ಬಿಡುಗಡೆಗೆ ಸಜ್ಜಾಗುತ್ತಿದೆ ಅಧಿಕ ರೇಂಜ್ ಹೊಂದಿರುವ Ultraviolette F77 ಎಲೆಕ್ಟ್ರಿಕ್ ಬೈಕ್

ಇದರ ನಡುವೆ ಹಲವು ಜನಪ್ರಿಯ ದ್ವಿಚಕ್ರ ತಯಾರಕ ಕಂಪನಿಗಳು ಕೂಡ ಎಲೆಕ್ಟ್ರಿಕ್ ವಾಹನಗಳನ್ನು ಉತ್ಪಾದಿಸುತ್ತಿದೆ. ಇನ್ನು ದೇಶಿಯ ಮಾರುಕಟ್ಟೆಯಲ್ಲಿ ಜನಪ್ರಿಯ ದ್ವಿಚಕ್ರ ತಯಾರಕ ಕಂಪನಿಗಳದ ಬಜಾಜ್ ಆಟೋ, ಟಿವಿಎಸ್ ಮೋಟಾರ್ ಸಹ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಈಗಾಗಲೇ ಬಿಡುಗಡೆಗೊಳಿಸಿವೆ. ಬಜಾಜ್‌ ಚೇತಕ್ ಎಲೆಕ್ಟ್ರಿಕ್ ಮತ್ತು ಟಿವಿಎಸ್ ಐಕ್ಯೂಬ್‌ನಂತಹ ಸ್ಕೂಟರ್‌ಗಳು ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿವೆ. ಇದರ ನಡುವೆ ಹಲವು ಎಲೆಕ್ಟ್ರಿಕ್ ದ್ವಿಚಕ್ರ ಬ್ರ್ಯಾಂಡ್ ಗಳು ಕೂಡ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳನ್ನು ಬಿಡುಗಡೆಗೊಳಿಸುತ್ತಿದೆ.

ಇದರ ನಡುವೆ ಅಲ್ಟ್ರಾವೈಲೆಟ್ ಆಟೋಮೋಟಿವ್ ಪ್ರೈವೇಟ್ ಲಿಮಿಟೆಡ್ ಇತ್ತೀಚಿನ ದಿನಗಳಲ್ಲಿ ಅನೇಕ ಭರವಸೆಯ ಎಲೆಕ್ಟ್ರಿಕ್ ವಾಹನದ ಸ್ಟಾರ್ಟ್‌ಅಪ್‌ಗಳಂತೆ ಹೆಚ್ಚಿನ ಗಮವನ್ನು ಸೆಳೆಯುತ್ತಿದೆ. ಅಲ್ಟ್ರಾವೈಲೆಟ್ ಬ್ರ್ಯಾಂಡ್ ತನ್ನ ಮೊದಲ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನವನ್ನು ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಈ ಮೊದಲ ಅಲ್ಟ್ರಾವೈಲೆಟ್ ಎಫ್77( Ultraviolette F77) ಎಲೆಕ್ಟ್ರಿಕ್ ಬೈಕ್ ಬಿಡುಗಡೆಯಾಗುವ ಮೊದಲೇ ಗಮನವನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.

ಇದೀಗ ಈ ಹೊಸ ಅಲ್ಟ್ರಾವೈಲೆಟ್ ಎಫ್77 ಬೈಕಿನ ಟೀಸರ್ ಬಿಡುಗಡೆಯಾಗಿದೆ, ಹೆಚ್ಚಿನ ಕಾರ್ಯಕ್ಷಮತೆಯ ಎಲೆಕ್ಟ್ರಿಕ್ ಬೈಕ್ ಅನ್ನು 2022 ರ ಮೊದಲಾರ್ಧದಲ್ಲಿ ಬಿಡುಗಡೆ ಮಾಡಲಾಗುವುದು ಮತ್ತು ಇತ್ತೀಚಿನ ವೀಡಿಯೊ ಪ್ರದರ್ಶನಗಳಂತೆ, ತೋರಿಸಿರುವ ಬೈಕ್ ಉತ್ಪಾದನೆಗೆ ಸಿದ್ಧವಾಗಿವೆ ಎಂದು ತೋರುತ್ತಿದೆ.

ಕಳೆದ ತಿಂಗಳಷ್ಟೇ, ಕಂಪನಿಯು ಟಿವಿಎಸ್ ಮೋಟಾರ್ ಕಂಪನಿಯ ನೇತೃತ್ವದ ಸಿರೀಸ್ ಸಿ ಫಂಡಿಂಗ್‌ನಲ್ಲಿ ಹೊಸ ಸುತ್ತಿನ ಬಂಡವಾಳವನ್ನು ಸಂಗ್ರಹಿಸುವುದಾಗಿ ಘೋಷಿಸಿತ್ತು ಮತ್ತು ವೆಬ್ ಆಧಾರಿತ ವ್ಯಾಪಾರ ಸಾಧನಗಳನ್ನು ತಯಾರಿಸಲು ಹೆಸರುವಾಸಿಯಾದ ತಂತ್ರಜ್ಞಾನ ಕಂಪನಿಯಾದ ಜೊಹೊ ಕಾರ್ಪೊರೇಷನ್ ಸೇರಿಕೊಂಡಿದೆ.

ಅಲ್ಟ್ರಾವೈಲೆಟ್ ಉತ್ಪಾದನಾ ಮಾದರಿ F77 ಹೇಗಿರುತ್ತದೆ ಎಂಬುದರ ಕುರಿತು ನಮಗೆ ಒಂದು ನೋಟವನ್ನು ನೀಡುವ ವೀಡಿಯೊವನ್ನು ತೋರಿಸಿದೆ. ಈ ಅಲ್ಟ್ರಾವೈಲೆಟ್ ಬ್ರ್ಯಾಂಡ್ ಮೊದಲ ಮಾದರಿಯ ಕುರಿತು ಹೇಳುವುದಾದರೆ, ಕಂಪನಿಯು 2019ರ ಅಕ್ಟೋಬರ್ ತಿಂಗಳಿನಲ್ಲಿ ಎಫ್77 ಹೆಸರಿನ ಎಲೆಕ್ಟ್ರಿಕ್ ಬೈಕ್ ಮೂಲಮಾದರಿಯ ರೂಪದಲ್ಲಿ ತನ್ನ ಮೊದಲ ಮಾದರಿಯಾಗಿ ಅನಾವರಣಗೊಳಿಸಿತು.

ಎಫ್77 ಎಲೆಕ್ಟ್ರಿಕ್ ಬೈಕ್ ಮುಂದಿನ ವರ್ಷದ ಉತ್ಪಾದನೆಗೆ ಒಳಗಾಗಲಿದೆ ಎಂದು ತಿಳಿದುಬಂದಿದೆ. ಈ ಹೊಸ ಎಲೆಕ್ಟ್ರಿಕ್ ಬೈಕಿನ ಬಿಡುಗಡೆಯು ಶೀಘ್ರದಲ್ಲೇ ನಡೆಯಬಹುದು. ಅದರ ಉತ್ಪಾದನೆಗಳಿಗೆ ಮುಂಚಿತವಾಗಿ, ಬ್ರ್ಯಾಂಡ್ ಎಲೆಕ್ಟ್ರಿಕ್ ಬೈಕಿನ ಪರ್ಫಾಮೆನ್ಸ್ ಹೊಸ ವೀಡಿಯೊವನ್ನು ಯೂಟ್ಯೂಬ್‌ನಲ್ಲಿ ಬಿಡುಗಡೆ ಮಾಡಿದೆ, ಇದು ಮುಂಬರುವ ಬೈಕಿನಲ್ಲಿ ಮುಂದುವರಿದ ಟೆಸ್ಟ್ ಅನ್ನು ಬಹಿರಂಗಪಡಿಸುತ್ತದೆ.

ಮುಂಬರುವ ಅಲ್ಟ್ರಾವೈಲೆಟ್ ಎಫ್77 ಭಾರತದಲ್ಲಿನ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನದ ಜಾಗದಲ್ಲಿ ಅತ್ಯಂತ ವೇಗದ ಬೈಕ್ ಎಂದು ಹೇಳಿಕೊಳ್ಳಲಾಗಿದೆ. ಈ ಬೈಕ್ ಕೇವಲ 2.9 ಸೆಕೆಂಡುಗಳಲ್ಲಿ 140 ಕಿ.ಮೀ ವೇಗವನ್ನು ಪಡೆಯಬಹುದು ಎಂದು ಹೇಳಲಾಗುತ್ತಿದೆ. ಇದರಲ್ಲಿರುವ ಬ್ಯಾಟರಿ ಪ್ಯಾಕ್ ಒಂದೇ ರೇಂಜ್ ನಲ್ಲಿ 150 ಕಿಮೀ ರೇಂಜ್ ಅನ್ನು ನೀಡುಬಹುದು ಎಂದು ವರದಿಗಳಾಗಿದೆ.

ಆದರೆ ಅಲ್ಟ್ರಾವೈಲೆಟ್F77 ನ ಮತ್ತೊಂದು ರೂಪಾಂತರವನ್ನು ಹೆಚ್ಚಿನ ರೇಂಜ್ ನೊಂದಿಗೆ ಬಿಡುಗಡೆ ಮಾಡುವ ಸಾಧ್ಯತೆಗಳಿದೆ. ಈ ಅಲ್ಟ್ರಾವೈಲೆಟ್ ಎಫ್77 ಭಾರತದ ಮೊದಲ ಉನ್ನತ-ಕಾರ್ಯಕ್ಷಮತೆಯ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಆಗಿದೆ.

ಈ ಬೈಕಿನಲ್ಲಿ ಸ್ಮಾರ್ಟ್ ಮತ್ತು ಕನೆಕ್ಟಿವಿಟಿ ಎಲೆಕ್ಟ್ರಿಕ್ ಬೈಕ್ ಆಗಿದೆ. ರಿಮೋಟ್ ಡಯಾಗ್ನೋಸ್ಟಿಕ್ಸ್, ಓವರ್-ದಿ-ಏರ್ (OTA) ಅಪ್‌ಡೇಟ್‌ಗಳು, ಪುನರುತ್ಪಾದಕ ಬ್ರೇಕಿಂಗ್, ಮಲ್ಟಿಪಲ್ ರೈಡ್ ಮೋಡ್‌ಗಳು, ಬೈಕ್ ಟ್ರ್ಯಾಕಿಂಗ್, ರೈಡ್ ಡಯಾಗ್ನೋಸ್ಟಿಕ್ಸ್ ಮತ್ತು ಹಲವಾರು ಇತರ ವೈಶಿಷ್ಟ್ಯಗಳನ್ನು ಹೊಂದಿದೆ.

ಅಲ್ಟ್ರಾವೈಲೆಟ್ ಎಫ್77 ಬ್ಯಾಚ್ ಅನ್ನು 2022ರ ಮೊದಲಾರ್ಧದಲ್ಲಿ ಹೊರತರಲಾಗುವುದು ಮತ್ತು ಎಲ್ಲಾ ಸೂಚನೆಗಳ ಪ್ರಕಾರ, ಕಂಪನಿಯು ತನ್ನ ಮೊದಲ ಉತ್ಪಾದನಾ ಮಾದರಿಗಳು ಸಿದ್ಧವಾಗಿದೆ. ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಹಲವಾರು ರೀತಿಯಲ್ಲಿ ಟೆಸ್ಟ್ ಮಾಡಲಾಗುತ್ತಿದೆ, ಈ ಎಫ್77 ಬೈಕ್ ವಿವಿಧ ರೀತಿಯಲ್ಲಿ ಸೆರೆಹಿಡಿಯಲು ಮತ್ತು ಮೇಲ್ವಿಚಾರಣೆ ಮಾಡಲು ವಿಭಿನ್ನ ಸೆನ್ಸರ್ ಗಳನ್ನು ಬಳಸಲಾಗಿದೆ. ಪರಿಮಾಣಾತ್ಮಕ ಮೌಲ್ಯಮಾಪನದಿಂದ ಪ್ರಾರಂಭಿಸಿ, ಸಸ್ಪೆಂಕ್ಷನ್ ಟ್ರ್ಯಾವೆಲ್ ಮತ್ತು ನಡವಳಿಕೆಯನ್ನು ನಿರ್ಧರಿಸಲು ಎಲ್ವಿಡಿಟಿಗಳನ್ನು (ಲೀನಿಯರ್ ವೇರಿಯಬಲ್ ಡಿಫರೆನ್ಷಿಯಲ್ ಟ್ರಾನ್ಸ್‌ಫಾರ್ಮರ್) ಮುಂಭಾಗದ ಫೋರ್ಕ್ಸ್ ಮತ್ತು ಹಿಂಭಾಗದ ಶಾಕ್ ಅಬ್ಸಾರ್ಬರ್‌ಗಳಲ್ಲಿ ಅಳವಡಿಸಲಾಗಿದೆ

ಇದಲ್ಲದೆ, ರಸ್ತೆಯಲ್ಲಿ ಪ್ರಯಾಣಿಸುವಾಗ ಉಂಟಾಗುವ ಬಲವನ್ನು ಅಳೆಯಲು ವ್ಹೀಲ್ ಗಳು, ಸ್ವಿಂಗರ್ಮ್ ಮತ್ತು ಹ್ಯಾಂಡಲ್‌ಬಾರ್‌ ಗಳಲ್ಲಿ ಅಕ್ಸೇಲ್ ಮೀಟರ್ ಸ್ಥಾಪಿಸಲಾಗಿದೆ. ಸ್ಟ್ರೇನ್ ಗೇಜ್‌ಗಳನ್ನು ನಿರ್ಣಾಯಕ ಯುನಿಟ್ ಗಳ ಮೇಲೆ ನಿಮಿಷದ ವಿರೂಪಗಳನ್ನು ನಿರ್ಧರಿಸಲು ಬಳಸಲಾಗುತ್ತದೆ, ಇವುಗಳನ್ನು ಚಾಸಿಸ್‌ನಲ್ಲಿರುವ ಅನೇಕ ಪಾಯಿಂಟ್ ಗಳಲ್ಲಿ ಜೋಡಿಸಲಾಗಿದೆ. ಇವುಗಳ ಜೊತೆಗೆ, ವಿವಿಧ ಸನ್ನಿವೇಶಗಳಲ್ಲಿ ಬೈಕಿನ ಥರ್ಮಲ್ ಮ್ಯಾಪ್ ಅನ್ನು ಸೆರೆಹಿಡಿಯಲು ಹಲವಾರು ತಾಪಮಾನ ಸೆನ್ಸಾರ್ ಗಳನ್ನು ಕೂಡ ಬಳಸಲಾಗುತ್ತದೆ.

ಗುಣಾತ್ಮಕ ಮೌಲ್ಯಮಾಪನಗಳಿಗೆ ಬಂದರೆ, ಇವುಗಳಲ್ಲಿ ಸ್ಲಾಲೋಮ್, ಬ್ರೇಕಿಂಗ್, ಅಕ್ಸೆಲೇರೆಷನ್ ಮತ್ತು ಅನೇಕ ವೇವಿಂಗ್ ಒಳಗೊಂಡಿರುತ್ತದೆ, ಇದನ್ನು ವಾಹನದ ಆನ್-ರೋಡ್ ಕಾರ್ಯಕ್ಷಮತೆಯ ವಿವಿಧ ರೀತಿಯಲ್ಲಿ ಮೌಲ್ಯಮಾಪನ ಮಾಡಲು ಪ್ರತಿಯೊಂದು ವಾಹನ ತಯಾರಕರು ನಡೆಸುತ್ತಾರೆ. ಮೌಲ್ಯಮಾಪನ ಮಾಡಲಾದ ಇತರ ಗುಣಲಕ್ಷಣಗಳೆಂದರೆ ಸವಾರರಿಂದ ಪ್ರತಿಕ್ರಿಯೆ, ಟೈರ್‌ಗಳು ಲಾಕ್ ಮತ್ತು ಬ್ರೇಕ್ ಮಾಡುವಾಗ ಬೈಕ್ ಎಷ್ಟು ಡೈವ್ ಆಗುತ್ತದೆ ಮತ್ತು ಇತ್ಯಾದಿಗಳನ್ನು ಒಳಗೊಂಡಿವೆ.

ಇನ್ನು ಹೊಸ ಅಲ್ಟ್ರಾವೈಲೆಟ್ ಎಫ್77 ಬೈಕ್ ಟೆಸ್ಟ್ ನಲ್ಲಿ ಉತ್ತಮ ವಾಗಿ ಪರ್ಫಾಮೆನ್ಸ್ ಅನ್ನು ಮಾಡಿದೆ. ಈ ಅಲ್ಟ್ರಾವೈಲೆಟ್ ಎಫ್77 ಮಾದರಿಯು ಭಾರತದಲ್ಲಿ ಬಿಡುಗಡೆಯಾಗಲಿರುವ ಬಹುನಿರೀಕ್ಷಿತ ಎಲೆಕ್ಟ್ರಿಕ್ ಬೈಕ್ ಗಳಲ್ಲಿ ಒಂದಾಗಿದೆ.