ಓಲಾ ಕ್ರಾಂತಿ: 190km ರೇಂಜ್ ನೀಡುವ ಹೊಸ ರೂಪಾಂತರ ಬಿಡುಗಡೆ: ಚಾರ್ಜಿಂಗ್, ಸರ್ವಿಸ್ ನೆಟ್‌ವರ್ಕ್ ವಿಸ್ತರಣೆ

ಭಾರತದಲ್ಲಿ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳ ಅಬ್ಬರ ಶುರುವಾಗಿದೆ. ಓಲಾ, ಟಿವಿಎಸ್, ಹೀರೋ ಹಾಗೂ ಎಥರ್ ಸೇರಿದಂತೆ ವಿವಿಧ ಕಂಪನಿಗಳು ತಮ್ಮ ಇ-ಸ್ಕೂಟರ್ ಹಾಗೂ ಇ-ಬೈಕ್ ಗಳನ್ನು ಸೇಲ್ ಮಾಡುತ್ತಿವೆ. ಈ ನಡುವೆ ಓಲಾ ಎಲೆಕ್ಟ್ರಿಕ್ ತನ್ನ ಇವಿ ಚಾರ್ಜಿಂಗ್ ಅನ್ನು ಹೆಚ್ಚಿಸುವುದರ ಜೊತೆಗೆ ಗ್ರಾಹಕರಿಗೆ ನೆರವಾಗಲು ಭಾರತದಾದ್ಯಂತ ತನ್ನ ಸರ್ವಿಸ್ ಸೆಂಟರ್‌ಗಳ ಸಂಖ್ಯೆಯನ್ನು ಹೆಚ್ಚಿಸುವುದಾಗಿ ಘೋಷಿಸಿದೆ.

ಓಲಾ ಕಂಪನಿಯು S1X ಎಲೆಕ್ಟ್ರಿಕ್ ಸ್ಕೂಟರ್‌ನ ಹೊಸ ರೂಪಾಂತರವನ್ನು ಬಿಡುಗಡೆಗೊಳಿಸಿದೆ. ಇದು 4kWh ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ. ಈ ಹೊಸ ಓಲಾ S1 X 4kWh (Ola S1 X 4kWh) ರೂಪಾಂತರದ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.1,09,999 ಆಗಿದೆ. ಈ ಹೊಸ ಓಲಾ S1 X 4kWh ರೂಪಾಂತರದ ವಿತರಣೆಯು ಏಪ್ರಿಲ್‌ ತಿಂಗಳಿನಲ್ಲಿ ಪ್ರಾರಂಭವಾಗುತ್ತವೆ.

ಈ ಹೊಸ ಮಾದರಿಯಲ್ಲಿ ಓಲಾ S1 Pro ಸ್ಕೂಟರ್‌ನಲ್ಲಿ ಕಂಡುಬರುವ ಅದೇ ಬ್ಯಾಟರಿ ಪ್ಯಾಕ್ ಅನ್ನು ನೀಡುತ್ತದೆ, ಇದು ಸಿಂಗಲ್ ಚಾರ್ಜ್‌ನಲ್ಲಿ 190 ಕಿಲೋಮೀಟರ್‌ಗಳ ರೇಂಜ್ ಅನ್ನು ನೀಡುತ್ತದೆ. ಇದು ಇಲ್ಲಿಯವರೆಗಿನ ಓಲಾನ ಅತ್ಯಂತ ದುಬಾರಿ ಮತ್ತು ವೈಶಿಷ್ಟ್ಯ-ಲೋಡ್ ಮಾಡೆಲ್ S1 ಪ್ರೊಗೆ ಸಮನಾಗಿರುತ್ತದೆ. ಬ್ಯಾಟರಿ ಪ್ಯಾಕ್ ಅನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು ಆರೂವರೆ ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಈ ರೂಪಾಂತರವು 112 ಕಿಲೋಗ್ರಾಂಗಳಷ್ಟು ತೂಕವನ್ನು ಹೊಂದಿದೆ.

ಇದು S1 X ಶ್ರೇಣಿಯ ಅತ್ಯಂತ ಭಾರವಾದ ಸ್ಕೂಟರ್ ಆಗಿದ್ದು, 3.3 ಸೆಕೆಂಡ್‌ಗಳಲ್ಲಿ 0-40 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಇನ್ನು ಇದು 90 ಕಿ.ಮೀ ಟಾಪ್ ಸ್ಪೀಡ್ ಅನ್ನು ಹೊಂದಿರುತ್ತದೆ. ಓಲಾ ಎಲೆಕ್ಟ್ರಿಕ್ ಇಂದು (ಫೆಬ್ರವರಿ 2) ಭಾರತದಾದ್ಯಂತ ತನ್ನ ಸರ್ವಿಸ್ ನೆಟ್‌ವರ್ಕ್ ಅನ್ನು ಸುಧಾರಿಸಲು ಮತ್ತು ಮುಂದಿನ ಕೆಲವು ತಿಂಗಳುಗಳಲ್ಲಿ ತನ್ನ ಗ್ರಾಹಕರಿಗೆ ವ್ಯಾಪಕವಾದ ಇವಿ ಚಾರ್ಜಿಂಗ್ ನೆಟ್‌ವರ್ಕ್ ಅನ್ನು ಒದಗಿಸಲು ಪ್ರಮುಖ ಉಪಕ್ರಮಗಳನ್ನು ಘೋಷಿಸಿದೆ.

ಓಲಾ ಎಲೆಕ್ಟ್ರಿಕ್‌ನ ಸಿಇಒ ಮತ್ತು ಸಂಸ್ಥಾಪಕರಾದ ಭವಿಶ್ ಅಗರ್ವಾಲ್, ಭಾರತದ ಅತಿದೊಡ್ಡ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯು ತನ್ನ ಸರ್ವಿಸ್ ಸೆಂಟರ್‌ಗಳನ್ನು ಶೇಕಡಾ 50 ರಷ್ಟು ಹೆಚ್ಚಿಸಲಿದೆ ಮತ್ತು ಮುಂದಿನ ತ್ರೈಮಾಸಿಕದೊಳಗೆ ಹೈಪರ್‌ಚಾರ್ಜರ್ ನೆಟ್‌ವರ್ಕ್ ಅನ್ನು ಒಂಬತ್ತು ಪಟ್ಟು ವಿಸ್ತರಿಸಲಿದೆ ಎಂದು ಹೇಳಿದರು. ಓಲಾ ಪ್ರಸ್ತುತ ದೇಶಾದ್ಯಂತ ಸುಮಾರು 400 ಸರ್ವಿಸ್ ಸೆಂಟರ್‌ಗಳನ್ನು ಹೊಂದಿವೆ ಮತ್ತು ಸುಮಾರು 1,000 ಇವಿ ಚಾರ್ಜರ್‌ಗಳನ್ನು ಹೊಂದಿದೆ.

ಇಂದು ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಅಗರ್ವಾಲ್, ಇತ್ತೀಚಿನ ಮಾರಾಟದ ಹೆಚ್ಚಳವು ಇವಿ ತಯಾರಕರಿಗೆ ಸರ್ವಿಸ್ ಸೆಂಟರ್‌ಗಳ ಸಂಖ್ಯೆಯನ್ನು ಹೆಚ್ಚಿಸುವುದು ಅಗತ್ಯವಾಗಿದೆ ಎಂದು ಹೇಳಿದರು. ಓಲಾದ ಹೆಚ್ಚಿನ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಒಂದು ಅಥವಾ ಎರಡು ದಿನಗಳಲ್ಲಿ ಸರ್ವಿಸ್ ನೀಡುತ್ತೇವೆ. ಎಂದು ಅವರು ಹೇಳಿದರು, ಹೆಚ್ಚಿನ ಮಾರಾಟದ ಪ್ರಮಾಣದಿಂದಾಗಿ ಅಂತಹ ಕೇಂದ್ರಗಳಲ್ಲಿ ಸಾಕಷ್ಟು ರಶ್ ಇದೆ ಎಂದು ಅವರು ಒಪ್ಪಿಕೊಂಡರು.

ಓಲಾ ಎಲೆಕ್ಟ್ರಿಕ್ ಈ ವರ್ಷದ ಏಪ್ರಿಲ್ ವೇಳೆಗೆ ಭಾರತದಾದ್ಯಂತ ಇನ್ನೂ 200 ಸರ್ವಿಸ್ ಸೆಂಟರ್‌ಗಳನ್ನು ಸ್ಥಾಪಿಸಲಿದೆ. ಒಲಾ ಸರ್ವಿಸ್ ಸೆಂಟರ್‌ಗಳ ಒಟ್ಟಾರೆ ಸಂಖ್ಯೆ ಈಗ 600ಕ್ಕೆ ಏರಲಿದೆ. ಓಲಾ ಎಲೆಕ್ಟ್ರಿಕ್ ಮುಂಬರುವ ದಿನಗಳಲ್ಲಿ ತನ್ನ ಇವಿ ಚಾರ್ಜಿಂಗ್ ನೆಟ್‌ವರ್ಕ್ ಅನ್ನು ಬೃಹತ್ ಪ್ರಮಾಣದಲ್ಲಿ ಹೆಚ್ಚಿಸುವುದಾಗಿ ಘೋಷಿಸಿತು.

ಓಲಾ ಕಂಪನಿಯು ಪ್ರಸ್ತುತ ಸುಮಾರು 1,000 ಇವಿ ಚಾರ್ಜರ್‌ಗಳಿಂದ, ಮುಂದಿನ ತ್ರೈಮಾಸಿಕದ ವೇಳೆಗೆ ಸಂಖ್ಯೆಯನ್ನು 10,000 ಕ್ಕೆ ಹೆಚ್ಚಿಸುವ ಮಹತ್ವಾಕಾಂಕ್ಷೆಯ ಗುರಿಯನ್ನು ಹೊಂದಿದೆ. ಓಲಾ ಎಲೆಕ್ಟ್ರಿಕ್ ಓಲಾ ಹೈಪರ್ಚಾರ್ಜರ್ ನೆಟ್‌ವರ್ಕ್ ಅನ್ನು ಸ್ಥಾಪಿಸಿದೆ, ಇದು ಮೂಲತಃ ಅದರ ಫಾಸ್ಟ್ ಚಾರ್ಜರ್‌ಗಳ ಆವೃತ್ತಿಯಾಗಿದೆ. ಎಲೆಕ್ಟ್ರಿಕ್ ಸ್ಕೂಟರ್ ರೇಂಜ್ ಆತಂಕದಲ್ಲಿರುವ ಗ್ರಾಹಕರಿಗೆ ಸಹಾಯ ಮಾಡಲು, ಓಲಾ ಎಲೆಕ್ಟ್ರಿಕ್ ಈಗ ತನ್ನ ಪೋರ್ಟಬಲ್ ಫಾಸ್ಟ್ ಚಾರ್ಜರ್‌ಗಳನ್ನು ತಮ್ಮ ಗ್ರಾಹಕರಿಗೆ ಮಾರಾಟ ಮಾಡುವುದಾಗಿ ಘೋಷಿಸಿದೆ.

ಚಾರ್ಜಿಂಗ್ ಅನುಕೂಲಕ್ಕಾಗಿ ಈ ಚಾರ್ಜರ್‌ಗಳನ್ನು ಮನೆ ಅಥವಾ ಕಚೇರಿಯಲ್ಲಿ ಹೊಂದಿಸಬಹುದು. ಒಲಾದಿಂದ ಪೋರ್ಟಬಲ್ ಫಾಸ್ಟ್ ಚಾರ್ಜರ್ ಅನ್ನು ರೂ.30,000 ದರದಲ್ಲಿ ಖರೀದಿಸಲು ಸಾಧ್ಯವಾಗುತ್ತದೆ. ಈ ಇವಿ ಫಾಸ್ಟ್ ಚಾರ್ಜರ್‌ಗಳ ಖರೀದಿಗಾಗಿ ಬುಕ್ಕಿಂಗ್ ಪ್ರಾರಂಭಿಸಿದೆ. ಓಲಾ ಎಲೆಕ್ಟ್ರಿಕ್ ಕಂಪನಿಯು ಪ್ರಸ್ತುತ ಮಾರಾಟ ಮಾಡುತ್ತಿರುವ ಮಾದರಿಗಳ ಮೂಲಕ ಕೆಲವು ಹೊಸ ರೂಪಾಂತರಗಳನ್ನು ಗ್ರಾಹಕರಿಂದ ಬೇಡಿಕೆಗಳನ್ನು ಪೂರೈಸಲು ಘೋಷಿಸಿದೆ.