ಎರಡು ಮಾರುತಿ ಕಾರುಗಳ ಬೆಲೆಯ ಹೊಸ ಆಕರ್ಷಕ ಬೈಕ್ ವಿತರಣೆ ಪ್ರಾರಂಭ: ಕ್ಯೂ ನಿಂತ ಜನ!

ಜನಪ್ರಿಯ ದ್ವಿಚಕ್ರ ತಯಾರಕ ಕಂಪನಿಯಾದ ಟ್ರಯಂಫ್ ಮೋಟಾರ್‌ಸೈಕಲ್ಸ್ (Triumph Motorcycles) ತನ್ನ ಡೇಟೋನಾ 660 ಬೈಕನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಬಿಡುಗಡೆಗೊಳಿಸಿತು. ಈ ಹೊಸ ಟ್ರಯಂಫ್ ಡೇಟೋನಾ 660 (Triumph Daytona 660) ಬೈಕಿನ ಬೆಲೆಯು ದೆಹಲಿ ಎಕ್ಸ್ ಶೋರೂಂ ಪ್ರಕಾರ ರೂ. 9.72 ಲಕ್ಷವಾಗಿದೆ. ಇದೀಗ ಟ್ರಯಂಫ್ ತನ್ನ ಗ್ರಾಹಕರಿಗೆ ಡೇಟೋನಾ 660 ಬೈಕಿನ ವಿತರಣೆಯನ್ನು ಪ್ರಾರಂಭಿಸಿದೆ. ಟ್ರಯಂಫ್ ಡೇಟೋನಾ 660 ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಕವಾಸಕಿ ನಿಂಜಾ 650, ಎಪ್ರಿಲಿಯಾ RS 660 ಮತ್ತು ಸುಜುಕಿ GSX-8R ಬೈಕುಗಳಿಗೆ ಪೈಪೋಟಿ ನೀಡುತ್ತದೆ.

ಈ ಟ್ರಯಂಫ್ ಡೇಟೋನ್ 660 ಬೈಕ್ ಅನ್ನು ಖರೀದಿಸಲು ಬಯಸುವ ಗ್ರಾಹಕರು ಪ್ರಾರಂಭಿಕ ಟೋಕನ್ ಮೊತ್ತ ರೂ. 25,000 ಪಾವತಿಸಿ ಬುಕ್ ಮಾಡಿಕೊಳ್ಳಬಹುದು. ಹೊಸ ಟ್ರಯಂಫ್ ಡೇಟೋನಾ 660 ಮಾದರಿಯ ಹಳೆಯ ಡೇಟೋನಾ 675 ನಿಂದ ಸ್ವಲ್ಪ ವಿನ್ಯಾಸದ ಸೂಚನೆಗಳನ್ನು ಎರವಲು ಪಡೆಯುತ್ತದೆ. ಇದು ಪಾರದರ್ಶಕ ವಿಂಡ್‌ಸ್ಕ್ರೀನ್‌ನೊಂದಿಗೆ ಸ್ಪ್ಲಿಟ್ LED ಹೆಡ್‌ಲೈಟ್ ಅನ್ನು ಪಡೆಯುತ್ತದೆ. ಈ ಡೇಟೋನಾ 660 ಬೈಕ್ ಹೆಚ್ಚು ಸ್ಪೋರ್ಟಿಯಾಗಿದೆ.

ಈ ಹೊಸ ಟ್ರಯಂಫ್ ಡೇಟೋನ್ 660 ಬೈಕಿನಲ್ಲಿ TFT LCD ಡಿಸ್ಪ್ಲೇ ಹೊಂದಿರುವ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್ ಅನ್ನು ಹೊಂದಿದ್ದು ಅದು ಮೈ ಟ್ರಯಂಫ್ ಕನೆಕ್ಟಿವಿಟಿ ಸಿಸ್ಟಮ್ ಹೊಂದಿದೆ. ಹೆಚ್ಚುವರಿಯಾಗಿ ರೈನ್, ರೋಡ್ ಮತ್ತು ಸ್ಪೋರ್ಟ್ ಎಂಬ ಮೂರು ರೈಡಿಂಗ್ ಮೋಡ್‌ಗಳೊಂದಿಗೆ ರೈಡ್-ಬೈ-ವೈರ್ ಥ್ರೊಟಲ್, ಟ್ರಾಕ್ಷನ್ ಕಂಟ್ರೋಲ್ ಮತ್ತು ಇತ್ಯಾದಿಗಳನ್ನು ಒಳಗೊಂಡಿದೆ.

ಟ್ರಯಂಫ್ ಡೇಟೋನ್ 660 ಸ್ನೋಡೋನಿಯಾ ವೈಟ್/ಸಫೈರ್ ಬ್ಲ್ಯಾಕ್, ಸ್ಯಾಟಿನ್ ಗ್ರಾನೈಟ್/ಸ್ಯಾಟಿನ್ ಜೆಟ್ ಬ್ಲಾಕ್ ಮತ್ತು ಕಾರ್ನಿವಲ್ ರೆಡ್/ಸಫೈರ್ ಬ್ಲ್ಯಾಕ್ ಎಂಬ ಮೂರು ಪೇಂಟ್ ಸ್ಕೀಮ್‌ಗಳಲ್ಲಿ ಮಾರಾಟವಾಗಲಿದೆ. ಈ ಬೈಕ್ ಹಲವಾರು ಎಲೆಕ್ಟ್ರಾನಿಕ್ ಸಾಧನಗಳನ್ನು ಪಡೆಯುತ್ತದೆ. ಈ ಹೊಸ ಬೈಕನ್ನು ಟ್ರೈಡೆಂಟ್ 660 ಮೇಲಿನ ಸ್ಥಾನದಲ್ಲಿ ಇರಿಸಲಾಗಿದೆ. ಟ್ರಯಂಫ್ ಡೇಟೋನಾ 660 ಬೈಕ್ ಸ್ಟೀಲ್ ಪರಿಮಿಟರ್ ಚಾಸಿಸ್ ಅನ್ನು ಹೊಂದಿದೆ.

ಇನ್ನು ಈ ಟ್ರಯಂಫ್ ಡೇಟೋನ್ 660 ಬೈಕಿನಲ್ಲಿ ಪರಿಚಿತ 660 cc ಇನ್‌ಲೈನ್ ಮೂರು-ಸಿಲಿಂಡರ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 11,250 rpm ನಲ್ಲಿ 95 PS ಪವರ್ ಮತ್ತು 69 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದು ಸ್ಟ್ಯಾಂಡರ್ಡ್ ಫಿಟ್‌ಮೆಂಟ್‌ನಂತೆ ಸ್ಲಿಪ್ಪರ್ ಮತ್ತು ಅಸಿಸ್ಟ್ ಕ್ಲಚ್‌ನೊಂದಿಗೆ 6-ಸ್ಪೀಡ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ.

ಈ ಟ್ರಯಂಫ್ ಡೇಟೋನ್ 660 ಹೊಸ ಬೈಕಿನ ಸಸ್ಪೆಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಈ ಫೇರ್ಡ್ ಸೂಪರ್‌ಸ್ಪೋರ್ಟ್ ಬೈಕ್‌ನಲ್ಲಿ ಮುಂಭಾಗದಲ್ಲಿ ಶೋವಾ ಮೂಲದ 41 ಎಂಎಂ ಅಪ್ ಸೈಡ್ ಡೌನ್ ದೊಡ್ಡ ಪಿಸ್ಟನ್ ಮುಂಭಾಗದ ಫೋರ್ಕ್‌ಗಳು ಮತ್ತು ಹಿಂಭಾಗದ ಪ್ರಿ ಲೋಡ್-ಹೊಂದಾಣಿಕೆ ಮೊನೊಶಾಕ್ ಸಸ್ಪೆನ್ಶನ್ ಅನ್ನು ಅಳವಡಿಸಲಾಗಿದೆ.

ಪ್ರಮುಖವಾಗಿ ಸುರಕ್ಷತೆ ವಿಭಾಗದಲ್ಲಿ ಪ್ರಮುಖ ಪಾತ್ರವಹಿಸುವ ಹೊಸ ಟ್ರಯಂಫ್ ಡೇಟೋನ್ 660 ಬೈಕಿನ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಈ ಬೈಕಿನಲ್ಲಿ ಮುಂಭಾಗದಲ್ಲಿ ಟ್ವಿನ್ 310 ಎಂಎಂ ಡಿಸ್ಕ್ ಬ್ರೇಕ್‌ಗಳು ಮತ್ತು ಹಿಂಭಾಗದಲ್ಲಿ 220 ಎಂಎಂ ಡಿಸ್ಕ್ ಬ್ರೇಕ್ ಅನ್ನು ಹೊಂದಿದೆ. ಇದರ ಜೊತೆಗೆ ಹೆಚ್ಚಿನ ಸುರಕ್ಷತೆಗಾಗಿ ಡ್ಯುಯಲ್-ಚಾನೆಲ್ ಎಬಿಎಸ್ ಸಿಸ್ಟಮ್‌ ಅನ್ನು ನೀಡಲಾಗಿದೆ.

ಈ ಟ್ರಯಂಫ್ ಡೇಟೋನ್ 660 ಬೈಕಿನಲ್ಲಿ17-ಇಂಚಿನ Y-ಆಕಾರದ ಕ್ಯಾಸ್ಟ್ ಅಲ್ಯೂಮಿನಿಯಂ ಐದು-ಸ್ಪೋಕ್ ಬ್ಲ್ಯಾಕ್ ಅಲಾಯ್ ವ್ಹೀಲ್ ಗಳಲ್ಲಿ ಮುಂಭಾಗ 120/70 ಮತ್ತು ಹಿಂಭಾಗ 180/55 ರಬ್ಬರ್‌ನಲ್ಲಿ ಸುತ್ತುತ್ತದೆ. ಈ ಬೈಕ್ 810 ಎಂಎಂ ಸೀಟ್ ಎತ್ತರವನ್ನು ಹೊಂದಿದೆ. ಟ್ರಯಂಫ್ ಡೇಟೋನಾ 660 ಹಳೆಯ ಡೇಟೋನಾ 675 ಮಾದರಿಯಿಂದ ಸಾಕಷ್ಟು ಅಂಶಗಳು ಸ್ಫೂರ್ತಿ ಪಡೆಯುತ್ತದೆ ಮತ್ತು ಅದರ 660 cc ಕೌಂಟರ್‌ಪಾರ್ಟ್‌ಗಳಿಗಿಂತ ಹೆಚ್ಚಿನ ಪರ್ಫಾಮೆನ್ಸ್ ಅನ್ನು ಹೊಂದಿದೆ.

Image Courtesy: Triumph Motorcycles Mumbai