ಗೆರಿಲ್ಲಾ ಬಂದು 3 ವಾರ ಆಗಿಲ್ಲ: ಇನ್ನು ಕೆಲವೇ ವಾರದಲ್ಲಿ ಹೊಸ ಕ್ಲಾಸಿಕ್‌ ಮಾರುಕಟ್ಟೆಗೆ... ಏನ್‌ ನಡೀತಿದೆ?

ಮೋಟಾರ್‌ಸೈಕಲ್‌ಗಳಿಗೆ ಸಂಬಂಧಿಸಿದಂತೆ, ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ನ ಕ್ಲಾಸಿಕ್‌ ಸೊಬಗಿಗೆ ಸಾಟಿಯಾಗಲು ಕೆಲವೇ ಬೈಕ್‌ಗಳು ಇದೆಯಷ್ಟೇ. 2024 ರಲ್ಲಿ, ರಾಯಲ್ ಎನ್‌ಫೀಲ್ಡ್ ಈ ಟೈಮ್‌ಲೆಸ್ ಸೌಂದರ್ಯವನ್ನು ಹೊಸ ವೈಶಿಷ್ಟ್ಯಗಳೊಂದಿಗೆ ಆಧುನಿಕ ಯುಗಕ್ಕೆ ಪರಿವರ್ತಿಸುತ್ತಿದೆ. ಹೊಸ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಅನ್ನು ಕಂಪನಿಯು ಘೋಷಿಸಿದೆ ಮತ್ತು ಬಿಡುಗಡೆ ದಿನಾಂಕವನ್ನು ಸಹ ಬಹಿರಂಗಪಡಿಸಿದೆ. ನಾವಿಂದು ಇದರತ್ತ ಒಂದು ನೋಟ ಹಾಯಿಸೋಣ. ಈ ಕುರಿತಾದ ಸಂಪೂರ್ಣ ಮಾಹಿತಿಗಾಗಿ ಲೇಖನವನ್ನು ಕೊನೆಯವರೆಗೆ ಓದಿ ಮತ್ತು ನಿಮ್ಮ ಗೆಳೆಯರೊಂದಿಗೆ ತಪ್ಪದೇ ಹಂಚಿಕೊಳ್ಳಿ.

ಬಹುತೇಕ ಬಜೆಟ್ ಖರೀದಿದಾರರು ಹಂಟರ್ 350 ಬೆಲೆಗೆ ಆಕರ್ಷಿತರಾಗಬಹುದು. 1.5 ಲಕ್ಷ (ಎಕ್ಸ್‌ ಶೋ.) ಬೆಲೆ. ಆದರೆ ಕ್ಲಾಸಿಕ್ ರೆಟ್ರೊ ಲುಕ್‌ ಕ್ಲಾಸಿಕ್ 350 ಬೈಕ್‌ನಲ್ಲಿ ಪ್ರತ್ಯೇಕವಾಗಿದೆ. ಅದಕ್ಕಾಗಿಯೇ ಇದು ಭಾರತದಲ್ಲಿ ಬಿಡುಗಡೆಯಾದ 350cc ಯಿಂದ 450cc ಮೋಟಾರ್‌ಸೈಕಲ್ ಹೆಚ್ಚು ಮಾರಾಟವಾಗಲು ಕಾರಣವಾಗಿದ್ದು, ಈ ಕಂಪನಿ ಬೈಕ್‌ಗಳು ಭಾರಿ ಅಭಿಮಾನಿಗಳನ್ನು ಹೊಂದಿದೆ.

2024 ಕ್ಲಾಸಿಕ್ 350 ಅನ್ನು ಆಗಸ್ಟ್ 12, 2024 ರಂದು ಪ್ರಾರಂಭಿಸಲಾಗುವುದು ಎಂದು ಘೋಷಿಸಲಾಗಿದೆ. ಇತರ RE ಮಾದರಿಗಳಿಗಿಂತ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ನ ಪ್ರಮುಖ ವಿಷಯವೆಂದರೆ ಅದರ ದುಂಡಾದ ಟ್ಯಾಂಕ್, ಕ್ರೋಮ್ ಮತ್ತು ಹಳೆಯ-ವಿನ್ಯಾಸ ಹೊಂದಿರುವ ಕ್ಲಾಸಿಕ್ ಸೌಂದರ್ಯ. ಹೊಸ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಪ್ರಸ್ತುತ ಮಾದರಿಗಿಂತ ಹೆಚ್ಚಿನ ವೈಶಿಷ್ಟ್ಯಗಳು ಮತ್ತು ಆಕ್ಸಸರೀಸ್‌ಗಳನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

2024 ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಇತರ RE 350 ಬೈಕ್‌ಗಳಂತೆಯೇ ಅದೇ J-ಸರಣಿ ಎಂಜಿನ್‌ನೊಂದಿಗೆ ಮುಂದುವರಿಯುತ್ತದೆ. ಈ ಎಂಜಿನ್‌ನಲ್ಲಿ ಗಮನಾರ್ಹವಾಗಿ ಕಡಿಮೆ ವೈಬ್ರೇಷನ್‌ ಮತ್ತು ಆರಾಮವಾಗಿರುವ ಕ್ರೂಸಿಂಗ್‌ಗೆ ಒತ್ತು ನೀಡುತ್ತದೆ. ಕಡಿಮೆಯಾದ ಕಂಪನಗಳು ದೀರ್ಘ ಸವಾರಿಗಳಲ್ಲಿ ಕಡಿಮೆ ಆಯಾಸ ಎಂದರ್ಥ.

ಇನ್ನು ಈ ಬೈಕ್‌ 349 cc ಈ ಎಂಜಿನ್‌ ಸಹಾಯದಿಂದ 20 bhp ಪವರ್ ಮತ್ತು 27 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಅದೇ ರೀತಿ ಈ ಬೈಕ್‌ಗೆ 5-ಸ್ಪೀಡ್ ಗೇರ್‌ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್‌ಗಳು, ಟ್ವಿನ್ ರಿಯರ್ ಶಾಕ್ ಅಬ್ಸಾರ್ಬರ್‌ಗಳು, ಮುಂಭಾಗದಲ್ಲಿ 300mm ಡಿಸ್ಕ್ ಬ್ರೇಕ್‌ಗಳನ್ನು ನಿರೀಕ್ಷಿಸಬಹುದು.

ಇತ್ತೀಚೆಗಷ್ಟೇ ರಾಯಲ್‌ ಎನ್‌ಫೀಲ್ಡ್‌ ಹೊಸ ಗೆರಿಲ್ಲಾ ಬೈಕ್‌ ಅನ್ನು ಲಾಂಚ್ ಮಾಡಿತ್ತು. ಆಧುನಿಕ ಮತ್ತು ರೆಟ್ರೋ ವೈಶಿಷ್ಟ್ಯಗಳೊಂದಿಗೆ ಪ್ಯಾಕ್ ಮಾಡಲಾದ ಸ್ಟ್ರೀಟ್ ನೇಕೆಡ್ ಬೈಕ್ ಮೂರು ವಿಭಿನ್ನ ಆಯ್ಕೆಗಳಲ್ಲಿ ಲಭ್ಯವಿದೆ. ಅವುಗಳೆಂದರೆ ಅನಲಾಗ್, ಡ್ಯಾಶ್ ಮತ್ತು ಫ್ಲ್ಯಾಶ್ ಆಗಿದೆ. ಇನ್ನು ರಾಯಲ್ ಎನ್‌ಫೀಲ್ಡ್ ಗೆರಿಲ್ಲಾ 450 (Royal Enfield Guerrilla 450) ಬೈಕಿನ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.2.39 ಲಕ್ಷದಿಂದ ಆರಂಭವಾಗಿ ರೂ.2.54 ಲಕ್ಷಗಳಾಗಿದೆ.

ಹೊಸ ರಾಯಲ್ ಎನ್‌ಫೀಲ್ಡ್ ಗೆರಿಲ್ಲಾ 450 ಬೈಕಿನಲ್ಲಿ ಶೆರ್ಪಾ 452 ಸಿಂಗಲ್ ಸಿಲಿಂಡರ್, ಲಿಕ್ವಿಡ್ ಕೂಲ್ಡ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 8,000 RPMನಲ್ಲಿ 39.50 Bhp ಪವರ್ ಮತ್ತು 5,500 RPMನಲ್ಲಿ 40 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಗೆರಿಲ್ಲಾ 450 ಬೈಕ್ ಸ್ಟೀಲ್ ಟ್ಯೂಬ್ಲಾರ್ ಫ್ರೇಮ್ ಹೊಂದಿದ್ದು, ಎಂಜಿನ್ ಒತ್ತಡವನ್ನು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.