ಆಕರ್ಷಕ ಬೆಲೆಯ ಹೊಸ ಟ್ರಯಂಫ್ ಸ್ಪೀಡ್ ಟಿ4 ಬೈಕ್ ರಿವ್ಯೂ ವಿಡಿಯೋ

ಜನಪ್ರಿಯ ಬ್ರಿಟಿಷ್ ದ್ವಿಚಕ್ರ ವಾಹನ ತಯಾರಾಕ ಕಂಪನಿಯಾದ ಟ್ರಯಂಫ್ (Triumph) ತನ್ನ ಸಿಂಗಲ್-ಸಿಲಿಂಡರ್ (300-500cc) ನಿಯೋ-ರೆಟ್ರೋ ಮಾದರಿಗಳಾದ ಸ್ಪೀಡ್ 400 ಮತ್ತು ಸ್ಕ್ರ್ಯಾಂಬ್ಲರ್ 400 ಎಕ್ಸ್‌ ಅನ್ನು ಒಂದು ವರ್ಷದ ಹಿಂದೆ ಬಿಡುಗಡೆಗೊಂಡಿತ್ತು. ಟ್ರಯಂಫ್ ಮಾಡರ್ನ್ ಕ್ಲಾಸಿಕ್‌ನ ಈ ಎರಡು ಬೈಕುಗಳು ಭಾರತದಲ್ಲಿ ಗ್ರಾಹಕರನ್ನು ಸೆಳೆಯುವಲ್ಲಿ ಒಂದು ಮಟ್ಟಿಗೆ ಯಶಸ್ವಿಯಾಗಿದೆ. ಇತ್ತೀಚೆಗೆ ಟ್ರಯಂಫ್ ಕಂಪನಿಯು ಸ್ಪೀಡ್ 400 ಜೊತೆ ಸ್ಪೀಡ್ T4 ಎಂಬ ಬೈಕನ್ನು ರೂ.2.17 ಲಕ್ಷ ಬೆಲೆಯಲ್ಲಿ (ಎಕ್ಸ್ ಶೋರೂಂ) ಬಿಡುಗಡೆಗೊಳಿಸಿತು. ಟ್ರಯಂಫ್ ತನ್ನ ಸ್ಪೀಡ್ T4 ಮಾದರಿಯನ್ನು ಸ್ಪೀಡ್ 400 ಬೈಕಿನಂತೆಯೇ ಬಹುತೇಕ ಹೋಲುವಂತೆ ಪರಿಚಯಿಸಲಾಗಿದೆ.

ಸ್ಪೀಡ್ T4 ಮಾದರಿಗೆ ಹೋಲಿಸಿದರೆ ಹೊಸ ಸ್ಪೀಡ್ T4 ಬೈಕಿಗೆ ಹೆಚ್ಚಿನ ಯಾಂತ್ರಿಕ ಬದಲಾವಣೆಗಳನ್ನು ಮಾಡಿಲ್ಲ. ಕೇವಲ ಪ್ರಮುಖ ಬದಲಾವಣೆಗಳೆಂದರೆ ಸಾಮಾನ್ಯ ಫೋರ್ಕ್‌ಗಳು ಮುಂಭಾಗದಲ್ಲಿ, ರೇರ್ ವ್ಯೂ ಮೀರರ್ಸ್ ಮತ್ತು ಸೈಡ್ ಪ್ಲೇಟ್‌ನಲ್ಲಿ ಸ್ಪೀಡ್ T4 ಬ್ಯಾಡ್ಜಿಂಗ್ ಹೊಂದಿದೆ. ಟ್ರಯಂಫ್ T4 ಬೈಕನ್ನು ನಾವು ಇತ್ತೀಚೆಗೆ ಬೆಂಗಳೂರಿನಲ್ಲಿ ರೈಡ್ ಮಾಡಿದ್ದೇವೆ. ಈ ಬೈಕಿನ ರೈಡಿಂಗ್ ಅನುಭವ ಮತ್ತು ಇದರ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯಲು ಈ ವೀಡಿಯೋ ನೋಡಿ.

ಹೊಸ ಟ್ರಯಂಫ್ ಸ್ಪೀಡ್ T4 (Triumph Speed T4) ಬೈಕ್ ಯಾಂತ್ರಿಕವಾಗಿ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ. ಮೊದಲ ಮತ್ತು ಸ್ಪಷ್ಟವಾಗಿ ಗೋಚರಿಸುವ ಮುಂಭಾಗದ ಫೋರ್ಕ್‌ಗಳು ಈಗ ಸಾಂಪ್ರದಾಯಿಕ ಟೆಲಿಸ್ಕೋಪಿಕ್ ಯುನಿಟ್ ಗಳಾಗಿದೆ. ಇನ್ನು ಸ್ಪೀಡ್ 400 ನಲ್ಲಿನ USD ಯುನಿಟ್‌ಗಳ ಬದಲಿಗೆ ಸ್ಟೀರಿಂಗ್ ಗೇಮುಟ್ರಿ ಸ್ವಲ್ಪ ಶಾರ್ಪ್ ಆಗಿ ನೀಡಲಾಗಿದೆ.

ಈ ಟ್ರಯಂಫ್ ಸ್ಪೀಡ್ T4 ಬೈಕಿನಲ್ಲಿ ತರ ಗೋಚರ ಬದಲಾವಣೆಯು ಈಗ MRF ಝಾಪರ್ಸ್ ಬಯಾಸ್-ಪ್ಲೈ ಯುನಿಟ್ ಗಳಾಗಿರುವ ಟೈರ್‌ಗಳ ರೂಪದಲ್ಲಿ ಬರುತ್ತದೆ ಮತ್ತು ಸ್ಪೀಡ್ 400 ನಲ್ಲಿ ಕಂಡುಬರುವ ರೇಡಿಯಲ್ ಯುನಿಟ್ ಗಳಲ್ಲ. ಹೊಸ T4 ರೇಡಿಯಲ್-ಮೌಂಟೆಡ್ ಫ್ರಂಟ್ ಬ್ರೇಕ್ ಕ್ಯಾಲಿಪರ್‌ಗಳು ಮತ್ತು ಹೊಂದಾಣಿಕೆ ಮಾಡಲಾಗದ ಬ್ರೇಕ್ ಲಿವರ್‌ಗಳನ್ನು ಸಹ ಹೊಂದಿದೆ.

ಮತ್ತೊಂದು ದೊಡ್ಡ ಬದಲಾವಣೆಯು ಎಂಜಿನ್‌ನಲ್ಲಿ ಬರುತ್ತದೆ, ಇದು ಡಿಟ್ಯೂನ್ ಮಾಡಲಾಗಿದೆ ಮತ್ತು ಟಾರ್ಕ್ ವಿತರಣೆಯಲ್ಲಿ ವ್ಯತ್ಯಾಸವಾಗಿದೆ. ಎಂಜಿನ್ 398cc, ಲಿಕ್ವಿಡ್-ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ 7,000rpm ನಲ್ಲಿ 30.6 bhp ಪವರ್ ಮತ್ತು 5,000rpm ನಲ್ಲಿ 36Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ 6-ಸ್ಪೀಡ್ ಗೇರ್‌ಬಾಕ್ಸ್‌ನ್ನು ಜೋಡಿಸಲಾಗಿದೆ.

ಇದನ್ನು ಸ್ಪೀಡ್ 400 ಹೋಲಿಸಿದರೆ 8.9bhp ಮತ್ತು ಸ್ಪೀಡ್ 400 ಗಿಂತ 1.5Nm ರಷ್ಟು ಟಾರ್ಕ್ ಕಡಿಮೆ ಆಗಿದೆ. ಇನ್ನು ಈ ಟ್ರಯಂಫ್ ಸ್ಪೀಡ್ T4 ಎಂಜಿನ್ ನೀಡುವ 85% ಟಾರ್ಕ್ ಕೇವಲ 2,500rpm ನಿಂದ ಲಭ್ಯವಿದೆ ಎಂದು ಹೇಳಲಾಗುತ್ತಿದೆ. ಇದು ನಗರದ ಒಳಗೆ ಮತ್ತು ದೈನಂದಿನ ಪರಿಸ್ಥಿತಿಗಳಲ್ಲಿ ಸವಾರಿ ಮಾಡಲು ಸುಲಭವಾಗುತ್ತದೆ.