ರಾಯಲ್ ಎನ್‌ಫೀಲ್ಡ್‌ಗೆ ಸೆಡ್ಡು ಹೊಡೆಯಲು ಬರುತ್ತಿದೆ ಹೊಸ ಬ್ರ್ಯಾಂಡ್: ಆಕರ್ಷಕ ಬೆಲೆಗೆ ಸಿಗುತ್ತೆ ಬೈಕ್‌ಗಳು!

ಭಾರತವು ಚೀನಾವನ್ನು ಮೀರಿಸಿ ವಿಶ್ವದ ಅತಿದೊಡ್ಡ ದ್ವಿಚಕ್ರ ವಾಹನ ಮಾರುಕಟ್ಟೆಯಾಗಿದೆ. ಯಾವುದೇ ರೀತಿಯ ದ್ವಿಚಕ್ರ ವಾಹನಗಳನ್ನು ಖರೀದಿಸಲು ಇಲ್ಲಿ ಜನರಿದ್ದಾರೆ ಎಂಬುದು ಕುತೂಹಲಕಾರಿ ಸಂಗತಿ. ಪ್ರೀಮಿಯಂ ಮೋಟಾರ್‌ಸೈಕಲ್‌ಗಳಿಗೆ ಭಾರಿ ಬೇಡಿಕೆಯೊಂದಿಗೆ, ಜಾಗತಿಕ ಕಂಪನಿಗಳು ದೇಶಕ್ಕೆ ಬಂದಿವೆ. ದೊಡ್ಡ ಸೂಪರ್‌ಬೈಕ್ ಬ್ರ್ಯಾಂಡ್‌ಗಳ ಹೊರತಾಗಿ, ಕೀವೇ ಮತ್ತು ಕ್ಯೂಜೆ ಮೋಟಾರ್ ಇತ್ತೀಚೆಗೆ ಭಾರತಕ್ಕೆ ಪ್ರವೇಶಿಸಿದ ಪ್ರಮುಖ ದ್ವಿಚಕ್ರ ವಾಹನ ತಯಾರಕರು. ಹೀಗಾಗಿ ಎಲ್ಲ ಸಾಧ್ಯತೆಗಳನ್ನು ಕೂಲಂಕುಷವಾಗಿ ಅಧ್ಯಯನ ಮಾಡಿಯೇ ಮತ್ತೊಂದು ವಿದೇಶಿ ಕಂಪನಿ ಅಖಾಡಕ್ಕಿಳಿಯಲು ಹೊರಟಿರುವುದು ಸಂತಸ ನೀಡುವ ಸಂಗತಿಯಾಗಿದೆ.

ಆಸ್ಟ್ರಿಯನ್ ದ್ವಿಚಕ್ರ ವಾಹನ ತಯಾರಕ ಬ್ರಿಕ್ಸ್‌ಟನ್ ಮೋಟಾರ್‌ಸೈಕಲ್ಸ್ ಭಾರತಕ್ಕೆ ಎಂಟ್ರಿ ಕೊಡುವುದಾಗಿ ಘೋಷಿಸಿದೆ. ಈ ಇದೀಗ ಬ್ರಿಕ್ಸ್‌ಟನ್ (Brixton) ತಮ್ಮ ಮಾಡೆಲ್‌ಗಳ ಅಧಿಕೃತ ಬುಕಿಂಗ್ ಕೂಡ ಪ್ರಾರಂಭವಾಗಿದೆ ಎಂದು ಘೋಷಿಸಿದ್ದಾರೆ. ಕಂಪನಿಯು ನವೆಂಬರ್‌ನಲ್ಲಿ ಭಾರತದಲ್ಲಿ ಕ್ರಾಸ್‌ಫೈರ್ 500 ಎಕ್ಸ್, ಕ್ರಾಸ್‌ಫೈರ್ 500 ಎಕ್ಸ್‌ಸಿ, ಕ್ರಾಮ್‌ವೆಲ್ 1200 ಮತ್ತು ಕ್ರಾಮ್‌ವೆಲ್ 1200 ಎಕ್ಸ್ ಸೇರಿದಂತೆ ನಾಲ್ಕು ಮಾದರಿಗಳನ್ನು ಬಿಡುಗಡೆ ಮಾಡಲಿದೆ.

ಬ್ರಿಕ್ಸ್‌ಟನ್ ಮೋಟಾರ್‌ಸೈಕಲ್‌ಗಳ ಯಾವುದೇ ಮಾದರಿಯನ್ನು ಖರೀದಿಸಲು ಬಯಸುವ ಗ್ರಾಹಕರು ರೂ.2,999 ಪಾವತಿಸಿ ಆನ್‌ಲೈನ್‌ನಲ್ಲಿ ಬೈಕ್ ಬುಕ್ ಮಾಡಬಹುದು. ಈ ಬ್ರ್ಯಾಂಡ್ ವಿದೇಶದಲ್ಲಿ ವಿವಿಧ ರೆಟ್ರೋ ಬೈಕ್‌ಗಳನ್ನು ಬಿಡುಗಡೆ ಮಾಡಲು ಹೆಸರುವಾಸಿಯಾಗಿದೆ. ಬ್ರಿಕ್ಸ್‌ಟನ್‌ನ ಪ್ರಮುಖ ಗಮನವು ಯುರೋಪ್ ಮತ್ತು ಏಷ್ಯಾದ ಇತರ ಭಾಗಗಳ ಮೇಲೆ ಕೇಂದ್ರೀಕೃತವಾಗಿತ್ತು.

ಆಸ್ಟ್ರಿಯಾದ ದ್ವಿಚಕ್ರ ವಾಹನ ತಯಾರಕ ಕಂಪನಿಯು KAW ವೆಲೋಸ್ ಮೋಟಾರ್ಸ್ ಪ್ರೈವೇಟ್ ಪಾಲುದಾರಿಕೆಯಲ್ಲಿ ಭಾರತಕ್ಕೆ ಬರುತ್ತಿದೆ. ಈ ಬ್ರಿಕ್ಸ್‌ಟನ್ ಕಂಪನಿಯು ಮಹಾರಾಷ್ಟ್ರದ ಕೊಲ್ಹಾಪುರದಲ್ಲಿ ಉತ್ಪಾದನಾ ಘಟಕವನ್ನು ಯೋಜಿಸಿದೆ. ಬ್ರಿಕ್ಸ್‌ಟನ್ ಮೋಟಾರ್‌ಸೈಕಲ್ ಕಂಪನಿಯು ಕೆಎಸ್‌ಆರ್ ಗ್ರೂಪ್ ಒಡೆತನದಲ್ಲಿದೆ. ಕೆವಿಎಂಪಿಎಲ್‌ನೊಂದಿಗೆ ಎರಡು ವರ್ಷಗಳ ಯೋಜನೆ ನಂತರ ತನ್ನ ಭಾರತೀಯ ಪ್ರವೇಶವನ್ನು ಘೋಷಿಸಲಾಗಿದೆ ಎಂದು ಬ್ರಿಕ್ಸ್‌ಟನ್ ಕಂಪನಿಯು ಹೇಳಿಕೊಂಡಿದೆ.

ಬ್ರಿಕ್ಸ್‌ಟನ್ ಮೋಟಾರ್‌ಸೈಕಲ್ಸ್ ಪುಣೆ/ಪಿಸಿಎಂಸಿ, ಮುಂಬೈ, ಥಾಣೆ, ನಾಸಿಕ್, ಚೆನ್ನೈ, ಹೈದರಾಬಾದ್, ಬೆಂಗಳೂರು, ಕೊಚ್ಚಿ, ಕೊಯಮತ್ತೂರು, ಅಹಮದಾಬಾದ್, ಸೂರತ್, ವಾಪಿ ಮತ್ತು ಪಂಜಿಮ್ ಸೇರಿದಂತೆ 13 ನಗರಗಳಲ್ಲಿ ಶೋರೂಮ್‌ಗಳನ್ನು ತೆರೆಯಲು ನಿರ್ಧರಿಸಿದೆ. ನಂತರದ ಹಂತದಲ್ಲಿ ಇತರ ಸ್ಥಗಳಲ್ಲಿಯೂ ವಿಸ್ತರಿಸುವ ಯೋಜನೆಯನ್ನು ಹೊಂದಿದೆ.. ಮುಂದಿನ ವರ್ಷ 50 ಮಳಿಗೆಗಳಿಗೆ ವಿಸ್ತರಿಸಲು ಕ್ರಮ ಕೈಗೊಳ್ಳಲಾಗಿದೆ.

ಬ್ರಿಕ್ಸ್‌ಟನ್‌ನ ಆಸ್ಟ್ರಿಯನ್ ಡಿಸೈನ್ ಸೆಂಟರ್‌ನಲ್ಲಿ ಬೈಕ್‌ಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದ್ದು, ಅದು ನಿರೀಕ್ಷಿಸಬಹುದಾದ ಸಂಗತಿಯಾಗಿದೆ. ಭಾರತದಲ್ಲಿ ಉತ್ಪಾದನೆಯು ಮಹಾರಾಷ್ಟ್ರದ ಕೊಲ್ಹಾಪುರದಲ್ಲಿರುವ ಕಂಪನಿಯ ಹೊಸ ಘಟಕದಲ್ಲಿ ನಡೆಯುತ್ತದೆ. ಬ್ರಿಕ್ಸ್‌ಟನ್ ಮಾದರಿಗಳನ್ನು ಸಂಪೂರ್ಣವಾಗಿ ನಾಕ್ ಡೌನ್ (CKD) ಕಿಟ್‌ಗಳಾಗಿ ತರಲಾಗುತ್ತದೆ ಮತ್ತು ಸಂಪೂರ್ಣವಾಗಿ ಭಾರತದಲ್ಲಿ ತಯಾರಿಸುವ ಬದಲು ಸ್ಥಳೀಯವಾಗಿ ಜೋಡಿಸಲಾಗುತ್ತದೆ.

ಕಂಪನಿಯು ಈ ವರ್ಷ ಭಾರತದಲ್ಲಿ ನಾಲ್ಕು ಮೋಟಾರ್‌ಸೈಕಲ್‌ಗಳನ್ನು ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ. ಮಾದರಿಗಳಿಗೆ ಸಂಬಂಧಿಸಿದಂತೆ, ಕ್ರಾಸ್‌ಫೈರ್ ಮಾದರಿಗಳು 500cc ಟ್ವಿನ್-ಸಿಲಿಂಡರ್ ಎಂಜಿನ್‌ನಿಂದ ಚಾಲಿತವಾಗಲಿದೆ. ಇದು 8,500rpm ನಲ್ಲಿ 46bhp ಮತ್ತು 4,350rpm ನಲ್ಲಿ 43Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಬ್ರಿಕ್ಸ್‌ಟನ್ ಮೋಟಾರ್‌ಸೈಕಲ್ಸ್‌ನ ಕ್ರಾಮ್‌ವೆಲ್ ಮಾದರಿಗಳು 1,200 cc ಟ್ವಿನ್-ಸಿಲಿಂಡರ್ ಎಂಜಿನ್‌ನಿಂದ ಚಾಲಿತವಾಗಿದ್ದು, ಅದು 6,500 rpm ನಲ್ಲಿ 82 bhp ಶಕ್ತಿಯನ್ನು ಮತ್ತು 3,100 rpm ನಲ್ಲಿ 108 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಭಾರತಕ್ಕೆ ಬ್ರಿಕ್ಸ್‌ಟನ್ ಆಗಮನವನ್ನು ರಾಯಲ್ ಎನ್‌ಫೀಲ್ಡ್ ನಿರ್ಮಿಸುತ್ತಿದೆ. ಬುಕ್ಕಿಂಗ್ ಕೂಡ ಆರಂಭವಾಗಿರುವುದರಿಂದ ಎನ್‌ಫೀಲ್ಡ್‌ಗೆ ನಿದ್ದೆಯಿಲ್ಲದ ರಾತ್ರಿಗಳು ಎದುರಾಗಿವೆ.