Click it and Unblock the Notifications
Ather: ಶ್ರೀಲಂಕಾದಲ್ಲಿ ಧೂಳೆಬ್ಬಿಸಲಿದೆ ಬೆಂಗಳೂರು ಮೂಲದ ಎಥರ್ ಸ್ಕೂಟರ್: ಯಾವುದು?
ಬೆಂಗಳೂರು ಮೂಲದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕರಾಗಿರುವ ಎಥರ್ ಎನರ್ಜಿ ಲಿಮಿಟೆಡ್, ಶ್ರೀಲಂಕಾದ ಕೊಲಂಬೊದಲ್ಲಿ ತನ್ನ ಮೊದಲ ಅನುಭವ ಕೇಂದ್ರ (Experience Centre)ವಾದ 'ಎಥರ್ ಸ್ಪೇಸ್' ಅನ್ನು ತೆರೆದಿದೆ. ನವೆಂಬರ್ 2023 ರಲ್ಲಿ ನೇಪಾಳದಲ್ಲಿ ತನ್ನ ಚೊಚ್ಚಲ ಅನುಭವ ಕೇಂದ್ರ ತೆರೆದ ನಂತರ ಕಂಪನಿಯ ಎರಡನೇ ಅಂತರಾಷ್ಟ್ರೀಯ ಅನುಭವ ಕೇಂದ್ರ ಇದಾಗಿದೆ. ಇಲ್ಲಿ, ಶ್ರೀಲಂಕಾದ ಗ್ರಾಹಕರು ಎಥರ್ನ ಪ್ರಮುಖ ಸ್ಕೂಟರ್ 450X ಅನ್ನು ಪರೀಕ್ಷಿಸಬಹುದು ಮತ್ತು ಖರೀದಿಸಬಹುದು. ಹಾಗೆಯೇ ವಾಹನಗಳ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳಬಹುದು ಎಂದು ಕಂಪನಿ ಹೇಳಿದೆ.
ಎವಲ್ಯೂಷನ್ ಆಟೋ ಪ್ರೈವೇಟ್ನ ಸಹಯೋಗದೊಂದಿಗೆ ಶ್ರೀಲಂಕಾದಲ್ಲಿ ಹೊಸ ಅನುಭವ ಕೇಂದ್ರವನ್ನು ತೆರೆಯಲಾಗಿದೆ. ಶ್ರೀಲಂಕಾದಲ್ಲಿ ಎಥರ್ನ ರಾಷ್ಟ್ರೀಯ ಡೀಲರ್ಗಳಾಗಿ ಎವಲ್ಯೂಷನ್ ಆಟೋ ಸೇಲ್ಸ್, ಸೇವಾ ಕಾರ್ಯಾಚರಣೆಗಳು ಮತ್ತು ನೆಟ್ವರ್ಕ್ ವಿಸ್ತರಣೆ ಮಾತ್ರಲ್ಲದೇ, ದೇಶಾದ್ಯಂತ ಎಥರ್ ಗ್ರಿಡ್ ಫಾಸ್ಟ್ ಚಾರ್ಜಿಂಗ್ ಸ್ಟೇಷನ್ಗಳನ್ನು ಸ್ಥಾಪಿಸಲಿದೆ.
ಎಥರ್ ಎನರ್ಜಿ ಲಿಮಿಟೆಡ್ನ ಮುಖ್ಯ ವ್ಯಾಪಾರ ಅಧಿಕಾರಿ ರವನೀತ್ ಸಿಂಗ್ ಫೋಕೆಲಾ ಅವರು ಮಾತನಾಡಿ, "ನಮ್ಮ ಎರಡನೇ ಅಂತರರಾಷ್ಟ್ರೀಯ ಮಾರುಕಟ್ಟೆಯಾದ ಶ್ರೀಲಂಕಾವನ್ನು ಪ್ರವೇಶಿಸಲು ನಾವು ರೋಮಾಂಚನಗೊಂಡಿದ್ದೇವೆ, ಇಲ್ಲಿ ನಾವು ಎಥರ್ 450X ನೊಂದಿಗೆ ನಮ್ಮ ಮಾರಾಟವನ್ನು ಪ್ರಾರಂಭಿಸುತ್ತಿದ್ದೇವೆ. ಎಥರ್ 450X ಶ್ರೀಲಂಕಾದ ಮಾರುಕಟ್ಟೆಗೆ ಸೂಕ್ತವಾಗಿದೆ ಎಂದು ನಾವು ನಂಬುತ್ತೇವೆ.
ಶ್ರೀಲಂಕಾದಲ್ಲಿ EV ಉದ್ಯಮವು ಇನ್ನೂ ಆರಂಭಿಕ ಹಂತದಲ್ಲಿದ್ದು, ಶ್ರೀಲಂಕಾ ನಮ್ಮ ಜಾಗತಿಕ ವಿಸ್ತರಣಾ ಯೋಜನೆಗಳ ಪ್ರಮುಖ ಭಾಗವಾಗಿದೆ. ಮುಂದಿನ ವರ್ಷಗಳಲ್ಲಿ, ನಾವು ಇತರ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಅವಕಾಶಗಳನ್ನು ಹುಡುಕುವುದನ್ನು ಮುಂದುವರಿಸುತ್ತೇವೆ. ನಮ್ಮ ಎಥರ್ 450X ಹೈ-ಸ್ಪೀಡ್ ಸ್ಕೂಟರ್ ನಗರದ ಮಾರ್ಗಗಳು ಮತ್ತು ವೈವಿಧ್ಯಮಯ ಭೂಪ್ರದೇಶಗಳಲ್ಲಿ ಸುಲಭವಾಗಿ ಓಡಿಸಲು ಸಹಕರಿಸುತ್ತೆ ಎಂದರು.
ಎವಲ್ಯೂಷನ್ ಆಟೋ ಪ್ರೈ.ಲಿ. ನಿರ್ದೇಶಕ ಧೀರೇನ್ ಕುಂದನ್ಮಾಲ್ ಮಾತನಾಡಿ, "ಕೊಲಂಬೊದ ಹೃದಯಭಾಗದಲ್ಲಿ ಮೊದಲ ಎಥರ್ ಅನುಭವ ಕೇಂದ್ರವನ್ನು ತೆರೆಯಲು ನಾವು ರೋಮಾಂಚನಗೊಂಡಿದ್ದೇವೆ. ಈ ಕೇಂದ್ರವು ನಾವೀನ್ಯತೆ ಮತ್ತು ಚಲನಶೀಲತೆಯಲ್ಲಿ ಸುಸ್ಥಿರತೆಗೆ ನಮ್ಮ ಬದ್ಧತೆಯನ್ನು ಸಂಕೇತಿಸುತ್ತದೆ. ಇಲ್ಲಿ, ಅತ್ಯಾಧುನಿಕ ಎಥರ್ ಎಲೆಕ್ಟ್ರಿಕ್ ಸ್ಕೂಟರ್ಗಳನ್ನು ಅನುಭವಿಸಲು ಮತ್ತು ಹಸಿರು ಭವಿಷ್ಯದ ಭಾಗವಾಗಲು ನಾವು ಪ್ರತಿಯೊಬ್ಬರನ್ನು ಆಹ್ವಾನಿಸುತ್ತೇವೆ ಎಂದರು.
ಸುಸ್ಥಿರ ಸಾರಿಗೆಯತ್ತ ಪ್ರಯಾಣವು ಸರಿಯಾದ ಅನುಭವದೊಂದಿಗೆ ಪ್ರಾರಂಭವಾಗುತ್ತದೆ ಎಂದು ನಾವು ನಂಬುತ್ತೇವೆ. ಕೊಲಂಬೊದ ರೋಮಾಂಚಕ ಸಮುದಾಯದೊಂದಿಗೆ ಇದನ್ನು ಹಂಚಿಕೊಳ್ಳಲು ನಾವು ಉತ್ಸುಕರಾಗಿದ್ದೇವೆ. ಕಳೆದ ವರ್ಷ, ಎಥರ್ ತನ್ನ ಮೊದಲ ಅಂತರರಾಷ್ಟ್ರೀಯ ಮಾರುಕಟ್ಟೆಯಾದ ನೇಪಾಳವನ್ನು ಪ್ರವೇಶಿಸಿ, ಪ್ರಸ್ತುತ 5 ಅನುಭವ ಕೇಂದ್ರಗಳು ಮತ್ತು 16 ಅಥರ್ ಗ್ರಿಡ್ ವೇಗದ ಚಾರ್ಜಿಂಗ್ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.
ಭಾರತದಲ್ಲಿ ಎಥರ್ 175 ನಗರಗಳಲ್ಲಿ 239 ಅನುಭವ ಕೇಂದ್ರಗಳನ್ನು ಹೊಂದಿದೆ. 31 ಅಕ್ಟೋಬರ್ 2024 ರಂತೆ 2000 ಎಥರ್ ಗ್ರಿಡ್ ಫಾಸ್ಟ್ ಚಾರ್ಜಿಂಗ್ ಸ್ಟೇಷನ್ಗಳನ್ನು ಸ್ಥಾಪಿಸಲಾಗಿದೆ. ತಮಿಳುನಾಡಿನ ಹೊಸೂರಿನಲ್ಲಿ 2 ವಾಹನ ಉತ್ಪಾದನಾ ಘಟಕಗಳನ್ನು ಹೊಂದಿದ್ದು, ವಾಹನಗಳ ಜೋಡಣೆ ಮತ್ತು ಬ್ಯಾಟರಿ ಉತ್ಪಾದನೆಗಾಗಿ ಮಹಾರಾಷ್ಟ್ರದಲ್ಲಿ ಮುಂಬರುವ ಮೂರನೇ ಉತ್ಪಾದನಾ ಸೌಲಭ್ಯ ಸ್ಥಾಪಿಸುವುದಾಗಿ ಎಥರ್ ಹೇಳಿಕೊಂಡಿದೆ.
ಡ್ರೈವ್ಸ್ಪಾರ್ಕ್ ಕನ್ನಡ ವೆಬ್ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್ ಬುಕ್, ಇನ್ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.
Continue with Google