Ola: ಏಪ್ರಿಲ್‌ನಲ್ಲಿ ಓಲಾ ಸ್ಕೂಟರ್‌ಗಳ ಅಬ್ಬರ: ಶೇ52 ರಷ್ಟು ಮಾರುಕಟ್ಟೆ ಪ್ರಾಬಲ್ಯ!

ಓಲಾ ಎಲೆಕ್ಟ್ರಿಕ್, ಏಪ್ರಿಲ್ 2024 ರಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ವಿಭಾಗದಲ್ಲಿ ಶೇ52 ಕ್ಕಿಂತ ಹೆಚ್ಚು ಮಾರುಕಟ್ಟೆ ಪಾಲನ್ನು ವಶಪಡಿಸಿಕೊಂಡಿರುವುದಾಗಿ ಘೋಷಿಸಿದೆ. ಈ ಮೂಲಕ ಭಾರತದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಮಾರುಕಟ್ಟೆ ನಾಯಕನಾಗಿ ತನ್ನ ಸ್ಥಾನವನ್ನು ಮತ್ತಷ್ಟು ಭದ್ರಪಡಿಸಿಕೊಂಡಿದೆ ಎಂದು ಹೇಳಬಹುದು.

ಓಲಾ ಎಲೆಕ್ಟ್ರಿಕ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್‌ನ ಮುಖ್ಯ ಮಾರ್ಕೆಟಿಂಗ್ ಅಧಿಕಾರಿ ಅನ್ಶುಲ್ ಖಂಡೇಲ್ವಾಲ್ ಮಾತನಾಡಿ, ಕಂಪನಿಯು ಏಪ್ರಿಲ್ ತಿಂಗಳಲ್ಲಿ 34,000 ನೋಂದಣಿಗಳನ್ನು (ಸರ್ಕಾರದ ವಾಹನ್ ಪೋರ್ಟಲ್ ಪ್ರಕಾರ) ದಾಖಲಿಸಿದೆ. ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿಕೊಂಡರೆ ಶೇ54 ರಷ್ಟು ವಾರ್ಷಿಕ ಬೆಳವಣಿಗೆಯನ್ನು ದಾಖಲಿಸಿದೆ. "ಇದು ಆರ್ಥಿಕ ವರ್ಷ 2025 ಕ್ಕೆ ಅಸಾಧಾರಣ ಆರಂಭವಾಗಿದೆ, ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ವಿಭಾಗದಲ್ಲಿ ನಮ್ಮ ಮಾರುಕಟ್ಟೆ ಪಾಲು ಶೇ52 ಮಾರ್ಕ್ ಅನ್ನು ದಾಟಿದೆ. ನಮ್ಮ ವಿಶಾಲವಾದ ಇವಿ ಸ್ಕೂಟರ್ ಪೋರ್ಟ್ಫೋಲಿಯೊದೊಂದಿಗೆ ಏಪ್ರಿಲ್ ತಿಂಗಳಲ್ಲಿ ನಮ್ಮ ಎರಡನೇ ಸಾರ್ವಕಾಲಿಕ ಹೆಚ್ಚಿನ ನೋಂದಣಿಗಳನ್ನು ದಾಖಲಿಸಿದ್ದೇವೆ ಎಂದರು.

ನಮ್ಮ ದೃಢವಾದ ವೆಚ್ಚದ ರಚನೆಗಳು ಮತ್ತು ಉತ್ತಮ ಸಂಯೋಜಿತ ಉತ್ಪಾದನಾ ಸಾಮರ್ಥ್ಯಗಳು ನಮ್ಮ ಮಾರುಕಟ್ಟೆ ಪಾಲನ್ನು ಹೆಚ್ಚಿಸಲು ಒಟ್ಟಾಗಿ ಕೊಡುಗೆ ನೀಡಿವೆ. ನಮ್ಮ ಹೊಸ S1 X ಇವಿ ಸ್ಕೂಟರ್ ವಿತರಣೆಗಳು ಶೀಘ್ರದಲ್ಲೇ ಪ್ರಾರಂಭವಾಗುವುದರೊಂದಿಗೆ, ನಾವು ಭಾರತದಲ್ಲಿ ಸಮೂಹ ಮಾರುಕಟ್ಟೆ 2W EV ವಿಭಾಗವನ್ನು ಪ್ರವೇಶಿಸಲು ಸಿದ್ಧರಾಗಿದ್ದೇವೆ ಮತ್ತು ಉತ್ಸುಕರಾಗಿದ್ದೇವೆ ವಿಶ್ವಾಸ ವ್ಯಕ್ತಪಡಿಸಿದರು.

ಓಲಾ ಪೋರ್ಟ್‌ಫೋಲಿಯೋ: Ola ಎಲೆಕ್ಟ್ರಿಕ್ ಇತ್ತೀಚೆಗೆ ಸಮೂಹ-ಮಾರುಕಟ್ಟೆ ವಿಭಾಗಕ್ಕೆ ತನ್ನ ಪ್ರವೇಶವನ್ನು ಗುರುತಿಸಿದೆ. ಅದರ S1 X ಪೋರ್ಟ್‌ಫೋಲಿಯೊಗೆ ಹೊಸ ಬೆಲೆಗಳನ್ನು ಘೋಷಿಸಿದೆ. ಮೂರು ಬ್ಯಾಟರಿ ಕಾನ್ಫಿಗರೇಶನ್‌ಗಳಲ್ಲಿ (2 kWh, 3 kWh, ಮತ್ತು 4 kWh) ಲಭ್ಯವಿದ್ದು, ಸ್ಕೂಟರ್ ಈಗ ಕ್ರಮವಾಗಿ ರೂ. 69,999 (ಪರಿಚಯಾತ್ಮಕ ಬೆಲೆ), ರೂ. 84,999 ಮತ್ತು ರೂ. 99,999 ಬೆಲೆಗಳಲ್ಲಿ ಲಭ್ಯವಾಗಲಿದೆ.

ಹೊಸ S1 X ಇವಿ ಸ್ಕೂಟರ್ ವಿತರಣೆಗಳು ಶೀಘ್ರದಲ್ಲೇ ಪ್ರಾರಂಭವಾಗಲಿವೆ. ಉಳಿದಂತೆ ಕಂಪನಿಯು ತನ್ನ ಪ್ರೀಮಿಯಂ ಕೊಡುಗೆಗಳಾದ S1 Pro, S1 Air ಮತ್ತು S1 X+ ಬೆಲೆಗಳನ್ನು ಕ್ರಮವಾಗಿ ರೂ. 1,29,999, ರೂ. 1,04,999 ಮತ್ತು ರೂ. 84,999 ಗೆ ಪರಿಷ್ಕರಿಸಿದೆ. Ola ಎಲೆಕ್ಟ್ರಿಕ್ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಸಂಪೂರ್ಣ ಶ್ರೇಣಿಯ ಉತ್ಪನ್ನಗಳಿಗೆ 8 - ವರ್ಷ ಅಥವಾ 80,000 ಕಿ.ಮೀ ವಿಸ್ತೃತ ಬ್ಯಾಟರಿ ಖಾತರಿಯನ್ನು ನೀಡುತ್ತಿದೆ. Ola Electric ವಾಹನಗಳ ಜೀವಿತಾವಧಿಯನ್ನು ವಿಸ್ತರಿಸುವ ಮೂಲಕ EV ವಾಹನಗಳ ಖರೀದಿಗೆ ಯಾವುದೇ ಅಡೆತಡೆಗಳಿಲ್ಲದೇ ಮಾಡಲಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಗ್ರಾಹಕರು ಆಡ್ - ಆನ್ ವಾರಂಟಿಯನ್ನು ಆರಿಸಿಕೊಳ್ಳಬಹುದು ಮತ್ತು 1,00,000 ಕಿ.ಮೀ ವರೆಗೆ ಪ್ರಯಾಣಿಸುವ ಕಿ.ಮೀ ಮೇಲಿನ ಮಿತಿಯನ್ನು ರೂ. 4,999 ಮತ್ತು 1,25,000 ಕಿ.ಮೀ ವರೆಗೆ ರೂ. 12,999 ಕ್ಕೆ ಹೆಚ್ಚಿಸಬಹುದು. ಓಲಾ ಎಲೆಕ್ಟ್ರಿಕ್ 3KW ವೇಗದ ಚಾರ್ಜರ್ ಪರಿಕರವನ್ನು ಸಹ ಪರಿಚಯಿಸಿದ್ದು, ಇದು ರೂ. 29,999 ನಲ್ಲಿ ಖರೀದಿಸಲು ಲಭ್ಯವಿದೆ.

ಸದ್ಯ ದೇಶದಲ್ಲಿ ಸಾಲು ಸಾಲು ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಕಂಪನಿಗಳು ಹುಟ್ಟಿಕೊಳ್ಳುತ್ತಿವೆ. ಇನ್ನೊಂದೆಡೆ ದೊಡ್ಡ ಬ್ರಾಂಡ್‌ಗಳಾದ ಟಿವಿಎಸ್, ಬಜಾಜ್, ಹೀರೋ ಕಂಪನಿಗಳ ಇವಿ ಸ್ಕೂಟರ್‌ಗಳ ಪೈಪೋಟಿ ನಡುವೆಯೂ ಓಲಾ ತನ್ನ ಮಾರಾಟವನ್ನು ಸ್ಥಿರವಾಗಿ ಉಳಿಸಿಕೊಂಡು ಅಗ್ರಸ್ಥಾನ ಕಾಯ್ದುಕೊಂಡಿದೆ. ಓಲಾ ಸ್ಕೂಟರ್‌ಗಳ ಕುರಿತು ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.