ಒಂದೇ ಬಾರಿಗೆ ಮೂರು ಎಲೆಕ್ಟ್ರಿಕ್ ವಾಹನಗಳನ್ನು ಅನಾವರಣಗೊಳಿಸಿದ ಸೂಪರ್ ಸೊಕೊ

ಈ ಎಲೆಕ್ಟ್ರಿಕ್ ಬೈಕುಗಳಲ್ಲಿ ಟಿಸಿ ವಾಂಡರರ್ ಹಾಗೂ ಟಿಎಸ್ ಹಂಟರ್'ಗಳು ಸೇರಿದ್ದರೆ ಎಲೆಕ್ಟ್ರಿಕ್ ಸ್ಕೂಟರ್'ನಲ್ಲಿ ಸಿಯುಮಿನಿ ಇ-ಸ್ಕೂಟರ್ ಸೇರಿದೆ. ಟಿಸಿ ವಾಂಡರರ್ ಟಿಸಿ ಸರಣಿಯಲ್ಲಿ ಪರಿಚಯಿಸಲಾದ ರೆಟ್ರೊ ಎಲೆಕ್ಟ್ರಿಕ್ ಬೈಕ್ ಆಗಿದೆ. ಈ ಬೈಕಿನಲ್ಲಿ ಯಾವುದೇ ಎಂಜಿನ್ ಇಲ್ಲದಿದ್ದರೂ ಸಹ ಈ ಬೈಕ್ ಸರಳ ರೆಟ್ರೊ ಬೈಕಿನಂತೆ ಕಾಣುತ್ತದೆ.

ಈ ಎಲೆಕ್ಟ್ರಿಕ್ ಬೈಕ್ ಲಿಥಿಯಂ ಐಯಾನ್ ಬ್ಯಾಟರಿಗಳ ಮೂಲಕ ಚಲಿಸುತ್ತದೆ. ಈ ಬೈಕ್‌ನ ಹಿಂದಿನ ವ್ಹೀಲ್ ಎಲೆಕ್ಟ್ರಿಕ್ ಮೋಟರ್ ಹೊಂದಿದ್ದು 180 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಬೈಕಿನ ವಿನ್ಯಾಸದ ಬಗ್ಗೆ ಹೇಳುವುದಾದರೆ, ಈ ಬೈಕ್ ರೌಂಡ್ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳ ಮೇಲೆ ಕಪ್ಪು ವಿಂಡ್‌ಶೀಲ್ಡ್ ಹೊಂದಿದೆ. ಈ ಬೈಕಿನ ವಿನ್ಯಾಸವು ಅಗ್ರೆಸಿವ್ ಆಗಿದೆ. ಈ ಬೈಕಿನ ಮಧ್ಯ ಭಾಗವನ್ನು ಇಂಧನ ಚಾಲಿತ ಬೈಕಿನಂತೆ ವಿನ್ಯಾಸಗೊಳಿಸಲಾಗಿದೆ.

ಈ ಭಾಗವು ಬೈಕುಗಳ ಬ್ಯಾಟರಿಯನ್ನು ಹೊಂದಿದ್ದು ಮೇಲಿನಿಂದ ತೆಗೆದುಹಾಕಬಹುದು. ಈ ಬೈಕಿನಲ್ಲಿ ಎಂಜಿನ್ ಇಲ್ಲದ ಕಾರಣಕ್ಕೆ ಅದರ ಸೈಡ್ ಪ್ಯಾನಲ್ ಅನ್ನು ಸಂಪೂರ್ಣವಾಗಿ ಕವರ್ ಮಾಡಲಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಬೈಕಿನಲ್ಲಿರುವ ರೆಟ್ರೊ ಶೈಲಿಯ ಸಣ್ಣ ಸೀಟಿನಲ್ಲಿ ಇಬ್ಬರು ಆರಾಮವಾಗಿ ಕುಳಿತುಕೊಳ್ಳಬಹುದು. ಈ ಬೈಕಿನಲ್ಲಿ ಎಲ್ಇಡಿ ಟರ್ನ್ ಇಂಡಿಕೇಟರ್, ಡ್ಯುಯಲ್ ಡಿಸ್ಕ್ ಬ್ರೇಕ್, ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ, ಅಪ್ ಸೈಡ್ ಡೌನ್ ಟೆಲಿಸ್ಕೋಪಿಕ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಮೊನೊಶಾಕ್ ಸಸ್ಪೆಂಷನ್ ನೀಡಲಾಗಿದೆ.

ಇನ್ನು ಟಿಎಸ್ ಹಂಟರ್ ಬೈಕಿನ ಬಗ್ಗೆ ಹೇಳುವುದಾದರೆ, ಈ ಬೈಕ್ ಸ್ವಲ್ಪ ಆಕ್ರಮಣಕಾರಿಯಾಗಿದ್ದು, ಸ್ಪೋರ್ಟಿಯಾಗಿ ಕಾಣುತ್ತದೆ. ಈ ಬೈಕಿನಲ್ಲಿರುವ ಎಲೆಕ್ಟ್ರಿಕ್ ಪವರ್‌ಟ್ರೇನ್ ಕೂಡ ಟಿಎಸ್ ವಾಂಡರರ್‌ನಂತೆಯೇ ಇದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಬೈಕ್ ಫ್ರಂಟ್ ಟಿಲ್ಟ್ ಎಲ್ಇಡಿ ಹೆಡ್ ಲ್ಯಾಂಪ್, ಎಲ್ಇಡಿ ಟೇಲ್ ಲೈಟ್ ಹಾಗೂ ಎಲ್ಇಡಿ ಟರ್ನ್ ಇಂಡಿಕೇಟರ್'ಗಳನ್ನು ಹೊಂದಿದೆ. ಎರಡು ಬೈಕುಗಳ ನಡುವಿನ ವಿನ್ಯಾಸವೂ ಹೋಲಿಕೆಯಾಗುತ್ತದೆ.

ಟಿಸಿ ಹಂಟರ್ ಆಕ್ರಮಣಕಾರಿ ಸವಾರಿ ಸ್ಥಾನವನ್ನು ಹೊಂದಿರುವುದರಿಂದ ಈ ಬೈಕಿನ ಮೂಲಕ ಸ್ಪೋರ್ಟ್ಸ್ ಬೈಕು ಚಾಲನೆ ಮಾಡಿದ ಅನುಭವವನ್ನು ಪಡೆಯಬಹುದು. ಈ ಎರಡೂ ಬೈಕ್‌ಗಳ ಎಲ್ಲಾ ಫೀಚರ್'ಗಳು ಒಂದೇ ಆಗಿವೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಇನ್ನು ಸೂಪರ್ ಸೊಕೊ ಕ್ಯುಮಿನಿ ಇ-ಸ್ಕೂಟರ್ ಬಗ್ಗೆ ಹೇಳುವುದಾದರೆ ಈ ಸ್ಕೂಟರ್ ಅನ್ನು ಸಿಟಿ ರೈಡ್ ಹಾಗೂ ಅಲ್ಪ ದೂರದ ಪ್ರಯಾಣಕ್ಕಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಸ್ಕೂಟರ್'ನಲ್ಲಿ ಡ್ಯುಯಲ್ ಡಿಸ್ಕ್ ಬ್ರೇಕ್, ಎಲ್ಇಡಿ ಹೆಡ್ ಲೈಟ್, ಟೇಲ್ ಲೈಟ್ ಹಾಗೂ ಟರ್ನ್ ಇಂಡಿಕೇಟರ್ ಗಳನ್ನು ನೀಡಲಾಗಿದೆ.

ಈ ಸ್ಕೂಟರ್ 12 ಇಂಚಿನ ದೊಡ್ಡ ಗಾತ್ರದ ಟಯರ್‌ಗಳನ್ನು ಹೊಂದಿದೆ. ಈ ಟಯರ್‌ಗಳು ರಸ್ತೆಯಲ್ಲಿ ಹೆಚ್ಚಿನ ಗ್ರಿಪ್ ನೀಡುತ್ತವೆ. ಈ ಸ್ಕೂಟರ್ ಪೂರ್ತಿಯಾಗಿ ಚಾರ್ಜ್ ಆದ ನಂತರ 75-80 ಕಿ.ಮೀಗಳವರೆಗೆ ಚಲಿಸುತ್ತದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಇನ್ನು ಈ ಎರಡೂ ಬೈಕ್‌ಗಳು ಪೂರ್ತಿಯಾಗಿ ಚಾರ್ಜ್ ಆದ ನಂತರ 200 ಕಿ.ಮೀಗಳವರೆಗೆ ಚಲಿಸುತ್ತವೆ. ಈ ಎಲ್ಲಾ ವಾಹನಗಳಲ್ಲಿ ಜಿಪಿಎಸ್ ಆಧಾರಿತ ನ್ಯಾವಿಗೇಷನ್ ಹಾಗೂ ಕೀಲೆಸ್ ಎಂಟ್ರಿಯಂತಹ ಫೀಚರ್'ಗಳನ್ನು ನೀಡಲಾಗಿದೆ.