ಈ ಬೈಕಿಗೆ ಮನಸೋತ ರಾಜ... ಅರಮನೆಯಲ್ಲಿ ಬೈಕ್ ಡೆಲಿವೆರಿ: ಬೆಚ್ಚಿಬಿದ್ದ ಎದುರಾಳಿ ಬೈಕ್‌ಗಳು

ಮಹೀಂದ್ರಾ ಅಡಿಯಲ್ಲಿ ಕ್ಲಾಸಿಕ್ ಲೆಜೆಂಡ್ಸ್ ಒಂದು ಕಾಲದಲ್ಲಿ ಭಾರತೀಯ ರಸ್ತೆಗಳನ್ನು ಆಳಿದ ಎಲ್ಲಾ ಐಕಾನಿಕ್ ಬೈಕುಗಳನ್ನು ಮರಳಿ ತಂದಿದೆ. ಬಿಎಸ್‌ಎ ಬ್ರ್ಯಾಂಡ್ ಇತ್ತೀಚೆಗೆ ದೇಶದಲ್ಲಿ ಮರುಜನ್ಮ ಪಡೆದಿದೆ. ವೈಎಸ್‌ಡಿ ಮತ್ತು ಜಾವಾದೊಂದಿಗೆ ಉತ್ತಮವಾಗಿ ಕಾರ್ಯನಿರ್ವಹಿಸಿದೆ. ಬಿಎಸ್ಎ (BSA) ಮೋಟಾರ್‌ಸೈಕಲ್ಸ್ ತನ್ನ ಹೊಸ ಬಿಎಸ್ಎ ಗೋಲ್ಡ್ ಸ್ಟಾರ್ 650 (BSA Gold Star 650 ) ಬೈಕ್ ಅನ್ನು ಇತ್ತೀಚೆಗೆ ಬಿಡುಗಡೆಗೊಳಿಸಿತು. ಈ ಹೊಸ ಬಿಎಸ್ಎ ಗೋಲ್ಡ್ ಸ್ಟಾರ್ 650 ಬೈಕಿನ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.2.99 ಲಕ್ಷವಾಗಿದೆ.

ಗೋಲ್ಡ್ ಸ್ಟಾರ್ 650 ಭಾರತದಲ್ಲಿ ನಿರ್ಮಿಸಲಾದ ಕಂಪನಿಯ ಹೊಸ ಆಧುನಿಕ-ರೆಟ್ರೋ ಮೋಟಾರ್‌ಸೈಕಲ್ ಆಗಿದೆ. ಇದು ವಿಶ್ವದ ಅತ್ಯಂತ ಸಾಮರ್ಥ್ಯದ ಸಿಂಗಲ್ ಸಿಲಿಂಡರ್ 650 ಸಿಸಿ ಬೈಕ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇತ್ತೀಚೆಗಷ್ಟೇ ಭಾರತದಲ್ಲೂ ಬೈಕ್ ವಿತರಣೆ ಆರಂಭವಾಗಿದೆ. ಇದೀಗ ರಾಜಸ್ಥಾನದಲ್ಲಿ ಐಕಾನಿಕ್ ಬೈಕ್‌ನ ಮೊದಲ ಯುನಿಟ್ ಅನ್ನು ಉದಯಪುರದ ರಾಜಕುಮಾರ ಲಕ್ಷ್ಯರಾಜ್ ಸಿಂಗ್ ಮೇವಾರ್ ( Lakshyaraj Singh Mewar) ಅವರಿಗೆ ಹಸ್ತಾಂತರಿಸಲಾಗಿದೆ.

ಪುರಾತನ ಕಾರುಗಳು ಸೇರಿದಂತೆ ಪಾರಂಪರಿಕ ಕಲಾಕೃತಿಗಳ ವ್ಯಾಪಕ ಸಂಗ್ರಹಕ್ಕೆ ಹೆಸರುವಾಸಿಯಾದ ರಾಜಕುಮಾರ ಈಗ ಈ ಐಕಾನಿಕ್ ಬೈಕ್ ಅನ್ನು ತನ್ನ ಸಂಗ್ರಹಕ್ಕೆ ಸೇರಿಸಿದ್ದಾರೆ. ಉದಯಪುರದ ಅವರ ನಿವಾಸದಲ್ಲಿ ನಡೆದ ಖಾಸಗಿ ಸಮಾರಂಭದಲ್ಲಿ BSA ಗೋಲ್ಡ್ ಸ್ಟಾರ್ 650 ಅನ್ನು ವಿತರಿಸಲಾಯಿತು. ಆಧುನಿಕ ತಂತ್ರಜ್ಞಾನದೊಂದಿಗೆ ಕ್ಲಾಸಿಕ್ ಬ್ರಿಟಿಷ್ ವಿನ್ಯಾಸವನ್ನು ಹೊಂದಿದೆ.

ಬಿಎಸ್ಎ ಗೋಲ್ಡ್ ಸ್ಟಾರ್ 650 ಬೈಕ್ ವಿನ್ಯಾಸದ ಬಗ್ಗೆ ಹೇಳುವುದಾದರೆ, ಇದು ಆಕರ್ಷಕವಾಗಿ ಕಾಣುತ್ತದೆ ಮತ್ತು ರೆಟ್ರೊ ಮೋಟಾರ್‌ಸೈಕಲ್ ವೈಬ್ ಅನ್ನು ಹೊಂದಿದೆ. ಇಂತಹ ರೆಟ್ರೊ ಮೋಟಾರ್‌ಸೈಕಲ್‌ಗಳನ್ನು ಇಷ್ಟಪಡುವವರಿಗೆ ಇಷ್ಟವಾಗುವ ವಿನ್ಯಾಸವನ್ನು ಹೊಂದಿದೆ. ಈ ಬೈಕ್ ರೌಂಡ್ ಶೇಪ್ ಹೆಡ್‌ಲೈಟ್‌ನಿಂದ ಹಿಡಿದು, ಇಂಧನ ಟ್ಯಾಂಕ್‌ನ ಆಕಾರ ಮತ್ತು ಬಾಗಿದ ಫೆಂಡರ್‌ಗಳು ಸೊಗಸಾದ ವಿನ್ಯಾಸವನ್ನು ಹೊಂದಿದೆ.

ಈ ಹೊಸ ಬಿಎಸ್ಎ ಬೈಕಿನ ಫೀಚರ್ಸ್ ಬಗ್ಗೆ ಹೇಳುವುದಾದರೆ, ಟ್ವಿನ್ ಪಾಡ್, ಸೆಮಿ-ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು USB ಚಾರ್ಜರ್ ಅನ್ನು ಹೊಂದಿದೆ. ಇನ್ನು ಈ ಹೊಸ ಬೈಕಿನ ಖರೀದಿಗಾಗಿ ಬುಕ್ಕಿಂಗ್ ಅನ್ನು ಪ್ರಾರಂಭವಾಗಿದೆ. ಈ ಬೈಕ್ ಅನ್ನು ಖರೀದಿಸಲು ಬಯಸುವವರು ಟೋಕನ್ ಮೊತ್ತ ಪಾವತಿಸಿ ಬುಕ್ ಮಾಡಬಹುದು.

ಬಿಎಸ್ಎ ಗೋಲ್ಡ್ ಸ್ಟಾರ್ 650 ಮಾದರಿಯು ಭಾರತೀಯ ಮಾರುಕಟ್ಟೆಯಲ್ಲಿ ರಾಯಲ್ ಎನ್‌ಫೀಲ್ಡ್ ಇಂಟರ್‌ಸೆಪ್ಟರ್ 650 ಬೈಕಿಗೆ ಪೈಪೋಟಿ ನೀಡುತ್ತದೆ. ಹೊಸ ಬಿಎಸ್ಎ ಗೋಲ್ಡ್ ಸ್ಟಾರ್ 650 ಬೈಕಿನಲ್ಲಿ 652cc, ಸಿಂಗಲ್-ಸಿಲಿಂಡರ್, ಲಿಕ್ವಿಡ್-ಕೂಲ್ಡ್ ಎಂಜಿನ್‌ನಿಂದ ಚಾಲಿತವಾಗಿದೆ. ಈ ಎಂಜಿನ್ 45 bhp ಪವರ್ ಮತ್ತು 55 Nm ಟಾರ್ಕ್ ಅನ್ನು ಉತ್ಪಾದಿಸುವತ್ತದೆ ಈ ಎಂಜಿನ್ 5-ಸ್ಫೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ಎಂಜಿನ್ ಅನ್ನು ದೊಡ್ಡ ಸಿಂಗಲ್‌ಗಾಗಿ ಸಂಸ್ಕರಿಸಲಾಗಿದೆ ಮತ್ತು 160 ಕಿ.ಮೀ ಗಿಂತ ಹೆಚ್ಚಿನ ವೇಗವನ್ನು ಪಡೆದುಕೊಳ್ಳಬಹುದು ಎಂದು ಬಿಎಸ್ಎ ಹೇಳುತ್ತದೆ. ಬಿಎಸ್ಎ ಗೋಲ್ಡ್ ಸ್ಟಾರ್ 650 ಬೈಕಿನ ಇನ್ಸಿಗ್ನಿಯಾ ರೆಡ್ ಮತ್ತು ಹೈಲ್ಯಾಂಡ್ ಗ್ರೀನ್ (ರೂ. 2.99 ಲಕ್ಷ), ಮಿಡ್ನೈಟ್ ಬ್ಲ್ಯಾಕ್ ಮತ್ತು ಡಾನ್ ಸಿಲ್ವರ್ (ರೂ. 3.12 ಲಕ್ಷ) ಮತ್ತು ಶಾಡೋ ಬ್ಲ್ಯಾಕ್ (ರೂ. 3.15 ಲಕ್ಷ) ಆಗಿದೆ. ಈ ಎಲ್ಲಾ ಬೆಲೆಗಳು ಎಕ್ಸ್ ಶೋರೂಂ ಪ್ರಕಾರವಾಗಿದೆ.

ಇನ್ನು ಆಧುನಿಕ ರೆಟ್ರೊ ಬಿಎಸ್ಎ ಬೈಕ್ ಸಸ್ಪೆಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಗೋಲ್ಡ್ ಸ್ಟಾರ್ 650 ಕ್ರೇಡ್ ಫ್ರೇಮ್ ಅನ್ನು ಹೊಂದಿದ್ದು, ಇದರ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್ ಮತ್ತು ಹಿಂಬಂದಿಯಲ್ಲಿ ಟ್ವಿನ್ ಶಾಕ್ ಅಬ್ಸಾರ್ಬರ್ ಅನ್ನು ಹೊಂದಿದೆ. ಈ ಟ್ಯೂಬ್ ಮಾದರಿಯ ಟೈರ್‌ಗಳನ್ನು ಹೊಂದಿರುವ ವೈರ್-ಸ್ಪೋಕ್ ವ್ಹೀಲ್ ಗಳನ್ನು ಹೊಂದಿವೆ.

ಪ್ರಮುಖವಾಗಿ ಸುರಕ್ಷತೆಯಲ್ಲಿ ಪ್ರಮುಖ ಪಾತ್ರವಹಿಸುವ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಈ ಬೈಕಿನಲ್ಲಿ ಮುಂಭಾಗದಲ್ಲಿ 320 ಎಂಎಂ ಮತ್ತು ಹಿಂಭಾಗದಲ್ಲಿ 255 ಎಂಎಂ ಡಿಸ್ಕ್ ಬ್ರೇಕ್ ಅನ್ನು ನೀಡಲಾಗಿದೆ. ಇದರೊಂದಿಗೆ ಹೆಚ್ಚಿನ ಸುರಕ್ಷತೆಗಾಗಿ ಡ್ಯುಯಲ್ ಚಾನೆಲ್ ಎಬಿಎಸ್ ಅನ್ನು ನೀಡಲಾಗಿದೆ. ಇನ್ನು ಈ ಬೈಕ್ 213 ಕೆಜಿ ಕರ್ಬ್ ತೂಕವನ್ನು ಹೊಂದಿದೆ ಮತ್ತು ಈ ಬೈಕ್ ಸೀಟ್ 780mm ಎತ್ತರವನ್ನು ಹೊಂದಿದೆ.