Ola: ಪ್ರತಿ ಓಲಾ ಸ್ಕೂಟರ್ ಮಾಲೀಕ ತಿಳಿಯಲೇಬೇಕಾದ ಮಾಹಿತಿ... ಈಗಲೇ ಅಪ್‌ಡೇಟ್ ಮಾಡಿ

ಓಲಾ ಎಲೆಕ್ಟ್ರಿಕ್, ಹೊಸ ಮತ್ತು ಸುಧಾರಿತ ವೈಶಿಷ್ಟ್ಯಗಳೊಂದಿಗೆ ಬಹು ನಿರೀಕ್ಷಿತ ಮೂವ್ OS4 ನ ದೇಶವ್ಯಾಪಿ ರೋಲ್‌ಔಟ್ ಅನ್ನು ಪ್ರಕಟಿಸಿದೆ. ಈ ಮೂಲಕ ಎಲ್ಲಾ ಓಲಾ ಗ್ರಾಹಕರು ತಮ್ಮ ಸ್ಕೂಟರ್‌ಗಳ ಸಾಮರ್ಥ್ಯವನ್ನು ಅನ್‌ಲಾಕ್ ಮಾಡುವ ಓವರ್-ದಿ-ಏರ್ (OTA) ಅಪ್‌ಗ್ರೇಡ್‌ಗಳನ್ನು ಪಡೆಯಬಹುದು ಎಂದು ಕಂಪನಿ ಹೇಳಿದೆ.

ಏನಿದು MoveOS?: MoveOS ಎಂಬುದು ಓಲಾ ಸ್ಕೂಟರ್‌ಗಳಿಗಾಗಿ ನಿರ್ಮಿಸಲಾದ ಅತ್ಯಾಧುನಿಕ ಸಾಫ್ಟ್‌ವೇರ್ ಪ್ಲಾಟ್‌ಫಾರ್ಮ್‌ ಆಗಿದೆ. ಈ ಸಾಫ್ಟ್‌ವೇರ್‌ ಅನ್ನು ಕಂಪನಿಯು ತನ್ನ ಗ್ರಾಹಕರಿಗೆ ಭವಿಷ್ಯದಲ್ಲಿ ವಾಹನಗಳನ್ನು ಅಪ್‌ಡೇಟ್‌ ಮಾಡಲು ಮತ್ತು ಅವರ ಸವಾರಿ ಅನುಭವವನ್ನು ಹೆಚ್ಚಿಸಲು ಪ್ರತಿ ವರ್ಷ ಇದನ್ನು ಅಪ್‌ಡೇಟ್ ಮಾಡುತ್ತಾ ಬಂದಿದೆ.

ಈಗ MoveOS 4 ನೊಂದಿಗೆ, Ola S1 Gen 1 ಸ್ಕೂಟರ್ ಪೋರ್ಟ್‌ಫೋಲಿಯೊ, S1 Pro (2 ನೇ ಜನರೇಷನ್), ಮತ್ತು S1 ಏರ್‌ನಲ್ಲಿ ಈ ಅಪ್‌ಡೇಟ್‌ ಮೂಲಕ ಒಟ್ಟು 100 ಕ್ಕೂ ಹೆಚ್ಚು ವೈಶಿಷ್ಟ್ಯಗಳು ಮತ್ತು ಸುಧಾರಣೆಗಳನ್ನು ಪಡೆಯಬಹುದು. ಕಂಪನಿಯ ಪ್ರಕಾರ S1 X+ ಮಾತ್ರ ಮುಂಬರುವ ತಿಂಗಳುಗಳಲ್ಲಿ ಈ ಅಪ್‌ಡೇಟ್‌ ಅನ್ನು ಪಡೆಯುತ್ತದೆ ಎಂದು ತಿಳಿಸಿದೆ.

ಪ್ರಮುಖ ಅಪ್‌ಡೇಟ್‌ಗಳು:
ಓಲಾ ಮ್ಯಾಪ್ಸ್: MoveOS 4 ಓಲಾ ನ್ಯಾವಿಗೇಷನ್ ಅನ್ನು ಸಂಪೂರ್ಣ ಹೊಸ ಮಟ್ಟಕ್ಕೆ ಕೊಂಡೊಯ್ದಿದೆ. ಸುಧಾರಿತ ರೂಟಿಂಗ್‌ನೊಂದಿಗೆ ನಿಖರವಾದ ದಾರಿಯನ್ನು ತೋರುತ್ತದೆ. ಇದರ ಯೂಸರ್ ಇಂಟರ್ಫೇಸ್ ನ್ಯಾವಿಗೇಷನ್ ಸ್ಕ್ರೀನ್ ಬಿಡದೆಯೇ ಅಗತ್ಯ ಫೀಚರ್‌ಗಳನ್ನು ಓಪನ್ ಮಾಡಲು ಅನುಮತಿಸುತ್ತದೆ. ಬ್ಲೂಟೂತ್ ಮೂಲಕ ತಮ್ಮ ಫೋನ್‌ನಿಂದ ಸ್ಕೂಟರ್‌ಗೆ ಲೊಕೇಷನ್ ಷೇರ್ ಮಾಡಬಹುದು ಮತ್ತು ಓಲಾ ಎಲೆಕ್ಟ್ರಿಕ್ ಅಪ್ಲಿಕೇಶನ್‌ನಿಂದ ಸ್ಕೂಟರ್ ಅನ್ನು ಪತ್ತೆಹಚ್ಚಬಹುದು.

ವರ್ಧಿತ ಫೀಚರ್‌ಗಳು: ಹಿಲ್ ಡಿಸೆಂಟ್ ಕಂಟ್ರೋಲ್'ಗೆ ಗಮನಾರ್ಹ ಸುಧಾರಣೆಗಳು ಮತ್ತು 'ಕ್ರೂಸ್ ಕಂಟ್ರೋಲ್ ಇನ್ ಇಕೋ-ಮೋಡ್' ಪರಿಚಯಿಸಲಾಗಿದೆ. ಅಪ್‌ಗ್ರೇಡ್ ಸುವ್ಯವಸ್ಥಿತ ಮತ್ತು ಮುಕ್ತ ಸಂವಹನಕ್ಕಾಗಿ 'Favorites-Only Calling', ಟ್ರಿಪ್ ಟ್ರ್ಯಾಕಿಂಗ್‌ಗಾಗಿ 'ಮರುಹೊಂದಿಸಬಹುದಾದ ಟ್ರಿಪ್‌ಮೀಟರ್‌ಗಳು' ಮತ್ತು "ಮೂಡ್ಸ್" ವೈಶಿಷ್ಟ್ಯವನ್ನು ಪರಿಚಯಿಸಲಾಗಿದೆ.

MoveOS 4 ಅಪ್‌ಗ್ರೇಡ್ ಹೊಸ "ಕೇರ್" ಮೂಡ್ ಅನ್ನು ಸಹ ಒಳಗೊಂಡಿದೆ. ಇದು C02 ಉಳಿತಾಯ ಮತ್ತು ಆನ್ ಸ್ಕ್ರೀನ್ ವಿಜೆಟ್‌ಗಳ ಮೂಲಕ ವೆಚ್ಚ ಉಳಿತಾಯದ ಬಗ್ಗೆ ನೈಜ ಸಮಯದ ಮಾಹಿತಿಯ ಮೂಲಕ Ola ಎಲೆಕ್ಟ್ರಿಕ್ ಮಿಷನ್‌ನೊಂದಿಗೆ ಸಂಪರ್ಕಿಸಲು ಅನುಮತಿಸುತ್ತದೆ. MoveOS 4 'ಕನ್ಸರ್ಟ್ ಮೋಡ್' ಅನ್ನು ಸಹ ಪಡೆದಿದೆ, ಇದು ಹೋಸ್ಟ್ ಬಳಕೆದಾರರಿಗೆ ಬಹು Ola ಸ್ಕೂಟರ್‌ಗಳಲ್ಲಿ ಸಿಂಕ್ರೊನೈಸ್ ಮಾಡಿ ಸಂಗೀತವನ್ನು ಪ್ಲೇ ಮಾಡಬಹುದು.

ಸುಧಾರಿತ ಓಲಾ ಎಲೆಕ್ಟ್ರಿಕ್ ಅಪ್ಲಿಕೇಶನ್: MoveOS4 ಓಲಾ ಎಲೆಕ್ಟ್ರಿಕ್ ಅಪ್ಲಿಕೇಶನ್‌ನಲ್ಲಿ ಹೊಸ 'ರೈಡ್ ಜರ್ನಲ್' ಅನ್ನು ಪರಿಚಯಿಸಿದೆ. ಕಂಪ್ಯಾನಿಯನ್ ಅಪ್ಲಿಕೇಶನ್ (CApp) ಬಳಕೆದಾರರು ತಮ್ಮ ಸವಾರಿ ಮೈಲಿಗಲ್ಲುಗಳು ಮತ್ತು ಬ್ಯಾಡ್ಜ್‌ಗಳನ್ನು ಹಂಚಿಕೊಳ್ಳಲು ಅನುವು ಮಾಡಿಕೊಡುತ್ತದೆ. ರೇಂಜ್ ಸುಧಾರಿಸಲು ಬಳಕೆದಾರರು ರೈಡ್ ಮೆಟ್ರಿಕ್‌ಗಳು ಮತ್ತು ಚಾರ್ಜಿಂಗ್ ಮತ್ತು ರೈಡಿಂಗ್ ಆಧಾರಿತ ಪವರ್ ಇನ್‌ಸೈಟ್‌ಗಳನ್ನು ಸಹ ವೀಕ್ಷಿಸಬಹುದು.

ಪ್ರಮುಖ ಸ್ಕೂಟರ್ ಮಾಹಿತಿ ಮತ್ತು ಸಾಮಾನ್ಯವಾಗಿ ಬಳಸುವ ಕ್ರಿಯೆಗಳಿಗೆ ತ್ವರಿತ ಪ್ರವೇಶಕ್ಕಾಗಿ CApp ಈಗ 'ಡಾರ್ಕ್ ಮೋಡ್' ಆಯ್ಕೆ ಮತ್ತು ಅನುಕೂಲಕರ ಫೋನ್ ವಿಜೆಟ್‌ಗಳನ್ನು ನೀಡುತ್ತದೆ. ಈ ಅಪ್‌ಗ್ರೇಡ್ CApp ಮೂಲಕ OTA ಸಾಫ್ಟ್‌ವೇರ್ ನವೀಕರಣಗಳನ್ನು ಸುಗಮಗೊಳಿಸುತ್ತದೆ. ಇದು ಗೌಪ್ಯತೆ ಮತ್ತು ಭದ್ರತೆಯನ್ನು ಹೆಚ್ಚಿಸುವ ಬಯೋಮೆಟ್ರಿಕ್ ಲಾಕ್ ಆಯ್ಕೆಗಳೊಂದಿಗೆ (ಫೇಸ್ ಐಡಿ ಅಥವಾ ಫಿಂಗರ್‌ಪ್ರಿಂಟ್) ಭದ್ರತೆಯನ್ನು ಹೆಚ್ಚಿಸುತ್ತದೆ.

ಮಾಲೀಕತ್ವದ ಅನುಭವ: MoveOS4 ಜಿಯೋಫೆನ್ಸಿಂಗ್ ಮತ್ತು ಟೈಮ್‌ಫೆನ್ಸಿಂಗ್‌ನಂತಹ ವೈಶಿಷ್ಟ್ಯಗಳನ್ನು ಸ್ಕೂಟರ್‌ಗೆ ನಿರ್ದಿಷ್ಟ ಕಾರ್ಯಾಚರಣಾ ಪ್ರದೇಶಗಳು ಮತ್ತು ಸಮಯದ ಚೌಕಟ್ಟುಗಳನ್ನು ನೋಡಲು ಅನುವು ಮಾಡಿಕೊಡುತ್ತದೆ. AI ನಿಂದ ಚಾಲಿತವಾಗಿರುವ 'ಟ್ಯಾಂಪರ್ ಡಿಟೆಕ್ಷನ್' ಮತ್ತು 'ಫಾಲ್ ಡಿಟೆಕ್ಷನ್', ಅನಧಿಕೃತ ಟ್ಯಾಂಪರಿಂಗ್ ಪತ್ತೆಯಾದಲ್ಲಿ CApp ನಲ್ಲಿ ಬಳಕೆದಾರರನ್ನು ಎಚ್ಚರಿಸುತ್ತದೆ. ಅಲ್ಲದೇ, ಮರೆತುಹೋದ ಪಾಸ್‌ಕೋಡ್‌ಗಳನ್ನು ಮರುಪಡೆಯಲು ಬ್ಲೂಟೂತ್ ಅಥವಾ ಕ್ಲೌಡ್ ಮೂಲಕ ಪಾಸ್‌ಕೋಡ್ ಮರುಹೊಂದಿಸುವ ಆಯ್ಕೆಯನ್ನು ಪರಿಚಯಿಸಿದೆ.