525 ಕಿ.ಮೀ ರೇಂಜ್‌ನೊಂದಿಗೆ ಅತ್ಯಂತ ಕೈಗೆಟುಕುವ ಬೆಲೆಗೆ ಬಿಡುಗಡೆಯಾದ Ozotec Bheem

ಎಲೆಕ್ಟ್ರಿಕ್ ವಾಹನ ತಯಾರಕ ಕಂಪನಿಯಾದ ಓಝೋಟೆಕ್ ತಮ್ಮ ಹೊಸ ವಾಹನ "ಭೀಮ್" ಅನ್ನು ಬಿಡುಗಡೆ ಮಾಡಿದೆ. ಅತ್ಯತ್ತಮ ರೇಂಜ್ ಹಾಗೂ ಪವರ್‌ಫುಲ್‌ ಬ್ಯಾಟರಿಯೊಂದಿಗೆ ಎಲ್ಲಾ ರೀತಿಯ ಹವಾಮಾನ ಪರಿಸ್ಥಿತಿಗಳಲ್ಲೂ ಹೊಂದಿಕೊಳ್ಳುವಂತೆ ಭೀಮ್ ಅನ್ನು ವಿನ್ಯಾಸಗೊಳಿಸಿರುವುದಾಗಿ ಕಂಪನಿ ಹೇಳಿಕೊಂಡಿದೆ.

ಇತ್ತೀಚಿನ ಫೇಮ್ - 2 ತಿದ್ದುಪಡಿಗಳಿಗೆ ಅನುಗುಣವಾಗಿ ಭೀಮ್ ಬೆಲೆಯನ್ನು ಲೆಕ್ಕಹಾಕಲಾಗಿದೆ. ಭೀಮ್ ಆರು ರೂಪಾಂತರಗಳಲ್ಲಿ ಲಭ್ಯವಿದ್ದು, ಎಕ್ಸ್ ಶೋ ರೂಂ ಬೆಲೆಗಳು ರೂ. 65,990 ರಿಂದ ಆರಂಭವಾಗಿ ನೀವು ಖರೀದಿಸಲು ಆಯ್ಕೆಮಾಡುವ ರೂಪಾಂತರವನ್ನು ಅವಲಂಬಿಸಿ 1,99,990 ವರೆಗೆ ಹೋಗುತ್ತದೆ. ಹಾಗೆಯೇ ಈ ಭೀಮ್ ಮೇಲೆ 7 ವರ್ಷಗಳವರೆಗೆ ವಾರಂಟಿ ಇರುತ್ತದೆ ಎಂದು ಕಂಪನಿ ತಿಳಿಸಿದೆ.

Ozotec Bheem ವೈಶಿಷ್ಟ್ಯಗಳನ್ನು ನೋಡುವುದಾದರೆ ಬ್ಲೂಟೂತ್ ಸಂಪರ್ಕ ಮತ್ತು ಮೊಬೈಲ್ ಅಪ್ಲಿಕೇಶನ್‌ನೊಂದಿಗೆ ಸಜ್ಜುಗೊಂಡಿದೆ. ಡ್ಯಾಶ್‌ಬೋರ್ಡ್‌ನಲ್ಲಿ ಜಿಪಿಎಸ್ ವೇಗ, ಟ್ರಿಪ್ ಮೀಟರ್, ಜಿಪಿಎಸ್ ನ್ಯಾವಿಗೇಷನ್, ಡಾಕ್ಯುಮೆಂಟ್, ಟ್ರಿಪ್ ಹಿಸ್ಟರಿ ಮತ್ತು ಇಂದಿನ ಮಾರುಕಟ್ಟೆಯಿಂದ ಬೇಡಿಕೆಯಿರುವ ಇತರ ಸುಧಾರಿತ ವೈಶಿಷ್ಟ್ಯಗಳಂತಹ ಪ್ರಮುಖ ಮಾಹಿತಿಯನ್ನು ಪ್ರದರ್ಶಿಸುತ್ತದೆ. ಗ್ರಾಹಕರಿಗೆ ಅತ್ಯುತ್ತಮ ಸ್ಮಾರ್ಟ್ ಪ್ರಯಾಣದ ಅನುಭವ ನೀಡುವುದಾಗಿ ತಿಳಿಸಿದೆ.

ಇದರ ಬ್ಯಾಟರಿ ಬಗ್ಗೆ ಹೇಳುವುದಾದರೆ, 10 kWh ವರೆಗಿನ ಬ್ಯಾಟರಿ ಸಾಮರ್ಥ್ಯ ಮತ್ತು ಪ್ರತಿ ಚಾರ್ಜ್‌ಗೆ 525 km ವರೆಗಿನ ಪ್ರಭಾವಶಾಲಿ ವ್ಯಾಪ್ತಿ ನೀಡುತ್ತದೆ. ಈ ಮೂಲಕ ಭೀಮ್ ಪ್ರಸ್ತುತ ಲಭ್ಯವಿರುವ ಎಲ್ಲಾ ದ್ವಿಚಕ್ರ ವಾಹನಗಳಲ್ಲಿ ಅತಿ ದೊಡ್ಡ ರೇಂಜ್‌ನೊಂದಿಗೆ ಬರುತ್ತದೆ. ವಾಹನವನ್ನು ಪ್ರಸ್ತುತ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ ಮಿತಿಗಳನ್ನು ಪರಿಹರಿಸಲು ನಿಖರವಾಗಿ ವಿನ್ಯಾಸಗೊಳಿಸಲಾಗಿದೆ.

ಇದರ ಟ್ರೆಲ್ಲಿಸ್ ಟ್ಯೂಬ್ಯುಲರ್ ಫ್ರೇಮ್ ರಚನೆಯು ವಾಹನದ ಬಾಳಿಕೆಯನ್ನು ಹೆಚ್ಚಿಸುತ್ತದೆ. ಯಾವುದೇ ಭೂಪ್ರದೇಶದಲ್ಲೂ ಸುಲಭವಾಗಿ ಸಂಚರಿಸಲು ಅನುವು ಮಾಡಿಕೊಡುತ್ತದೆ. ಹೆಚ್ಚುವರಿಯಾಗಿ, IP67-ರೇಟೆಡ್, ಆಂತರಿಕವಾಗಿ ತಯಾರಿಸಿದ 3 kW ಮೋಟಾರ್ ವಿವಿಧ ಭೂಪ್ರದೇಶಗಳನ್ನು ನಿರ್ವಹಿಸಲು ಸಾಕಷ್ಟು ಟಾರ್ಕ್ ಅನ್ನು ಒದಗಿಸುತ್ತದೆ. ಹೆಚ್ಚಿನ ಟಾರ್ಕ್ ಇರುವುದರಿಂದ ಸಾಕಷ್ಟು ಲಗ್ಗೇಜ್ ಕೂಡ ಸುನಾಯಾಸವಾಗಿ ಸಾಗಿಸಬಹುದು.

IP67-ರೇಟೆಡ್ ಬ್ಯಾಟರಿ ಪ್ಯಾಕ್, ಆಲ್ ಅಲ್ಯೂಮಿನಿಯಂ ಪ್ರೆಶರ್ ಡೈ ಕ್ಯಾಸ್ಟ್ (PDC) ದೇಹವನ್ನು ಒಳಗೊಂಡಿದ್ದು, ಸ್ಮಾರ್ಟ್ ಬ್ಯಾಟರಿ ಮ್ಯಾನೇಜ್‌ ಮೆಂಟ್ ಸಿಸ್ಟಮ್ (BMS) ಮತ್ತು ಸುಧಾರಿತ ವೈರ್ ವೆಲ್ಡಿಂಗ್ ತಂತ್ರಗಳನ್ನು ಒಳಗೊಂಡಿದೆ. ಇದು ಮಾರುಕಟ್ಟೆಯಲ್ಲಿ ಹೆಚ್ಚಿನ ಮಟ್ಟದ ಸುರಕ್ಷತೆಯನ್ನು ಕೂಡ ಖಾತ್ರಿಗೊಳಿಸುತ್ತದೆ ಎಂದು ಕಂಪನಿ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

"ನಾವು ಕೈಗಾರಿಕಾ ನಿಯಂತ್ರಣ ಮತ್ತು ಮೋಟಾರ್‌ಗಳನ್ನು ವಿನ್ಯಾಸಗೊಳಿಸುವಲ್ಲಿ 20 ವರ್ಷಗಳ ಅನುಭವದೊಂದಿಗೆ ಉತ್ಪಾದನೆಯಲ್ಲಿ ವ್ಯಾಪಕ ಜ್ಞಾನವನ್ನು ಹೊಂದಿದ್ದೇವೆ. ಈ ಪರಿಣತಿಯನ್ನು ಬಳಸಿಕೊಂಡು, ನಾವು ನಮ್ಮ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ಫ್ಲಿಯೊವನ್ನು ಎರಡು ವರ್ಷಗಳ ಹಿಂದೆ ತಮಿಳುನಾಡಿನ ಐದು ಜಿಲ್ಲೆಗಳಲ್ಲಿ ಬಿಡುಗಡೆ ಮಾಡಿದ್ದೇವೆ. ಈ ಸ್ಕೂಟರ್ 6000 ಕ್ಕೂ ಹೆಚ್ಚು ಗ್ರಾಹಕರನ್ನು ಸಂತೋಷಪಡಿಸಿದೆ.

ಈಗ ತಾಂತ್ರಿಕ ವೈಶಿಷ್ಟ್ಯಗಳ ಮೇಲೆ ಹೆಚ್ಚು ಗಮನಹರಿಸಿದಾಗ, ನಾವು ಪ್ರಮುಖ ಘಟಕಗಳಾದ ಬ್ಯಾಟರಿ, ಮೋಟಾರ್ ಮತ್ತು ಚಾಸಿಸ್‌ಗಳಿಗೆ ಆದ್ಯತೆ ನೀಡುವ ಮಹತ್ವವನ್ನು ಅರಿತುಕೊಂಡಿದ್ದೇವೆ. ಈ ಅಗತ್ಯವನ್ನು ಪೂರೈಸಲು, ಎಲ್ಲಾ ಪ್ರಮುಖ ಘಟಕಗಳನ್ನು ಆಂತರಿಕವಾಗಿ ವಿನ್ಯಾಸಗೊಳಿಸಲು ಮತ್ತು ತಯಾರಿಸುವ ಭಾರತದ ಏಕೈಕ ಕಂಪನಿಯಾಗಿ ನಾವು ಹೆಮ್ಮೆಪಡುತ್ತೇವೆ ಎಂದು Ozotec ನ ಸ್ಥಾಪಕ ಮತ್ತು CEO ಬರತನ್ ಹೇಳಿದರು.