Royal Enfield Electric: ಲೇಟ್ ಆದ್ರೂ ಸರಿಯಾಗೇ ಇಳಿಸ್ತೀವಿ ನೋಡಿ: ಎಂಡಿ ಸಿದ್ಧಾರ್ಥ ಲಾಲ್

ವಾಹನ ಜಗತ್ತಿನ ಭವಿಷ್ಯವು ಬಹುತೇಕ ಎಲೆಕ್ಟ್ರಿಕ್ ವಾಹನಗಳಿಂದ ಕೂಡಿರಲಿದೆ ಎಂಬುದನ್ನು ಎಲ್ಲಾ ವಾಹನ ತಯಾರಕರು ಮನಗಂಡಿದ್ದಾರೆ. ಈಗಾಗಲೇ ಜನಪ್ರಿಯ ಬ್ರಾಂಡ್‌ಗಳು ಒಂದೊಂದಾಗಿ ಎಲೆಕ್ಟ್ರಿಕ್ ವಾಹನಗಳನ್ನು ಪರಿಚಯಿಸುತ್ತಿದ್ದಾರೆ. ರಾಯಲ್ ಎನ್‌ಫೀಲ್ಡ್ ಕೂಡ ಮುಂಬರುವ ವರ್ಷಗಳಲ್ಲಿ ತಮ್ಮ ಮೊದಲ ಇವಿ ಬೈಕ್ ಅನ್ನು ಪರಿಚಯಿಸುವುದು ಖಚಿತವಾಗಿದೆ.

ಈ ಕುರಿತು ರಾಯಲ್ ಎನ್‌ಫೀಲ್ಡ್ ಎಂಡಿ ಸಿದ್ಧಾರ್ಥ ಲಾಲ್ ಕೆಲ ವಿವರಗಳನ್ನು ಹಂಚಿಕೊಂಡಿದ್ದಾರೆ. ರಾಯಲ್ ಎನ್‌ಫೀಲ್ಡ್‌ನ ಚೊಚ್ಚಲ ಎಲೆಕ್ಟ್ರಿಕ್ (royal enfield electric) ಮೋಟಾರ್‌ಸೈಕಲ್ ಪ್ರಸ್ತುತ ಅಭಿವೃದ್ಧಿ ಹಂತದಲ್ಲಿದೆ. 2026 ರ ವೇಳೆಗೆ ನಾವು ಮುಂಬರುವ ಕೊಡುಗೆಯನ್ನು ತರುವ ಪ್ರಯತ್ನಗಳು ನಡೆಯುತ್ತಿವೆ. ಬ್ರ್ಯಾಂಡ್‌ನ ಮೊದಲ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಪ್ರಸ್ತುತ ಬ್ಯಾಕೆಂಡ್ ಸಿಸ್ಟಮ್‌ನೊಂದಿಗೆ ಅಭಿವೃದ್ಧಿ ಹಂತದಲ್ಲಿದೆ ಎಂದಿದ್ದಾರೆ.

ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಬಿಡುಗಡೆಯ ವರ್ಷದ ಕುರಿತು ಮಾತನಾಡಿ, "ಉತ್ಪನ್ನವು ಮಾರುಕಟ್ಟೆಗೆ ಬರಲು ಸುಮಾರು ಎರಡು ವರ್ಷಗಳಾಗಬಹುದು. ನಾವು ಹೊಸ ಇವಿ ಬೈಕ್ ತಯಾರಿಗಾಗಿ ತುಂಬಾ ಶ್ರಮಿಸುತ್ತಿದ್ದೇವೆ. ನಮ್ಮ ಮೂಲಮಾದರಿಗಳನ್ನು ಸವಾರಿ ಮಾಡುತ್ತಿದ್ದೇವೆ. ನಮಗೆ ಇನ್ನೂ ಸಮಯವಿದೆ, ಅರ್ಧ ಬೇಯಿಸಿದ ವಸ್ತುಗಳನ್ನು ಮಾರುಕಟ್ಟೆಗೆ ನೀಡಲು ನಾವು ಬಯಸುವುದಿಲ್ಲ ಎಂದರು.

ಮುಂಬರುವ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಅಭಿವೃದ್ಧಿಯ ಕುರಿತು ರಾಯಲ್ ಎನ್‌ಫೀಲ್ಡ್ ಸಿಇಒ ಬಿ ಗೋವಿಂದರಾಜನ್ ಮಾತನಾಡಿ, ಸದ್ಯಕ್ಕೆ ನಮ್ಮ ಗಮನವು ನಾವು ಹೊಂದಿರಬೇಕಾದ ಸಾಮರ್ಥ್ಯವನ್ನು ನಿರ್ಮಿಸುವುದಾಗಿದೆ. ನಾವು ಸುಮಾರು 100 ಜನರನ್ನು EV ಜಾಗಕ್ಕೆ ಮೀಸಲಿಟ್ಟಿದ್ದೇವೆ. ನಮ್ಮ ಉತ್ಪನ್ನದ ಕಾರ್ಯತಂತ್ರವು ಬಹಳ ವಿಸ್ತಾರವಾದ ಪ್ರಕ್ರಿಯೆಯಾಗಿದೆ, ಪ್ರಸ್ತುತ ಪೈಪೋಟಿಯಲ್ಲಿ ಯಾವ ರೀತಿಯ ಮೋಟಾರ್‌ಸೈಕಲ್ ತಯಾರಿಸಬೇಕೆಂಬುದು ಸವಾಲಿನಿಂದ ಕೂಡಿದೆ ಎಂದರು.

ನಾವು ಪೂರೈಕೆ ಪಾಲುದಾರರೊಂದಿಗೆ ಒಪ್ಪಂದದ ಜೊತೆಗೆ ಉತ್ಪಾದನೆಗಾಗಿ ಕೆಲವನ್ನು ಹೊಂದಿಸುತ್ತಿದ್ದೇವೆ. ಆದರೆ ಇದು ವಾಹನಗಳಿಗೆ ಮಾತ್ರ, EV ಗಳಿಗಾಗಿ ಪ್ರಮುಖವಾಗಿ ಮಾಡಬೇಕಾದ ಕೆಲ ಒಪ್ಪಂದಗಳಿವೆ. ಅವುಗಳೆಂದರೆ ಬ್ಯಾಟರಿ ನಿರ್ವಹಣಾ ವ್ಯವಸ್ಥೆ, ಮೋಟಾರ್ ನಿಯಂತ್ರಕ ಘಟಕ ವ್ಯವಸ್ಥೆ, ವಿನ್ಯಾಸದಂತಹ ಎಲ್ಲಾ ಕೆಲಸಗಳನ್ನು ಮಾಡಬೇಕು. ಈ ಎಲ್ಲಾ ವಿಷಯದಲ್ಲಿ ನಾವು ಪೂರ್ಣ ವೇಗದಲ್ಲಿದ್ದೇವೆ ಎಂದರು.

ನಾವು ಸಂಪೂರ್ಣ ಬ್ಯಾಕ್-ಎಂಡ್ ಸಿಸ್ಟಮ್ ಅನ್ನು ಸ್ಥಾಪಿಸುವ ಹಂತದಲ್ಲಿದ್ದೇವೆ, ಆದ್ದರಿಂದ ನಮ್ಮ ಸಂಪೂರ್ಣ ಗಮನವು ಅತ್ಯಾಧುನಿಕ ಇವಿ ಮೋಟಾರ್‌ಸೈಕಲ್ ತಯಾರಿಸುವುದರ ಮೇಲಿದೆ. ಖರೀದಿಗೆ ಸಂಬಂಧಿಸಿದಂತೆ EV ಗಳ ಕೆಲವು ಒಟ್ಟು ಮೊತ್ತವನ್ನು ನಾವು ಮೌಲ್ಯಮಾಪನ ಮಾಡುತ್ತಿದ್ದೇವೆ. ಇದನ್ನು ಆದರಿಸಿ ಬೆಲೆಗಳನ್ನು ನಿಧರಿಸಲಾಗುತ್ತದೆ ಎಂದು ಗೋವಿಂದರಾಜನ್ ವಿವರಿಸಿದರು.

ಕಂಪನಿಯು ತನ್ನ EV ಯೋಜನೆಗಳನ್ನು ವೇಗಗೊಳಿಸಲು ಸ್ಪ್ಯಾನಿಷ್ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ತಯಾರಕ ಸ್ಟಾರ್ಕ್ ಫ್ಯೂಚರ್‌ನೊಂದಿಗೆ ಸಹಭಾಗಿತ್ವವನ್ನು ಹೊಂದಿದೆ. ಮುಂಬರುವ ಆಲ್-ಎಲೆಕ್ಟ್ರಿಕ್ ಬೈಕ್‌ಗೆ ಅಡಿಪಾಯ ಹಾಕುವ ಹಂತದಲ್ಲಿದೆ. ಪ್ರಸ್ತುತ ಇರುವ ಪೈಪೋಟಿಯನ್ನು ಹಿಮ್ಮೆಟ್ಟುವ ರೀತಿಯಲ್ಲಿ ಇವಿ ಎನ್‌ಫೀಲ್ಡ್ ಅನ್ನು ತರಲು ಕಂಪನಿ ಯೋಜಿಸುತ್ತಿದೆ.

ಮುಂಬರುವ ರಾಯಲ್ ಎನ್‌ಫೀಲ್ಡ್ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಬ್ರಾಂಡ್ ನೀತಿಯನ್ನು ಹಾಗೇ ಉಳಿಸಿಕೊಳ್ಳುವ ನಿರೀಕ್ಷೆಯಿದೆ. ಈ ಯೋಜನೆಗಾಗಿ ಕಂಪನಿಯು 1,000 ಕೋಟಿ ರೂ. ಮೀಸಲಿಟ್ಟಿದೆ. ರಾಯಲ್ ಎನ್‌ಫೀಲ್ಡ್ ತನ್ನ ಹೊಸ EV ವ್ಯಾಪಾರಕ್ಕಾಗಿ ಆಂತರಿಕವಾಗಿ ಹೊಸ ಯೋಜನೆ ರೂಪಿಸಿಕೊಂಡಿದೆ. ಯೋಜನೆಯನ್ನು ಕಾರ್ಯಗತಗೊಳಿಸಲು ಕಂಪನಿಯು ಸ್ಥಳದಲ್ಲಿ ಹೊಸ ತಂಡವನ್ನು ಕೂಡ ನೇಮಿಸಿಕೊಂಡಿದೆ.

ರಾಯಲ್ ಎನ್‌ಫೀಲ್ಡ್ ಮುಂಬರುವ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಾಗಿ ಸುಮಾರು 1.5 ಲಕ್ಷ ಯುನಿಟ್‌ಗಳನ್ನು ನಿರ್ಮಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದು ಮಾಡ್ಯುಲರ್ ಪ್ಲಾಂಟ್ ಆಗಿದ್ದು, ಭವಿಷ್ಯದಲ್ಲಿ ಬ್ರ್ಯಾಂಡ್ ತನ್ನ ಉತ್ಪಾದನಾ ಸಾಮರ್ಥ್ಯವನ್ನು ವಿಸ್ತರಿಸಲು ಅನುವು ಮಾಡಿಕೊಡುತ್ತದೆ. ಜೊತೆಗೆ ಗ್ರಾಹಕರ ಬೇಡಿಕೆಯನ್ನು ಪೂರೈಸುವಲ್ಲಿ ಇದು ತುಂಬಾ ಸಹಕಾರಿಯಾಗಲಿದೆ.