ಕಡಿಮೆ ಬೆಲೆಯ 400cc ಬೈಕ್‌ ಈಗ ಬಜಾಜ್‌ನಲ್ಲೇ ನಂಬರ್‌ 1: ಭರ್ಜರಿ ಮಾರಾಟವಾಗುತ್ತಿದೆ, ಭಾರತೀಯ ಬ್ರ್ಯಾಂಡ್!

ಭಾರತದಲ್ಲಿ ಬಜಾಜ್‌ನ ಪಲ್ಸರ್‌ ಸರಣಿಯ ಬೈಕ್‌ಗಳಿಗೆ ತನ್ನದೇ ಆದ ಮಾರುಕಟ್ಟೆಯಿದೆ. ಅಭಿಮಾನಿಗಳು ಒಮ್ಮೆ ಈ ಬೈಕ್‌ಗಳನ್ನು ಓಡಿಸಿದರೆ ಮತ್ತೆ ಬೇರೆ ಬೈಕ್‌ಗಳನ್ನು ಓಡಿಸಲು ಇಷ್ಟ ಪಡುವುದಿಲ್ಲ ಎಂಬ ಮಾತುಗಳನ್ನು ಹೇಳುತ್ತಿದ್ದ ಕಾಲವೊಂದಿತ್ತು. ಅಷ್ಟರ ಮಟ್ಟಿಗೆ ಈ ಕಂಪನಿಯ ಬೈಕ್‌ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಪ್ರಸಿದ್ದಿಯನ್ನು ಪಡೆದಿದೆ. ಇನ್ನು ಕೆಲವು ತಿಂಗಳ ಹಿಂದೆಯಷ್ಟೇ ಬಜಾಜ್‌ ಭಾರತೀಯ ಮಾರುಕಟ್ಟೆಯಲ್ಲಿ ಪಲ್ಸರ್‌ NS400Z ಎಂಬ ಹೊಸ 400cc ಪಲ್ಸರ್‌ ಅನ್ನು ಕಡಿಮೆ ಬೆಲೆಗೆ ಲಾಂಚ್ ಮಾಡಿತ್ತು. ಇದೀಗ ಈ ಸೆಗ್ಮೆಂಟ್‌ನಲ್ಲಿ ಈ ಬೈಕ್‌ ಬಜಾಜ್‌ನ ನಂಬರ್‌ 1 ಬೈಕಾಗಿ ಹೊರ ಹೊಮ್ಮಿದೆ.

1.85 ಲಕ್ಷ (ಎಕ್ಸ್‌.ಶೋ) ಪಲ್ಸರ್ NS400Z (Pulsar NS400Z) ಆಕರ್ಷಕ ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದ್ದು, ಇತರ ಬಜಾಜ್-ಮೈತ್ರಿಕೂಟ 400cc ಮೋಟಾರ್‌ಸೈಕಲ್‌ಗಳ ಮಾರಾಟವನ್ನು ಮೀರಿಸಿದೆ. ಟ್ರಯಂಫ್, ಕೆಟಿಎಂ ಮತ್ತು ಹಸ್ಕ್ವರ್ನಾ ಜೊತೆಗಿನ ಬಜಾಜ್‌ನ ಸ್ವಂತ ಮೈತ್ರಿಯಿಂದ ಪಲ್ಸರ್ NS400Z ಮತ್ತು ಇತರ 400cc ಮೋಟಾರ್‌ಸೈಕಲ್‌ಗಳನ್ನು ಈ ಬೈಕ್‌ ಮೀರಿಸಿದೆ.

ಇಷ್ಟು ಮಾತ್ರವಲ್ಲದೇ ಜೂನ್ 2024 ರಲ್ಲಿ, ಬಜಾಜ್ ಪಲ್ಸರ್ NS400Z 2,515 ಯುನಿಟ್‌ಗಳನ್ನು ಮಾರಾಟ ಮಾಡಿತು ಮತ್ತು ಟ್ರಯಂಫ್ ಸ್ಪೀಡ್ 400, ಕೆಟಿಎಂ 390 ಲೈನ್‌ಅಪ್, ಬಜಾಜ್ ಡೊಮಿನಾರ್ 400 ಮತ್ತು ಹಸ್ಕ್ವರ್ನಾ ಸ್ವಾರ್ಟ್‌ಪಿಲೆನ್ 400 ರಂತಹವುಗಳಲ್ಲಿ ಅಗ್ರ ಸ್ಥಾನವನ್ನು ಪಡೆದುಕೊಂಡಿತು.

2,515 ಯುನಿಟ್‌ಗಳನ್ನು ಮಾರಾಟ ಮಾಡುವುದರೊಂದಿಗೆ, ಬಜಾಜ್ ಪಲ್ಸರ್ NS400Z ಈ ಪಟ್ಟಿಯಲ್ಲಿ 43.28% ಮಾರುಕಟ್ಟೆ ಪಾಲನ್ನು ಪಡೆದುಕೊಂಡಿದೆ. ಬಜಾಜ್ ಪಲ್ಸರ್ NS400Z ಅನ್ನು ಮೇ 2023 ರಲ್ಲಿ ಬಿಡುಗಡೆ ಮಾಡಿತು ಮತ್ತು ಆ ತಿಂಗಳಲ್ಲಿ ಅದು ಕೇವಲ 32 ಘಟಕಗಳನ್ನು ಮಾತ್ರ ಮಾರಾಟ ಮಾಡಿತು. ಆದರೆ ಇದೀಗ ಈ ಬೈಕ್ ಭಾರೀ ಬೇಡಿಕೆಯನ್ನು ಪಡೆದುಕೊಂಡಿದೆ.

2 ನೇ ಸ್ಥಾನದಲ್ಲಿ, ನಾವು ಸ್ಪೀಡ್ 400 ಮತ್ತು ಸ್ಕ್ರ್ಯಾಂಬ್ಲರ್ 400X ಸೇರಿದಂತೆ ಟ್ರಯಂಫ್ 400 ಶ್ರೇಣಿಯನ್ನು ನೊಡಬಹುದಾಗಿದೆ. ಒಟ್ಟಾಗಿ, ಅವರು 2,135 ಘಟಕಗಳನ್ನು ಮಾರಾಟ ಮಾಡಿದ್ದು ಈ ಪಟ್ಟಿಯಲ್ಲಿ 36.74% ಮಾರುಕಟ್ಟೆ ಪಾಲನ್ನು ಪಡೆದುಕೊಂಡಿದೆ. ಮೇ 2024 ರಲ್ಲಿ ಮಾರಾಟವಾದ 2,117 ಯುನಿಟ್‌ಗಳಿಗೆ ಹೋಲಿಸಿದರೆ, ಟ್ರಯಂಫ್ 400 0.85% MoM ಬೆಳವಣಿಗೆಯನ್ನು ದಾಖಲಿಸಿದೆ.

ಹೊಸ ಬಜಾಜ್ ಪಲ್ಸರ್ ಎನ್ಎಸ್400ಝಡ್ ಮೋಟಾರ್‌ಸೈಕಲ್‌, 373.3 ಸಿಸಿ ಸಿಂಗಲ್ ಸಿಲಿಂಡರ್ ಲಿಕ್ವಿಡ್-ಕೂಲ್ಡ್ ಪೆಟ್ರೋಲ್ ಎಂಜಿನ್ ಪಡೆದಿದ್ದು, 39.45 ಬಿಹೆಚ್‍ಪಿ ಗರಿಷ್ಠ ಪವರ್ (ಶಕ್ತಿ) ಮತ್ತು 35 ಎನ್ಎಂ ಪೀಕ್ ಟಾರ್ಕ್ ಉತ್ಪಾದಿಸುತ್ತದೆ. 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ ನೊಟ್ಟಿಗೆ ಅಸಿಸ್ಟ್ & ಸ್ಲಿಪ್ಪರ್ ಕ್ಲಚ್‌ನ್ನು ಒಳಗೊಂಡಿದೆ.

ಈ ಪಲ್ಸರ್ ಎನ್ಎಸ್400ಝಡ್ ಹೊಸದಾಗಿರುವ ಎಲ್‌ಸಿಡಿ ಸ್ಕ್ರೀನ್ ಹೊಂದಿದೆ. ಅಲ್ಲಿ ಬ್ಲೂಟೂತ್ ಮತ್ತು ಟರ್ನ್-ಬೈ-ಟರ್ನ್ ನ್ಯಾವಿಗೇಶನ್ ಆಯ್ಕೆಗಳನ್ನು ವೀಕ್ಷಿಸಬಹುದು. ರೈಡ್-ಬೈ-ವೈರ್ ಎಂಬ ತಂತ್ರಜ್ಞಾನದ ಭಾಗವಾಗಿ ರೋಡ್, ರೈನ್, ಸ್ಪೋರ್ಟ್ ಮತ್ತು ಆಫ್-ರೋಡ್ ಎಂಬ ರೈಡಿಂಗ್ ಮೋಡ್‌ನ್ನು ಒಳಗೊಂಡಿದೆ. ಜೊತೆಗೆ ಡುಯಲ್ ಚಾನೆಲ್ ABS (ಆಂಟಿಲಾಕ್ ಬ್ರೇಕಿಂಗ್ ಸಿಸ್ಟಮ್) ಅನ್ನು ಹೊಂದಿದೆ.

ಬಜಾಜ್ ಪಲ್ಸರ್‌‌ NS400Z ಬೈಕ್‌ನ ಎಕ್ಸ್ ಶೋ ರೂಮ್‌ ಬೆಲೆಯನ್ನು ನೋಡುವುದಾದರೆ 1,85,000 ರೂಗಳು. ಇದಕ್ಕೆ ಕರ್ನಾಟಕದ ಆರ್‌ಟಿಒ ಟ್ಯಾಕ್ಸ್‌ ನೋಡುವುದಾದರೆ ಅದು ಸುಮಾರು 14,800 ಲಕ್ಷ ರೂಪಾಯಿಗಳಷ್ಟು ಬರುತ್ತದೆ. ಈ ಬೈಕ್‌ನ ಇನ್ಸ್ಯುರೆನ್ಸ್‌ ಸುಮಾರು 5,272 ರೂಗಳು. ಇವೆಲ್ಲಾ ಸೇರಿ ಬೆಂಗಳೂರಿನಲ್ಲಿ ಬಜಾಜ್ ಪಲ್ಸರ್‌‌ NS400Z ಬೆಲೆ‌ ಸುಮಾರು 2,05,072 ರೂಗಳಷ್ಟಾಗುತ್ತದೆ.