ಬೆಲೆ ಕೇವಲ 50 ಸಾವಿರ, 100 ಕಿ.ಮೀ ರೇಂಜ್: 2 ಆಕರ್ಷಕ ಇವಿ ಸ್ಕೂಟರ್‌ಗಳ ಬಿಡುಗಡೆ

Published: Tuesday, November 21, 2023, 12:01 [IST]

ಭಾರತದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಕಂಪನಿಯಾದ ಇ-ಸ್ಪ್ರಿಂಟೊ (e-Sprinto), ತನ್ನ ಬಹುನಿರೀಕ್ಷಿತ Rapo ಮತ್ತು Roamy ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಇಂದು (21, 2023)ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಈ ಮೂಲಕ ಇ-ಸ್ಪ್ರಿಂಟೊ ಉತ್ಪನ್ನ ಶ್ರೇಣಿಯು ಈಗ ಒಟ್ಟು 18 ವೇರಿಯೆಂಟ್‌ಗಳನ್ನು ಒಳಗೊಂಡಿರುವ 6 ಮಾದರಿಗಳನ್ನು ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಹೊಸ ಸ್ಕೂಟರ್‌ಗಳ ಬೆಲೆಗಳ ವಿಷಯಕ್ಕೆ ಬಂದರೆ, ರೋಮಿ ರೂ. 54,999 ಮತ್ತು ರಾಪೋ ರೂ. 62,999 (ಎಕ್ಸ್‌ ಶೋರೂಂ) ಕೈಗೆಟುಕುವ ಆರಂಭಿಕ ಬೆಲೆಯಲ್ಲಿ ಲಭ್ಯವಿದೆ. ಕಾಲೇಜು ವಿದ್ಯಾರ್ಥಿಗಳು, ಕೆಲಸಗಾರರು ಮತ್ತು ನಗರ ಪ್ರಯಾಣಿಕರು ಸೇರಿದಂತೆ ವೈವಿಧ್ಯಮಯ ಗ್ರಾಹಕರಿಗೆ ಅನುಗುಣವಾಗಿ ಸ್ಕೂಟರ್‌ಗಳನ್ನು ನಿರ್ಮಿಸಲಾಗಿದೆ ಎಂದು ಇ-ಸ್ಪ್ರಿಂಟೋ ತಿಳಿಸಿದೆ.

e-sprinto-rapo-roamy-electric-scooters-launch

ಇ-ಸ್ಪ್ರಿಂಟೋ ರಾಪೋ ವಿಶೇಷತೆಗಳು: ಉದ್ದ 1840 ಎಂಎಂ, ಅಗಲ 720 ಎಂಎಂ, ಮತ್ತು ಎತ್ತರ 1150 ಎಂಎಂ ಹಾಗೂ 170 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ. ಲಿಥಿಯಂ/ಲೀಡ್ ಬ್ಯಾಟರಿ, ಪೋರ್ಟಬಲ್ ಆಟೋ ಕಟ್ಆಫ್ ಚಾರ್ಜರ್ ಅನ್ನು ಹೊಂದಿದ್ದು, IP65 ಜಲನಿರೋಧಕ ರೇಟಿಂಗ್‌ನೊಂದಿಗೆ 250 W BLDC ಹಬ್ ಮೋಟಾರ್‌ಗೆ ಪವರ್ ನೀಡುತ್ತದೆ.

Rapo 25 KMPH ನ ಗರಿಷ್ಠ ವೇಗವನ್ನು ಹೊಂದಿದ್ದು, ಪೂರ್ಣ ಚಾರ್ಜ್‌ನಲ್ಲಿ 100 ಕಿ.ಮೀ ಮೈಲೇಜ್ ನೀಡುತ್ತದೆ. ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಹೈಡ್ರಾಲಿಕ್ ಮತ್ತು ಹಿಂಭಾಗದಲ್ಲಿ ಕಾಯಿಲ್ ಸ್ಪ್ರಿಂಗ್ ಸಸ್ಪೆನ್ಶನ್ ಹೊಂದಿದೆ. ಮುಂಭಾಗದ ಡಿಸ್ಕ್ ಬ್ರೇಕ್ 12 ಇಂಚಿನ ರಿಮ್ ಮತ್ತು ಹಿಂಭಾಗದ ಡ್ರಮ್ ಬ್ರೇಕ್‌ಗಳು 10 ಇಂಚಿನ ಮೋಟಾರ್ ಸುರಕ್ಷತೆಯನ್ನು ಖಚಿತಪಡಿಸುತ್ತದೆ. ಇನ್ನು ಲೋಡಿಂಗ್ ಸಾಮರ್ಥ್ಯವು 150 ಕೆ.ಜಿ ಎಂದು ಕಂಪನಿ ಹೇಳಿದೆ.

ಇ-ಸ್ಪ್ರಿಂಟೋ ರೋಮಿ ವಿಶೇಷತೆಗಳು: ಉದ್ದ 1800 ಎಂಎಂ, ಅಗಲ 710 ಎಂಎಂ ಮತ್ತು ಎತ್ತರ 1120 ಎಂಎಂ ಹಾಗೂ 170 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಇದೆ. ಪೋರ್ಟಬಲ್ ಆಟೋ ಕಟ್ ಆಫ್ ಚಾರ್ಜರ್ ಜೊತೆಗೆ ಲಿಥಿಯಂ/ಲೀಡ್ ಬ್ಯಾಟರಿಯನ್ನು ಹೊಂದಿದೆ. 250 W BLDC ಹಬ್ ಮೋಟಾರ್, IP65 ಜಲನಿರೋಧಕ ರೇಟಿಂಗ್ ಅನ್ನು ಕೂಡ ಹೊಂದಿದೆ.

ರೋಮಿಯನ್ನು 25 KMPH ಗರಿಷ್ಟ ವೇಗ ಹೊಂದಿದ್ದು, ಪೂರ್ಣ ಚಾರ್ಜ್‌ನಲ್ಲಿ 100 ಕಿ.ಮೀ ಮೈಲೇಜ್ ನೀಡುತ್ತದೆ. ಇದರ ಜೊತೆಗೆ, Roamy ಸುಧಾರಿತ ಟೆಲಿಸ್ಕೋಪಿಕ್ ಹೈಡ್ರಾಲಿಕ್ ಫ್ರಂಟ್ ಸಸ್ಪೆನ್ಷನ್ ಮತ್ತು ಕಾಯಿಲ್ ಸ್ಪ್ರಿಂಗ್ ಮೂರು-ಹಂತದ ಹೊಂದಾಣಿಕೆಯ ಹಿಂಭಾಗದ ಸಸ್ಪೆನ್ಶನ್ ಅನ್ನು ಹೊಂದಿದ್ದು, ಫ್ರಂಟ್ ಡಿಸ್ಕ್ ಬ್ರೇಕ್‌ ಹೊಂದಿದೆ. 150 ಕೆ.ಜಿಯ ಲೋಡ್ ಸಾಮರ್ಥ್ಯದೊಂದಿಗೆ ಬರುತ್ತದೆ.

ವೈಶಿಷ್ಟ್ಯಗಳು: ರಿಮೋಟ್ ಲಾಕ್/ಅನ್‌ಲಾಕ್, ರಿಮೋಟ್ ಸ್ಟಾರ್ಟ್, ಎಂಜಿನ್ ಕಿಲ್ ಸ್ವಿಚ್/ಚೈಲ್ಡ್ ಲಾಕ್/ಪಾರ್ಕಿಂಗ್ ಮೋಡ್ ಮತ್ತು USB-ಆಧಾರಿತ ಮೊಬೈಲ್ ಚಾರ್ಜಿಂಗ್ ಸೇರಿದಂತೆ ಎರಡೂ ಮಾದರಿಗಳು ಆಧುನಿಕ ವೈಶಿಷ್ಟ್ಯಗಳನ್ನು ಹೊಂದಿವೆ. ಡಿಜಿಟಲ್ ಕಲರ್‌ಫುಲ್ ಡಿಸ್ಪ್ಲೆ ಬ್ಯಾಟರಿ ಸ್ಥಿತಿ, ಮೋಟಾರ್ ವೈಫಲ್ಯ, ಥ್ರೊಟಲ್ ವೈಫಲ್ಯ ಮತ್ತು ನಿಯಂತ್ರಕ ವೈಫಲ್ಯದ ಬಗ್ಗೆ ಸವಾರರಿಗೆ ತಿಳಿಸುತ್ತದೆ.

ಸ್ಕೂಟರ್‌ಗಳ ಬಣ್ಣಗಳ ವಿಷಯಕ್ಕೆ ಬಂದರೆ Rapo ಕೆಂಪು, ನೀಲಿ, ಬೂದು, ಕಪ್ಪು ಮತ್ತು ಬಿಳಿ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. Roamy ಕೆಂಪು, ನೀಲಿ, ಬೂದು, ಕಪ್ಪು ಮತ್ತು ಬಿಳಿ ಬಣ್ಣದ ಆಯ್ಕೆಗಳನ್ನು ನೀಡುತ್ತದೆ. ಜೊತೆಗೆ ಅಗ್ಗದ ಬೆಲೆಗೆ ಸಿಗುವುದರಿಂದ ಕಂಪನಿಯು ಗ್ರಾಹಕರಿಂದ ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿದೆ.

ಇ-ಸ್ಪ್ರಿಂಟೊದ ಸಹ-ಸಂಸ್ಥಾಪಕ ಮತ್ತು ನಿರ್ದೇಶಕ ಅತುಲ್ ಗುಪ್ತಾ ಮಾತನಾಡಿ, "ನಮ್ಮ ಇತ್ತೀಚಿನ ಎಲೆಕ್ಟ್ರಿಕ್ ಸ್ಕೂಟರ್‌ಗಳಾದ ರಾಪೋ ಮತ್ತು ರೋಮಿಯ ಸಾಕ್ಷಾತ್ಕಾರಕ್ಕೆ ಸಾಕ್ಷಿಯಾಗಲು ನಾನು ಅಪಾರವಾಗಿ ಹೆಮ್ಮೆಪಡುತ್ತೇನೆ. ಈ ಸಾಧನೆಯು ನಮ್ಮ ದೃಷ್ಟಿಯನ್ನು ವಾಸ್ತವಕ್ಕೆ ತಿರುಗಿಸಲು ಹಗಲಿರುಳು ಶ್ರಮಿಸಿದ ನಮ್ಮ ಅಸಾಧಾರಣ ತಂಡದ ದಣಿವರಿಯದ ಸಮರ್ಪಣೆಗೆ ಸಾಕ್ಷಿಯಾಗಿದೆ ಎಂದರು.

ಈ EV ಸ್ಕೂಟರ್‌ಗಳು ಸುರಕ್ಷತೆ ಮತ್ತು ದೃಢತೆ ಎರಡಕ್ಕೂ ಇತ್ತೀಚಿನ ತಂತ್ರಜ್ಞಾನವನ್ನು ಸಂಯೋಜಿಸುವ, ಶ್ರೇಷ್ಠತೆಗೆ ನಮ್ಮ ಬದ್ಧತೆಗೆ ಸಾಕ್ಷಿಯಾಗಿ ನಿಂತಿವೆ. ಮುಂದೆ ನಮ್ಮ ಭವಿಷ್ಯದ ಯೋಜನೆಗಳು ನಮ್ಮ ಇದುವರೆಗಿನ ಪ್ರಯಾಣದಂತೆಯೇ ಮಹತ್ವಾಕಾಂಕ್ಷೆಯದ್ದಾಗಿದೆ. ನವೀನ ಉತ್ಪನ್ನಗಳನ್ನು ಪರಿಚಯಿಸಲು ಮತ್ತು ನಮ್ಮ ಕೊಡುಗೆಗಳನ್ನು ಮತ್ತಷ್ಟು ವೈವಿಧ್ಯಗೊಳಿಸಲು ನಾವು ಸಕ್ರಿಯವಾಗಿ ಅನ್ವೇಷಿಸುತ್ತಿದ್ದೇವೆ ಎಂದರು.