವಿ ಬೈಕ್ ಅನ್ನು ಟಿವಿಎಸ್ ಕಂಪನಿಯು ಬಾಂಗ್ಲಾದೇಶದಲ್ಲಿ ಬಿಡುಗಡೆಗೊಳಿಸಿದೆ. ಈ ಫೀಚರ್'ಗಳಿಂದಾಗಿ ಆರ್‌ಟಿಆರ್ 160 4 ವಿ ಬೈಕ್ ಅನ್ನು ಪ್ರೀಮಿಯಂ ಮೋಟಾರ್ ಸೈಕಲ್ ಎಂದು ಪರಿಗಣಿಸಲಾಗಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಬೈಕ್ ಬಾಂಗ್ಲಾದೇಶದ ಯುವಕರನ್ನು ಆಕರ್ಷಿಸುತ್ತದೆ ಎಂಬ ವಿಶ್ವಾಸವನ್ನು ಟಿವಿಎಸ್ ಕಂಪನಿಯು ಹೊಂದಿದೆ. 2021ರ ಟಿವಿಎಸ್ ಅಪಾಚೆ ಆರ್‌ಟಿಆರ್ 160 4 ವಿ ಬೈಕಿನಲ್ಲಿ ರೇಸ್ ಬೈಕ್‌ಗಳಲ್ಲಿರುವಂತಹ ಫೀಚರ್'ಗಳಿವೆ ಎಂದು ಟಿವಿಎಸ್ ಮೋಟಾರ್ ಕಂಪನಿಯ ಇಂಟರ್ ನ್ಯಾಷನಲ್ ಸೇಲ್ಸ್ ವಿಭಾಗದ ಉಪಾಧ್ಯಕ್ಷ ಆರ್.ಕೆ.ದಿಲೀಪ್ ಹೇಳಿದ್ದಾರೆ.

ಈ ಬೈಕ್ ಅನ್ನು ಚಾಲನೆ ಮಾಡುವಾಗ ರೇಸಿಂಗ್ ಬೈಕ್ ಚಾಲನೆ ಮಾಡಿದಂತಹ ಅನುಭವವನ್ನು ಪಡೆಯಬಹುದು ಎಂದು ಅವರು ಹೇಳಿದರು. ಹೆಚ್ಚಿನ ಪರ್ಫಾಮೆನ್ಸ್ ಹೊಂದಿರುವ ಕಾರಣಕ್ಕೆ ಈ ಬೈಕ್ ಅನ್ನು ಬಾಂಗ್ಲಾದೇಶದ ರೇಸಿಂಗ್ ಉತ್ಸಾಹಿಗಳು ಇಷ್ಟಪಡುತ್ತಾರೆ ಎಂದು ಹೇಳಲಾಗಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಟಿವಿಎಸ್ ಅಪಾಚೆ ಆರ್‌ಟಿಆರ್ 160 4 ವಿ ಬೈಕಿನಲ್ಲಿ 159.7 ಸಿಸಿಯ ಸಿಂಗಲ್ ಸಿಲಿಂಡರ್, 4 ಸ್ಟ್ರೋಕ್, ಆಯಿಲ್-ಕೂಲ್ಡ್ ಎಂಜಿನ್ ಅಳವಡಿಸಲಾಗಿದೆ. 5 ಸ್ಪೀಡಿನ ಗೇರ್‌ಬಾಕ್ಸ್‌ನಿಂದ ನಿಯಂತ್ರಿಸಲ್ಪಡುವ ಈ ಎಂಜಿನ್ 15.82 ಬಿಹೆಚ್'ಪಿ ಪವರ್ ಉತ್ಪಾದಿಸುತ್ತದೆ.