Just In
- 7 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 8 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 9 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 9 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
180 ಕಿ.ಮೀ ಮೈಲೇಜ್ ನೀಡುವ 2 ಹೈಸ್ಪೀಡ್ ಇವಿ ಸ್ಕೂಟರ್ಗಳನ್ನು ಬಿಡುಗಡೆ ಮಾಡಿದ Komaki
ಭಾರತದಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ ಬೆಂಕಿ ಅವಘಡಗಳ ನಡುವೆಯೂ ಇವಿ ಸ್ಕೂಟರ್ಗಳಿಗೆ ಬೇಡಿಕೆ ಹೆಚ್ಚುತ್ತಲೇ ಇದೆ. ಇದರಿಂದ ದೇಶೀಯ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಕಂಪನಿಗಳೊಂದಿಗೆ ವಿದೇಶಿ ತಯಾರಕರೂ ಕೂಡ ಭಾರತದಲ್ಲಿ ತಮ್ಮ ಇವಿ ಮಾದರಿಗಳನ್ನು ಬಿಡುಗಡೆ ಮಾಡುತ್ತಿದ್ದಾರೆ.
ಇತ್ತೀಚೆಗೆ ದೇಶದಲ್ಲಿ ಎರಡು ಹೊಸ ಸ್ಕೂಟರ್ಗಳನ್ನು ಬಿಡುಗಡೆ ಮಾಡುವ ಮೂಲಕ Komaki ತನ್ನ EV ಶ್ರೇಣಿಯನ್ನು ವಿಸ್ತರಿಸಿದೆ. ಕಂಪನಿಯು ಈಗ LY ಮತ್ತು DT 3000 ಎಲೆಕ್ಟ್ರಿಕ್ ಮಾದರಿಗಳನ್ನು ಬಿಡುಗಡೆ ಮಾಡಿದ್ದು, ಈ ಎರಡು ಮಾದರಿಗಳನ್ನು ಹೈ ಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ ವರ್ಗಕ್ಕೆ ಸೇರಿಸಲಾಗಿದೆ. ಇವು ಸಾಂಪ್ರದಾಯಿಕ ಪೆಟ್ರೋಲ್ ಚಾಲಿತ ಸ್ಕೂಟರ್ನಷ್ಟೇ ಪವರ್ ಹೊಂದಿವೆ ಎಂದು ಕಂಪನಿ ಹೇಳಿಕೊಂಡಿದೆ.
Komaki LT ಮಾದರಿಯು 88,000 ರೂ.ಗಳ ಎಕ್ಸ್ ಶೋರೂಂ ಬೆಲೆಯನ್ನು ಹೊಂದಿದ್ದು, Komaki DT 3000 ಎಲೆಕ್ಟ್ರಿಕ್ ಸ್ಕೂಟರ್ನ ಬೆಲೆ 1.22 ಲಕ್ಷ ರೂ. ಇದೆ. ಇದು ದೆಹಲಿ ಮೂಲದ ಸ್ಟಾರ್ಟ್ ಅಪ್ ಇವಿಯಿಂದ ಈ ವರ್ಷ ಭಾರತಕ್ಕೆ ಆಗಮಿಸಿದ ಮೂರನೇ ಮತ್ತು ನಾಲ್ಕನೇ ಉತ್ಪನ್ನವಾಗಿದೆ. ಇದಕ್ಕೂ ಮುಚೆ ಬಿಡುಗಡೆ ಮಾಡಿದ್ದ ಮಾದರಿಗಳು ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿವೆ.
ಎರಡೂ ಮಾದರಿಗಳನ್ನು ಹೈ-ಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ಗಳ ವರ್ಗದಲ್ಲಿ ವರ್ಗೀಕರಿಸಲಾಗಿದೆ. ಇದರೊಂದಿಗೆ, ಭಾರತದಲ್ಲಿ ಕಂಪನಿಯ EV ಪೋರ್ಟ್ಫೋಲಿಯೊ 18 ಸ್ಮಾರ್ಟ್ ಮತ್ತು ಹೆಚ್ಚಿನ ವೇಗದ EV ಗಳು ಮತ್ತು ಎರಡು ಎಲೆಕ್ಟ್ರಿಕ್ ರಿಕ್ಷಾಗಳಿಗೆ ವಿಸ್ತರಿಸುತ್ತಿದೆ. ಈ ಎರಡೂ ಮಾದರಿಗಳು ದೇಶೀಯ ಇವಿ ವಾಹನಗಳಿಗೆ ಪೈಪೋಟಿ ನೀಡಲು ಸಜ್ಜಾಗಿವೆ.
ಭಾರತೀಯ ಗ್ರಾಹಕರು ತಮ್ಮ ಸುತ್ತಮುತ್ತಲಿನ ಹಸಿರು ಮತ್ತು ಸುಸ್ಥಿರ ಮೊಬಿಲಿಟಿಯ ಪರಿಹಾರಗಳಿಗಾಗಿ ವಿಶ್ವಾಸವನ್ನು ವ್ಯಕ್ತಪಡಿಸುತ್ತಿದ್ದು, ನಮ್ಮ ಎಲೆಕ್ಟ್ರಿಕ್ ಮಾದರಿಗಳು ಇದಕ್ಕೆ ಪೂರಕವಾಗಿವೆ. ಉತ್ತಮ ಪ್ರತಿಕ್ರಿಯೆಯ ನಂತರವಷ್ಟೇ ಎರಡು ಹೊಸ EV ಗಳೊಂದಿಗೆ ಭಾರತೀಯ ಮಾರುಕಟ್ಟೆಗೆ ಮರಳಲು ಸ್ಫೂರ್ತಿಯಾಗಿದೆ ಎಂದು ಕೊಮಾಕಿ ಕಂಪನಿಯ ಎಲೆಕ್ಟ್ರಿಕ್ ವಿಭಾಗದ ನಿರ್ದೇಶಕ ಗುಂಜನ್ ಮಲ್ಹೋತ್ರಾ ಹೇಳಿದರು.
DT 3000 ಅದರ ಅನನ್ಯ ಬ್ಯಾಟರಿ ಮತ್ತು LY ವಿರೋಧಿ ಸ್ಕಿಡ್ ಕಾರ್ಯಗಳನ್ನು ಹೊಂದಿರುವ ಆವೃತ್ತಿಗಳಾಗಿವೆ. Komaki LY ಎಲೆಕ್ಟ್ರಿಕ್ ಸ್ಕೂಟರ್ ಆಂಟಿ-ಸ್ಕಿಡ್ ಕಾರ್ಯವನ್ನು ಒಳಗೊಂಡಿರುವ ದೇಶದ ಮೊದಲ ಇ-ಸ್ಕೂಟರ್ ಆಗಿದೆ. ಇದು ಸಮತೋಲಿತ ಪ್ರಯಾಣಕ್ಕಾಗಿ ವಿನ್ಯಾಸಗೊಳಿಸಲಾಗಿದೆ. ಪ್ರಯಾಣದ ವೇಳೆ ಚಾಲಕನಿಗೆ ಉತ್ತಮ ಡ್ರೈವ್ ಅನುಭವ ನೀಡುತ್ತದೆ.
Komaki LY ಎಲೆಕ್ಟ್ರಿಕ್ ಸ್ಕೂಟರ್ನಲ್ಲಿ ಮುಂಭಾಗ ಮತ್ತು ಹಿಂಭಾಗದ ಡಿಸ್ಕ್ ಬ್ರೇಕ್ಗಳು, ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಶಾಕ್ ಅಬ್ಸಾರ್ಬರ್ಗಳು ಮತ್ತು ಹಿಂಭಾಗದಲ್ಲಿ ಹೈಡ್ರಾಲಿಕ್ ಶಾಕ್ ಅಬ್ಸಾರ್ಬರ್ಗಳನ್ನು ಅಳವಡಿಸಲಾಗಿದೆ. ಈ ಎಲೆಕ್ಟ್ರಿಕ್ ಸ್ಕೂಟರ್ 12 ಇಂಚಿನ ಚಕ್ರಗಳೊಂದಿಗೆ ಬರುತ್ತದೆ. ಗಾರ್ನೆಟ್ ರೆಡ್, ಜೆಟ್ ಬ್ಲಾಕ್ ಮತ್ತು ಮೆಟಲ್ ಗ್ರೇ ಬಣ್ಣಗಳಲ್ಲಿ ಸ್ಕೂಟರ್ ಲಭ್ಯವಿದೆ.
ಇದು 62.9V ಲಿಥಿಯಂ ಫೆರೋ ಫಾಸ್ಫೇಟ್ ಬ್ಯಾಟರಿ ಪ್ಯಾಕ್ನೊಂದಿಗೆ ಬರುತ್ತದೆ. ಸ್ಕೂಟರ್ನ 1500 ವ್ಯಾಟ್ ಮೋಟಾರ್ನಿಂದ ಒಂದೇ ಚಾರ್ಜ್ನಲ್ಲಿ 70-90 ಕಿ.ಮೀ ವ್ಯಾಪ್ತಿಯನ್ನು ಒದಗಿಸುವ ಸಾಮರ್ಥ್ಯವನ್ನು ಸ್ಕೂಟರ್ ಹೊಂದಿದೆ. ಮಾದರಿಯು ಸಂಪೂರ್ಣವಾಗಿ ಚಾರ್ಜ್ ಮಾಡಲು 4-5 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ.
Komaki DT 3000 ಎಲೆಕ್ಟ್ರಿಕ್ ಸ್ಕೂಟರ್ 3000-ವ್ಯಾಟ್ BLDC ಮೋಟಾರ್ ಮತ್ತು 62V52AH ಲಿಥಿಯಂ ಬ್ಯಾಟರಿಯಿಂದ ಚಾಲಿತವಾಗಿದೆ. ಇದು ಗರಿಷ್ಠ 80 kmph ವೇಗವನ್ನು ತಲುಪಿಸಬಲ್ಲದು ಮತ್ತು ಒಂದೇ ಚಾರ್ಜ್ನಲ್ಲಿ 110-180 kmph ವ್ಯಾಪ್ತಿಯನ್ನು ನೀಡಬಲ್ಲದು ಎಂದು ಕಂಪನಿ ಹೇಳಿಕೊಂಡಿದೆ.
EDT 3000 ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಸ್ಟ್ಯಾಂಡರ್ಡ್ 15 amp ವಾಲ್ ಸಾಕೆಟ್ನಿಂದ 4-5 ಗಂಟೆಗಳಲ್ಲಿ 0% ರಿಂದ 100% ವರೆಗೆ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು. Komaki LY ಎಲೆಕ್ಟ್ರಿಕ್ ಸ್ಕೂಟರ್ನಂತೆ, Komaki DT 3000 ಎಲೆಕ್ಟ್ರಿಕ್ ಸ್ಕೂಟರ್ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಶಾಕ್ ಅಬ್ಸಾರ್ಬರ್ಗಳು ಮತ್ತು ಹಿಂಭಾಗದಲ್ಲಿ ಹೈಡ್ರಾಲಿಕ್ ಶಾಕ್ ಅಬ್ಸಾರ್ಬರ್ಗಳಂತೆಯೇ ಅದೇ ಸಸ್ಪೆನ್ಷನ್ ಕಾನ್ಫಿಗರೇಶನ್ ಅನ್ನು ಒಳಗೊಂಡಿದೆ.
ಮೆಟಲ್ ಗ್ರೇ, ಬ್ಲೂ, ಜೆಟ್ ಬ್ಲಾಕ್ ಮತ್ತು ಬ್ರೈಟ್ ರೆಡ್ ಎಂಬ ನಾಲ್ಕು ವಿಭಿನ್ನ ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. Komaki LY ಮತ್ತು Komaki DT 3000 ಎಲೆಕ್ಟ್ರಿಕ್ ಸ್ಕೂಟರ್ಗಳು ಸಂಪರ್ಕಿತ ತಂತ್ರಜ್ಞಾನ, ಬ್ಲೂಟೂತ್ ಮತ್ತು ಸ್ಪೀಕರ್ಗಳನ್ನು ನೀಡಲಾಗಿದೆ.
ಇದರ ಜೊತೆಗೆ, ಪುನರುತ್ಪಾದಕ ಬ್ರೇಕಿಂಗ್, ಮೊಬೈಲ್ ಚಾರ್ಜ್ ಪಾಯಿಂಟ್, ರಿವರ್ಸ್ ಅಸಿಸ್ಟ್, ಕ್ರೂಸ್ ಕಂಟ್ರೋಲ್ ಮತ್ತು ರಿಮೋಟ್ ಬೈ ಲಾಕ್ ಎರಡೂ ಎಲೆಕ್ಟ್ರಿಕ್ ಸ್ಕೂಟರ್ಗಳ ಕೆಲವು ಪ್ರಮಾಣಿತ ವೈಶಿಷ್ಟ್ಯಗಳಾಗಿವೆ.
ಎರಡು ಹೊಸ ಸ್ಕೂಟರ್ಗಳು ಸೆಲ್ಫ್ ಡಯಾಗ್ನೋಸ್ಟಿಕ್ ಟೂಲ್, ಡಿಸ್ಕ್ ಬ್ರೇಕ್, ಶಬ್ದ ಮುಕ್ತ ಕಾರ್ಯ, ರಿಮೋಟ್ ಲಾಕ್, ಟೆಲಿಸ್ಕೋಪಿಕ್ ಶಾಕರ್, ಕ್ರೂಸ್ ಕಂಟ್ರೋಲ್ ಮತ್ತು ಬ್ಲೂಟೂತ್ ಸ್ಪೀಕರ್ಗಳಂತಹ ಆಕರ್ಷಕ ವೈಶಿಷ್ಟ್ಯಗಳೊಂದಿಗೆ ಬರುತ್ತವೆ.