New Aerox 155 ಸ್ಕೂಟರನ್ನು ಟ್ರಾಕ್ಷನ್ ಕಂಟ್ರೋಲ್‌ನೊಂದಿಗೆ ಬಿಡುಗಡೆ ಮಾಡಿದ ಯಮಹಾ

ಇಂಡಿಯಾ ಯಮಹಾ ಮೋಟಾರ್ (IYM) ಪ್ರೈ. ಲಿಮಿಟೆಡ್ ತನ್ನ ಕಾಲ್ ಆಫ್ ದಿ ಬ್ಲೂ ಬ್ರ್ಯಾಂಡ್ ಅಭಿಯಾನದ ಅಡಿಯಲ್ಲಿ ಇಂದು AEROX 155 ಅನ್ನು ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್ (TCS) ಜೊತೆಗೆ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಈ ಮೂಲಕ ಭಾರತದಲ್ಲಿ ಮ್ಯಾಕ್ಸಿ-ಸ್ಪೋರ್ಟ್ಸ್ ಸ್ಕೂಟರ್ ವಿಭಾಗದಲ್ಲಿ TCS ಒಳಗೊಂಡಿರುವ ಕಂಪನಿಯ ಮೊದಲ ಸ್ಕೂಟರ್ ಇದಾಗಿದೆ.

ಕಂಪನಿಯು ಇದರ ಜೊತೆಗೆ ತನ್ನ ಪ್ರೀಮಿಯಂ ಶ್ರೇಣಿಯ ದ್ವಿಚಕ್ರ ವಾಹನಗಳ 2023 ರೂಪಾಂತರಗಳನ್ನು ಸಹ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಇದರಲ್ಲಿ MT-15 V2, R15 V4 ಮತ್ತು R15S ಮಾದರಿಗಳು ಕೂಡ ಇದ್ದು, ಇವುಗಳನ್ನು ಕ್ಲಾಸ್ ಲೀಡಿಂಗ್ ವೈಶಿಷ್ಟ್ಯಗಳು ಮತ್ತು ಹೊಚ್ಚಹೊಸ ಬಣ್ಣದ ಯೋಜನೆಗಳೊಂದಿಗೆ ತರುವುದಾಗಿ ಹೇಳಿದೆ. ಇವೆಲ್ಲವು ಆಯಾ ವಿಭಾಗಗಳಲ್ಲಿ ಹೊಸ ವೈಶಿಷ್ಟಗಳೊಂದಿಗೆ ಮಾರುಕಟ್ಟೆಯಲ್ಲಿ ಪ್ರತಿಸ್ಪರ್ಧಿಗಳಿಗೆ ತೀರ್ವ ಪೈಪೋಟಿ ನೀಡಲು ಸಜ್ಜಾಗುತ್ತಿವೆ.

ಯಮಹಾ New AEROX 155 ರ 2023 ಆವೃತ್ತಿಯು ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್ (TCS) ನೊಂದಿಗೆ ಸುಸಜ್ಜಿತವಾಗಿದ್ದು, ಯಾವುದೇ ಸವಾರಿ ಸ್ಥಿತಿಯಲ್ಲಿ ವೀಲ್‌ಸ್ಪಿನ್ ಮತ್ತು ಉತ್ತಮ ನಿಯಂತ್ರಣವನ್ನು ಕಡಿಮೆ ಮಾಡುವ ಮೂಲಕ ಕಾರ್ಯಕ್ಷಮತೆಯನ್ನು ಮತ್ತಷ್ಟು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದರೊಂದಿಗೆ, AEROX 155 ನ ಇತ್ತೀಚಿನ ಆವೃತ್ತಿಯು E20 ಇಂಧನ ಕಂಪ್ಲೈಂಟ್ ಆಗಿದೆ. ಆನ್-ಬೋರ್ಡ್ ಡಯಾಗ್ನೋಸ್ಟಿಕ್ಸ್ (OBD-II) ಸಿಸ್ಟಮ್ ಅನ್ನು ಸಹ ಹೊಂದಿದೆ ಎಂದು ಕಂಪನಿ ತಿಳಿಸಿದೆ.

ಇದು ಹೊಸ ತಲೆಮಾರಿನ 155cc ಬ್ಲೂ ಕೋರ್ ಎಂಜಿನ್‌ನಿಂದ ವೇರಿಯೇಬಲ್ ವಾಲ್ವ್ ಆಕ್ಚುಯೇಶನ್ (VVA) ಅನ್ನು ಹೊಂದಿದೆ. CVT ಟ್ರಾನ್ಸ್‌ಮಿಷನ್‌ಗೆ ಸಂಯೋಜಿತವಾಗಿದ್ದು, ಲಿಕ್ವಿಡ್-ಕೂಲ್ಡ್, 4-ಸ್ಟ್ರೋಕ್, SOHC, 4-ವಾಲ್ವ್ ಮೋಟಾರ್ 8,000rpm ನಲ್ಲಿ 15 PS ನ ಗರಿಷ್ಠ ಪವರ್ ಉತ್ಪಾದಿಸುತ್ತದೆ. ಹಾಗೆಯೇ 6,500rpm ನಲ್ಲಿ 13.9 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಹೆಚ್ಚುವರಿಯಾಗಿ, Aerox 155 ಈಗ ಹಜಾರ್ಡ್ ವ್ಯವಸ್ಥೆಯನ್ನು ಪ್ರಮಾಣಿತ ವೈಶಿಷ್ಟ್ಯವಾಗಿ ಮತ್ತು ಹೊಚ್ಚಹೊಸ ಬೆಳ್ಳಿಯ ಬಣ್ಣವನ್ನು ಪಡೆಯುತ್ತದೆ.

MT-15 V2 ಗ್ರಾಹಕರಿಗೆ ಹೆಚ್ಚಿನ ಆಯ್ಕೆ:
MT-15 V2 ಗ್ರಾಹಕರಿಗೆ ಹೆಚ್ಚಿನ ಆಯ್ಕೆಗಳನ್ನು ಒದಗಿಸುವ ಸಲುವಾಗಿ, ಕಂಪನಿಯು ಹೊಸ 2023 ರೂಪಾಂತರವನ್ನು ಡಾರ್ಕ್ ಮ್ಯಾಟ್ ಬ್ಲೂ ಮತ್ತು ಮೆಟಾಲಿಕ್ ಬ್ಲಾಕ್ ಎಂಬ ಎರಡು ಅತ್ಯಾಕರ್ಷಕ ಬಣ್ಣಗಳಲ್ಲಿ ಪರಿಚಯಿಸಿದೆ. ಈ ರೂಪಾಂತರದ ಬಿಡುಗಡೆಯೊಂದಿಗೆ, ಗ್ರಾಹಕರು ಬ್ಲೂಟೂತ್ (Y ಕನೆಕ್ಟ್) ಸುಸಜ್ಜಿತ ರೂಪಾಂತರ ಮತ್ತು ಸುಸಜ್ಜಿತವಲ್ಲದ (Y ಕನೆಕ್ಟ್) ರೂಪಾಂತರದಿಂದ ಆಯ್ಕೆ ಮಾಡುವ ಆಪ್ಷನ್ ಹೊಂದಬಹುದು.

ಈ ರೂಪಾಂತರವು ಹೆಚ್ಚುವರಿ ಸುರಕ್ಷತೆಗಾಗಿ ಡ್ಯುಯಲ್ ಚಾನೆಲ್ ಎಬಿಎಸ್, ಗರಿಷ್ಠ ಕಾರ್ಯಕ್ಷಮತೆಯನ್ನು ಖಾತರಿಪಡಿಸುವ TCS ಮತ್ತು ಪ್ರಮುಖ ಡೇಟಾಗೆ ತ್ವರಿತ ಪ್ರವೇಶಕ್ಕಾಗಿ OBD2 ನಂತಹ ವೈಶಿಷ್ಟ್ಯಗಳನ್ನು ಉಳಿಸಿಕೊಳ್ಳುತ್ತದೆ. 2023 ಕ್ಕೆ R15 V4 ಮತ್ತು R15S ಎರಡೂ ರೂಪಾಂತರಗಳು ಈಗ ಕೆಲವು ಹೆಚ್ಚು ಅಪೇಕ್ಷಿತ ನವೀಕರಣಗಳೊಂದಿಗೆ ಬರಲಿವೆ. R15 V4 ಈಗ ಅಸ್ತಿತ್ವದಲ್ಲಿರುವ ರೇಸಿಂಗ್ ಬ್ಲೂ ಬಣ್ಣದೊಂದಿಗೆ ಹೊಸ ಇಂಟೆನ್ಸಿಟಿ ವೈಟ್ ಬಣ್ಣದಲ್ಲಿ ಕ್ವಿಕ್ ಶಿಫ್ಟರ್ ಅನ್ನು ಹೊಂದಿರಲಿದೆ.

R15 V4, R15S ಮತ್ತು MT-15 V2 ಗಳು ಯಮಹಾದ ಕಾರ್ಯಕ್ಷಮತೆ-ಆಧಾರಿತ ಲಿಕ್ವಿಡ್-ಕೂಲ್ಡ್, 4-ಸ್ಟ್ರೋಕ್, SOHC, 4-ವಾಲ್ವ್, 155cc, OBD2 ಕಂಪ್ಲೈಂಟ್ ಫ್ಯುಯೆಲ್-ಇಂಜೆಕ್ಟೆಡ್ ಎಂಜಿನ್‌ನೊಂದಿಗೆ ವೇರಿಯಬಲ್ ವಾಲ್ವ್ ಆಕ್ಚುಯೇಶನ್ (VVA) ಸಿಸ್ಟಮ್‌ ಒಳಗೊಂಡಿವೆ. ಹಗುರವಾದ ಮತ್ತು ಹೆಚ್ಚು ನಿಖರವಾದ ಗೇರ್ ಆಕ್ಚುಯೇಶನ್‌ಗಾಗಿ ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್‌ನೊಂದಿಗೆ ಸ್ಲಿಕ್ ಶಿಫ್ಟಿಂಗ್ 6-ಸ್ಪೀಡ್ ಗೇರ್‌ಬಾಕ್ಸ್ 10,000rpm ನಲ್ಲಿ 18.4PS ಗರಿಷ್ಠ ಶಕ್ತಿಯನ್ನು ಉತ್ಪಾದಿಸುತ್ತದೆ. 7,500rpm ನಲ್ಲಿ 14.2Nm ಗರಿಷ್ಠ ಟಾರ್ಕ್ ಅನ್ನು ಹೊರಹಾಕುತ್ತವೆ.

ಯಮಹಾ AEROX 155 ಭಾರತೀಯ ಸ್ಕೂಟರ್ ಮಾರುಕಟ್ಟೆಯಲ್ಲಿ ದ್ವಿಚಕ್ರ ವಾಹನ ಉತ್ಸಾಹಿಗಳನ್ನು ತನ್ನ ಶೈಲಿ, ವರ್ಗ-ಪ್ರಮುಖ ಕಾರ್ಯಕ್ಷಮತೆ ಮತ್ತು ಸಾಟಿಯಿಲ್ಲದ ವೈಶಿಷ್ಟ್ಯಗಳೊಂದಿಗೆ ಪ್ರಭಾವಿಸಿದೆ. ಈಗ ಹೊಸ 2023 AEROX 155 ಇದನ್ನು ಹೊಸ ಮತ್ತು ಉತ್ತೇಜಕ ವೈಶಿಷ್ಟ್ಯಗಳೊಂದಿಗೆ ಮುಂದಿನ ಹಂತಕ್ಕೆ ಕೊಂಡೊಯ್ಯುತ್ತದೆ, ಖಂಡಿತವಾಗಿಯೂ ನಿಮ್ಮ ಪ್ರತಿ ಸವಾರಿಯನ್ನು ಹೆಚ್ಚು ರೋಮಾಂಚನಗೊಳಿಸುತ್ತದೆ. ಈ ವೈಶಿಷ್ಟ್ಯಗಳು ಮತ್ತು ಹೊಸ ತಂತ್ರಜ್ಞಾನವನ್ನು ಶ್ಲಾಘಿಸುತ್ತೀರಿ ಎಂದು ಯಮಹಾ ಮೋಟಾರ್ ಇಂಡಿಯಾ ಅಧ್ಯಕ್ಷ ಐಶಿನ್ ಚಿಹಾನಾ ವಿಶ್ವಾಸ ವ್ಯಕ್ತಪಡಿಸಿದರು.