ಬಿಡುಗಡೆಯಾಯ್ತು 2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಮತ್ತು ಎಫ್‍‍ಜೆಡ್‍ಎಸ್-ಎಫ್‍ಐ ಬೈಕುಗಳು

2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಬೈಕಿನ ಬೆಲೆಯು ರೂ.1.03 ಲಕ್ಷಗಳಾಗಿದ್ದರೆ, ಎಫ್‍‍ಜೆಡ್‍ಎಸ್-ಎಫ್‍ಐ ಬೈಕಿನ ಬೆಲೆಯು ರೂ.1.07 ಲಕ್ಷಗಳಾಗಿದೆ. ಈ ಎಲ್ಲಾ ಬೆಲೆಗಳು ದೆಹಲಿ ಎಕ್ಸ್ ಶೋರೂಂ ಪ್ರಕಾರವಾಗಿದೆ. 2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಮತ್ತು ಎಫ್‍ಐ ಬೈಕುಗಳು ಈಗ ಕೆಲವು ಸೂಕ್ಷ್ಮ ನವೀಕರಣಗಳನ್ನು ಪಡೆದುಕೊಂಡಿದೆ. ಇನ್ನು ಈ ಬೈಕುಗಳು ರೇಸಿಂಗ್ ಬ್ಲೂ ಮತ್ತು ಮೆಟಾಲಿಕ್ ಬ್ಲ್ಯಾಕ್ ಎಂಬ ಎರಡೂ ಬಣ್ಣಗಳ ಆಯ್ಕೆಗಳನ್ನು ಪಡೆದುಕೊಂಡಿದೆ.

2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಮತ್ತು ಎಫ್‍‍ಜೆಡ್‍ಎಸ್-ಎಫ್‍ಐ ಬೈಕುಗಳಲ್ಲಿ ಹೊಸ ಬಣ್ಣಗಳನ್ನು ಸ್ಟ್ಯಾಂಡರ್ಡ್ ಬಣ್ಣದ ಪ್ಯಾಲೆಟ್ ಜೊತೆಗೆ ನೀಡಲಾಗುವುದು. 2021ರ ಎಫ್‍‍ಜೆಡ್‍ಎಸ್-ಎಫ್‍ಐ ಬೈಕ್ ಹೊಸ 3ಡಿ ಲೋಗೊವನ್ನು ಸಹ ಒಳಗೊಂಡಿವೆ.

MOST READ: ಬಿಡುಗಡೆಯಾಯ್ತು ಹೊಸ ಟ್ರಯಂಫ್ ಬೊನೊವೆಲ್ಲಿ ಸ್ಪೀಡ್‍‍ಮಾಸ್ಟರ್ ಬೈಕ್

ಯಮಹಾ ಎಫ್‍‍ಜೆಡ್ ಸರಣಿಯ ಎರಡು ಮಾದರಿಗಳಲ್ಲಿ ಈ ದಿನಗಳಲ್ಲಿ ಹೆಚ್ಚಿನ ಹೆಚ್ಚಿನ ಬೈಕುಗಳಲ್ಲಿ ನೀಡಲಾಗುವ ಸ್ಟ್ಯಾಂಡರ್ಡ್ ಸುರಕ್ಷತಾ ಫೀಚರ್ ಗಳಾದ 'ಸೈಡ್-ಸ್ಟ್ಯಾಂಡ್ ಎಂಜಿನ್ ಕಟ್-ಆಫ್ ಸ್ವಿಚ್' ನೊಂದಿಗೆ ಬರುತ್ತವೆ.

ಇನ್ನು ಈ 2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಮತ್ತು ಎಫ್‍‍ಜೆಡ್‍ಎಸ್-ಎಫ್‍ಐ ಬೈಕುಗಳಲ್ಲಿ ಕಂಪನಿಯು 2 ಕೆಜಿಗಳಷ್ಟು ತೂಕವನ್ನು ಕಡಿಮೆ ಮಾಡುವಲ್ಲಿ ಯಶಸ್ವಿಯಾಗಿದ್ದು, ಇದರ ಸುಧಾರಿತ ಆರಾಮ, ನಿರ್ವಹಣೆ ಮತ್ತು ಕುಶಲತೆಯನ್ನು ಖಾತ್ರಿಪಡಿಸಿದೆ.

MOST READ: ಹೊಸ ಬಣ್ಣದ ಆಯ್ಕೆಯನ್ನು ಪಡೆದುಕೊಂಡ 2021ರ ಕವಾಸಕಿ ನಿಂಜಾ 1000 ಎಸ್‌ಎಕ್ಸ್ ಬೈಕ್

ಆದರೆ ಯಮಹಾ ಕಂಪನಿಯ ಈ ಎಫ್‍‍ಜೆಡ್-ಎಫ್‍ಐ ಮತ್ತು ಫ್‍‍ಜೆಡ್‍ಎಸ್-ಎಫ್‍ಐ ಬೈಕುಗಳ ತೂಕವನ್ನು ಹೇಗೆ ಇಳಿಸಿರುವುದರ ಬಗ್ಗೆ ಮಾಹಿತಿ ಬಹಿರಂಗಪಡಿಸಲಿಲ್ಲ.ಹೆಚ್ಚುವರಿಯಾಗಿ, 2021ರ ಎಫ್‍‍ಜೆಡ್‍ಎಸ್-ಎಫ್‍ಐ ಬೈಕ್ 'ಯಮಹಾ ಮೋಟಾರ್‌ಸೈಕಲ್ ಕನೆಕ್ಟ್ ಎಕ್ಸ್' ತಂತ್ರಜ್ಞಾನವನ್ನು ಪಡೆದುಕೊಂಡಿದೆ.

ಇದು ಆನ್ಸರ್ ಬ್ಯಾಕ್, ಲೊಕೇಟ್-ಮೈ-ಬೈಕ್, ಇ-ಲಾಕ್ ಮತ್ತು ಇತರ ಹಲವು ಫೀಚರ್ ಗಳಿಂದ ಕೂಡಿರುವ ತಂತ್ರಜ್ಞಾನವಾಗಿದೆ. ಇನ್ನು ಈ ಹೊಸ ಎರಡು ಬೈಕುಗಳಲ್ಲಿ ಎಂಜಿನ್ ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

MOST READ: ಯೂನಿಕಾರ್ನ್ ಬೈಕಿನ ಬೆಲೆ ಹೆಚ್ಚಿಸಿದ ಹೋಂಡಾ ಮೋಟಾರ್‌ಸೈಕಲ್

2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಮತ್ತು ಫ್‍‍ಜೆಡ್‍ಎಸ್-ಎಫ್‍ಐ ಬೈಕುಗಳಲ್ಲಿ ಒಂದೇ 149ಸಿಸಿ ಸಿಂಗಲ್ ಸಿಲಿಂಡರ್ ಏರ್-ಕೂಲ್ಡ್ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 250 ಆರ್‌ಪಿಎಂನಲ್ಲಿ 12.4 ಬಿಹೆಚ್‌ಪಿ ಮತ್ತು 5500 ಆರ್‌ಪಿಎಂನಲ್ಲಿ 13.6 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ,

ಈ ಎಂಜಿನ್ ನೊಂದಿಗೆ ಐದು-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲ್ಪಟ್ಟಿದೆ. 2021ರ ಯಮಹಾ ಎಫ್‍‍ಜೆಡ್-ಎಫ್‍ಐ ಮತ್ತು ಎಫ್‍‍ಜೆಡ್‍ಎಸ್-ಎಫ್‍ಐ ಮಾದರಿಗಳು ಭಾರತೀಯ ಮಾರುಕಟ್ಟೆಯಲ್ಲಿ ಸುಜುಕಿ ಜಿಕ್ಸರ್, ಬಜಾಜ್ ಪಲ್ಸರ್ ಎನ್ಎಸ್ 160, ಕೆಟಿಎಂ 125 ಡ್ಯೂಕ್ ಮತ್ತು ಟಿವಿಎಸ್ ಅಪಾಚೆ ಆರ್‍‍ಟಿಆರ್ 160 ಬೈಕುಗಳಿಗೆ ಪೈಪೋಟಿ ನೀಡುತ್ತದೆ.