ಒಮ್ಮೆ ಚಾರ್ಜ್‌ ಮಾಡಿದ್ರೆ 200 ಕಿ.ಮೀ ರೇಂಜ್: ಹೊಸ Jaunty i Pro ಇವಿ ವಿಶೇಷತೆಗಳು!

ಅಮೋ ಮೊಬಿಲಿಟಿಯು 'ಜಾಂಟಿ ಐ ಪ್ರೋ' (Jaunty i Pro) ಎಂಬ ಹೊಸ ಹೈಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಇತ್ತೀಚೆಗೆ ಬಿಡುಗಡೆ ಮಾಡಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಇದರ ಬೆಲೆಯು ರೂ. 1.15 ಲಕ್ಷ ಎಕ್ಸ್ ಶೋರೂಂ ಇದೆ. ಸ್ಕೂಟರ್ ಕುರಿತ ಹೆಚ್ಚಿನ ವಿಶೇಷತೆಗಳನ್ನು ಇಲ್ಲಿ ನೋಡೋಣ.

ಹೊಸ ಜಾಂಟಿ ಐ ಪ್ರೋ ಎಲೆಕ್ಟ್ರಿಕ್ ಸ್ಕೂಟರ್ 2.52 kWh ಬ್ಯಾಟರಿ ಪ್ಯಾಕ್‌ ಹೊಂದಿದ್ದು, ಇದು ಒಂದೇ ಚಾರ್ಜ್‌ನಲ್ಲಿ 200 ಕಿ.ಮೀ ರೇಂಜ್ ನೀಡುತ್ತದೆ. ಕಂಪನಿಯ ಪ್ರಕಾರ ಇತರ ಎಲೆಕ್ಟ್ರಿಕ್ ಸ್ಕೂಟರ್‌ಗಳಿಗಿಂತ ಹೆಚ್ಚಿನ ಪರ್ಫಾಮೆನ್ಸ್ ನೀಡುವುದಾಗಿ ಹೇಳಿದೆ. ಭಾರತದಲ್ಲಿ ಸದ್ಯ ಸದ್ದು ಮಾಡುತ್ತಿರುವ ಹೀರೋ Vida V1 Plus, TVS iQube ಮತ್ತು Ather 450 Plus ಸ್ಕೂಟರ್‌ಗಳು' Jaunty i Pro ಎಲೆಕ್ಟ್ರಿಕ್ ಸ್ಕೂಟರ್‌ಗೆ ನೇರ ಪ್ರತಿಸ್ಪರ್ಧಿಗಳಾಗಿವೆ. ಇನ್ನು ದೇಶಾದ್ಯಂತ 200 ಕ್ಕೂ ಹೆಚ್ಚು ಪ್ರಬಲ ಡೀಲರ್‌ಶಿಪ್ ನೆಟ್‌ವರ್ಕ್‌ಗಳನ್ನು ಹೊಂದಿರುವುದಾಗಿ ಕಂಪನಿ ಹೇಳಿಕೊಂಡಿದೆ.

ಹೊಸ ಜಾಂಟಿ ಐ ಪ್ರೋ ಎಲೆಕ್ಟ್ರಿಕ್ ಸ್ಕೂಟರ್, ಸ್ಮಾರ್ಟ್ ಬ್ಯಾಟರಿ ಮ್ಯಾನೇಜ್‌ಮೆಂಟ್ ಸಿಸ್ಟಮ್ ಮತ್ತು ವೇಗದ ಚಾರ್ಜರ್ ಕೂಡ ಹೊಂದಿದ್ದು, ಇದು ಸುಮಾರು 3.5 ಗಂಟೆಗಳಲ್ಲಿ ಬ್ಯಾಟರಿ ಪ್ಯಾಕ್ ಅನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಹೊಸ ಸ್ಕೂಟರ್ ಬಿಳಿ, ನೀಲಿ ಮತ್ತು ಬೂದು ಎಂಬ ಮೂರು ಬಣ್ಣಗಳಲ್ಲಿ ಬರಲಿದ್ದು, ಗ್ರಾಹಕರಿಗೆ ರೋಮಾಂಚಕ ಬಣ್ಣದ ಆಯ್ಕೆಯನ್ನು ನೀಡಲಿದೆ.

Jaunty i Pro ಒಂದು ಹೈ-ಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ ಎಂಬುದನ್ನು ಗಮನಿಸುವುದು ಮುಖ್ಯ. ಜೊತೆಗೆ ಸುರಕ್ಷತೆಗಾಗಿ, ಸ್ಕೂಟರ್ ಸಂಯೋಜನೆಯ ಬ್ರೇಕಿಂಗ್ ಸಿಸ್ಟಮ್‌ನೊಂದಿಗೆ ಬರುತ್ತದೆ. ಅಂದರೆ ರೈಡರ್ ಒಂದು ಬ್ರೇಕ್ ಅನ್ನು ಅನ್ವಯಿಸಿದಾಗ, ಇನ್ನೊಂದನ್ನು ಸ್ವಯಂಚಾಲಿತವಾಗಿ ಅನ್ವಯಿಸಲಾಗುತ್ತದೆ. ಬ್ಯಾಟರಿ ತಾಪಮಾನದ ಎಚ್ಚರಿಕೆಗಳನ್ನು ಕಳುಹಿಸುವ ಬಜರ್ ಕೂಡ ಇದೆ.

ಪವರ್‌ಫುಲ್ BLDC ಹಬ್ ಮೋಟಾರ್ ಹೊಂದಿರುವ Jaunty i Pro ಇವಿ ಸ್ಕೂಟರ್, 3.95 bhp ಪವರ್ ಅಥವಾ 2.95 kWh ಪವರ್ ಮತ್ತು 143 Nm ನ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. Amo Mobility ಹೇಳುವಂತೆ Jaunty i Pro 151 ಕೆ.ಜಿ ಲೋಡ್ ಅನ್ನು ಹೊತ್ತೊಯ್ಯುವ ಸಾಮರ್ಥ್ಯವನ್ನು ಕೂಡ ಹೊಂದಿದೆ. ಅಲ್ಲದೇ ಈ ತೂಕದೊಂದಿಗೆ 60 kmph ಗರಿಷ್ಟ ವೇಗವನ್ನು ತಲುಪುತ್ತದೆ. ಸ್ಕೂಟರ್ ಎಕನಾಮಿ, ಸಿಟಿ ರೈಡ್ ಮತ್ತು ಪವರ್ ಮೋಡ್‌ನೊಂದಿಗೆ ಬರುವ ಮೂರು ರೈಡಿಂಗ್ ಮೋಡ್‌ಗಳನ್ನು ಸಹ ಹೊಂದಿದೆ.

AMO ಮೊಬಿಲಿಟಿಯ ಸಂಸ್ಥಾಪಕ ಸುಶಾಂತ್ ಕುಮಾರ್ ಮಾತನಾಡಿ, "ನಮ್ಮ ಬಹು ನಿರೀಕ್ಷಿತ ಮಾಡೆಲ್ Jaunty i Pro EV ತಂತ್ರಜ್ಞಾನದಲ್ಲಿನ ನಾವೀನ್ಯತೆಯ ನಮ್ಮ ದಾಪುಗಾಲುಗಳ ಪ್ರದರ್ಶನವಾಗಿದೆ. ಇದರ ಸುರಕ್ಷತಾ ವೈಶಿಷ್ಟ್ಯಗಳು ಮತ್ತು ಸುಧಾರಿತ BMS ಮಾರುಕಟ್ಟೆಯ ಬೇಡಿಕೆಯನ್ನು ಪೂರೈಸುವ ಸ್ಮಾರ್ಟ್ ಎಲೆಕ್ಟ್ರಿಕ್ ವಾಹನವಾಗಿದೆ.

ಹೆಚ್ಚುವರಿಯಾಗಿ, 2.52 kWh ಬ್ಯಾಟರಿ ಸಾಮರ್ಥ್ಯ ಮತ್ತು ಸಾಟಿಯಿಲ್ಲದ ಮೈಲೇಜ್ ನಂಬಲಾಗದ ಸಂಯೋಜನೆಯನ್ನು ಮಾಡುತ್ತವೆ, ಈ ಮೂಲಕ ಆಧುನಿಕ ಸವಾರರೊಂದಿಗೆ ಹೆಚ್ಚು ಸಂಪರ್ಕ ಸಾಧಿಸುತ್ತದೆ. ಭಾರತದ ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಬೇಡಿಕೆ ಪಡೆಯಲಿದೆ ಎಂದು ನಾನು ನಂಬುತ್ತೇನೆ ಎಂದು ಸಂಸ್ಥಾಪಕ ಸುಶಾಂತ್ ಕುಮಾರ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.