ಹೋಂಡಾ ಆಕ್ಟೀವಾ 6Gಗೆ ಸೆಡ್ಡು ಹೊಡೆಯಲು ಮಾರುಕಟ್ಟೆಗಿಳಿದ ಹೀರೋ Xoom... ಏನಿದರ ವಿಶೇಷತೆ!

ವಿಶ್ವದ ಅತಿ ದೊಡ್ಡ ಆಟೋಮೋಟಿವ್ ಮಾರುಕಟ್ಟೆಗಳಲ್ಲಿ ಭಾರತವು ಒಂದು. ಪ್ರಮುಖವಾಗಿ ದ್ವಿಚಕ್ರವಾಹನಗಳು ದೇಶೀಯ ಮಾರುಕಟ್ಟೆಯಲ್ಲಿ ಪ್ರಮುಖ ಪಾತ್ರ ವಹಿಸುವುದರಿಂದ ಈ ವಿಭಾಗದಲ್ಲಿ ಕಂಪನಿಗಳು ಪರಸ್ಪರ ಉತ್ತಮ ಸ್ಕೂಟರ್‌ಗಳನ್ನು ಬಿಡುಗಡೆ ಮಾಡಲು ಸ್ಪರ್ಧಿಸುತ್ತವೆ. ಇದೀಗ Hero ತನ್ನ ಹೊಸ 110 cc ಸ್ಕೂಟರ್ ಅನ್ನು ಬಿಡುಗಡೆ ಮಾಡಿದೆ.

ಹೀರೋ ಬಿಡುಗಡೆ ಮಾಡಿರುವ Xoom ಸ್ಕೂಟರ್ ದೇಶದಲ್ಲಿ ಹೆಚ್ಚು ಮಾರಾಟವಾಗುವ ಆಕ್ಟಿವಾ 6Gಗೆ ಪ್ರತಿಸ್ಪರ್ಧಿಯಾಗಿ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ. ಹೀರೋ Xoom ತನ್ನ ಹೊಸ ವೈಶಿಷ್ಟ್ಯಗಳು ಮತ್ತು ಆಕರ್ಷಕ ವಿನ್ಯಾಸದೊಂದಿಗೆ ಆಕ್ಟಿವಾ 6Gಗೆ ಯಾವೆಲ್ಲ ವಿಷಯಗಳಲ್ಲಿ ಪ್ರತಿಸ್ಪರ್ಧಿಯಾಗಿದೆ ಎಂಬುದನ್ನು ಇಲ್ಲಿ ನೋಡೋಣ. ಹೀರೋ Xoom ಅನ್ನು LX, VX ಮತ್ತು ZX ಎಂಬ ಮೂರು ರೂಪಾಂತರಗಳಲ್ಲಿ ತರಲಾಗಿದೆ. ಇವು ಕ್ರಮವಾಗಿ ರೂ. 68,599, ರೂ. 71,799 ಮತ್ತು ರೂ. 76,699 (ಎಕ್ಸ್ ಶೋ ರೂಂ) ಬೆಲೆಯಲ್ಲಿವೆ.

Activa 6G ಅನ್ನು ಸ್ಟ್ಯಾಂಡರ್ಡ್, ಡಿಲಕ್ಸ್, ಪ್ರೀಮಿಯಂ ಮತ್ತು H-ಸ್ಮಾರ್ಟ್ ರೂಪಾಂತರಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ. Activa 6G ಬೆಲೆ ರೂ. 74,960 ರಿಂದ ಪ್ರಾರಂಭವಾಗಿ ರೂ. 82,138 (ಎಕ್ಸ್ ಶೋ ರೂಂ) ವರೆಗೆ ಇರುತ್ತದೆ. ಬೆಲೆ ನೋಡಿದರೆ ಆಕ್ಟಿವಾ 6G ಬೇಸ್ ಮಾಡೆಲ್‌ ಹೀರೋ ಜೂಮ್‌ಗಿಂತ 6,360 ರೂ. ದುಬಾರಿಯಾಗಿದೆ. ಅದೇ ಸಮಯದಲ್ಲಿ ಟಾಪ್ ಮಾಡೆಲ್‌ನಲ್ಲಿ ಸಹ ಇದು ಜೂಮ್‌ಗಿಂತ ಸುಮಾರು 5,500 ರೂ. ಹೆಚ್ಚಾಗಿದೆ. ಇಲ್ಲಿ ಬೆಲೆಗೆ ಸಂಬಂಧಿಸಿದಂತೆ Activa 6G ದುಬಾರಿಯಾಗಿದೆ.

ಹೀರೋ Xoom ಅತ್ಯಂತ ಸ್ಪೋರ್ಟಿ ಮತ್ತು ತಾಜಾ ವಿನ್ಯಾಸವನ್ನು ವಿಶೇಷವಾಗಿ ಯುವ ಗ್ರಾಹಕರನ್ನು ಆಕರ್ಷಿಸುತ್ತದೆ. ಇದರ ಮುಂಭಾಗದ ಏಪ್ರನ್ ಪೂರ್ಣ ಎಲ್ಇಡಿ ಹೆಡ್ಲೈಟ್, ಎಕ್ಸ್-ಆಕಾರದಲ್ಲಿ ಇಂಟಿಗ್ರೇಟೆಡ್ ಎಲ್ಇಡಿ ಡಿಆರ್ಎಲ್ ಮತ್ತು ಸ್ಕೂಟರ್ಗೆ ಸಂಪೂರ್ಣ ಸ್ಪೋರ್ಟಿ ನೋಟವನ್ನು ನೀಡುವ ಸಣ್ಣ ವಿಂಡ್ಸ್ಕ್ರೀನ್ ಅನ್ನು ಪಡೆಯುತ್ತದೆ. ಇದು 5-ಸ್ಪೋಕ್ ಅಲಾಯ್ ವೀಲ್‌ಗಳು ಮತ್ತು ಅಗಲವಾದ ಟೈರ್‌ಗಳನ್ನು ಪಡೆಯುತ್ತದೆ, ಈ ಮೂಲಕ ಸ್ಪೋರ್ಟಿ ಲುಕ್‌ ಅನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಹಾಗೆಯೇ ಆಕ್ಟಿವಾ 6G ವಿನ್ಯಾಸವನ್ನು ಹೊಳಪಿನಿಂದ ದೂರವಿಡಲಾಗಿದೆ. ಇದು ಎಲ್ಇಡಿ ಹೆಡ್ಲೈಟ್ ಮತ್ತು ಇಂಟಿಗ್ರೇಟೆಡ್ ಡಿಆರ್ಎಲ್ನೊಂದಿಗೆ ಸರಳವಾಗಿ ಕಾಣುವ ನೋಟವನ್ನು ಪಡೆದಿದೆ. ಆಕ್ಟಿವಾ 6G ಯ ಪ್ರಮಾಣಿತ ರೂಪಾಂತರದಲ್ಲಿ ಅಲಾಯ್ ವೀಲ್‌ಗಳು ಲಭ್ಯವಿಲ್ಲ.

Xoom vs ಆಕ್ಟಿವಾ 6G: ವೈಶಿಷ್ಟ್ಯ, ವಿಶೇಷತೆಗಳು
Hero MotoCorp ಹಲವಾರು ವಿಭಾಗದ ಮೊದಲ ವೈಶಿಷ್ಟ್ಯಗಳೊಂದಿಗೆ Xoom ಸ್ಕೂಟರ್ ಅನ್ನು ಪರಿಚಯಿಸಿದೆ. ಅದರ ಕೆಲವು ವಿಶೇಷ ವೈಶಿಷ್ಟ್ಯಗಳ ಬಗ್ಗೆ ಮಾತನಾಡುವುದಾದರೆ, ಇದು ಟ್ರೆಪೆಜಾಯ್ಡಲ್ ಟರ್ನ್ ಇಂಡಿಕೇಟರ್‌ಗಳು, ಸ್ಪೋರ್ಟಿ ಮಿರರ್‌ಗಳು, ಕಾರ್ನರ್ ಲೈಟ್‌ಗಳು, ದೊಡ್ಡ ಫ್ಲೋರ್‌ಬೋರ್ಡ್, ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಬ್ಲೂಟೂತ್ ಕನೆಕ್ಟಿವಿಟಿ, ಹೀರೋ ಲೊಕೇಟ್, ನ್ಯಾವಿಗೇಷನ್ ಮತ್ತು ಇನ್ನೂ ಅನೇಕ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಉನ್ನತ ರೂಪಾಂತರದಲ್ಲಿ, Xoom ಕಾಂಬಿ ಬ್ರೇಕ್ ಕಾರ್ಯದೊಂದಿಗೆ ಒಂದೇ ಡಿಸ್ಕ್ ಬ್ರೇಕ್ ಅನ್ನು ಪಡೆಯುತ್ತದೆ. ವೈಶಿಷ್ಟ್ಯಗಳ ವಿಷಯದಲ್ಲಿ, Activa 6G ಹೀರೋ Xoomಗಿಂತ ಬಹಳ ಹಿಂದಿದೆ. ಸಂಪೂರ್ಣ ಡಿಜಿಟಲ್ ಡಿಸ್ಪ್ಲೇ ಹೊಂದಿರುವ ಆಕ್ಟಿವಾ 6G ಯ ಯಾವುದೇ ರೂಪಾಂತರವನ್ನು ಕಂಪನಿಯು ನೀಡುವುದಿಲ್ಲ. ಇದನ್ನು ಹೊರತುಪಡಿಸಿ, 6G ಯ ಯಾವುದೇ ರೂಪಾಂತರದಲ್ಲಿ ಬ್ಲೂಟೂತ್ ಸಂಪರ್ಕದಂತಹ ಯಾವುದೇ ವೈಶಿಷ್ಟ್ಯವಿಲ್ಲ. ಆಕ್ಟಿವಾ 6G ಯ ಉನ್ನತ ರೂಪಾಂತರವು ಡಿಸ್ಕ್ ಬ್ರೇಕ್ ಮತ್ತು ಅಲಾಯ್ ವೀಲ್‌ಗಳನ್ನು ಪಡೆಯುತ್ತದೆ.

Xoom vs ಆಕ್ಟಿವಾ 6G: ಎಂಜಿನ್ ಮತ್ತು ಪವರ್
ಹೀರೋ Xoomನ 110.9 ಸಿಸಿ ಎಂಜಿನ್ 8.1 ಬಿಎಚ್‌ಪಿ ಮತ್ತು ಗರಿಷ್ಠ ಟಾರ್ಕ್ 8.70 ಎನ್‌ಎಂ ಉತ್ಪಾದಿಸುತ್ತದೆ. ಆಕ್ಟಿವಾ 6G ಯಲ್ಲಿ, ಕಂಪನಿಯು 109.51 cc ಎಂಜಿನ್ ಅನ್ನು ಬಳಸುತ್ತಿದೆ, ಇದು 7.79 bhp ಗರಿಷ್ಠ ಶಕ್ತಿಯನ್ನು ಮತ್ತು 8.84 Nm ನ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಪವರ್ ಅಂಕಿಅಂಶಗಳನ್ನು ನೋಡಿದರೆ, ಹೀರೋ Xoom ಆಕ್ಟಿವಾ 6G ಗಿಂತ ಸ್ವಲ್ಪ ಹೆಚ್ಚು ಶಕ್ತಿಶಾಲಿಯಾಗಿದೆ. ಆದರೆ ಪಿಕಪ್ ವಿಷಯದಲ್ಲಿ ಆಕ್ಟಿವಾ 6G ಸ್ವಲ್ಪ ಉತ್ತಮವಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.