ರಾಯಲ್ ಎನ್‌ಫೀಲ್ಡ್ ಫ್ಲೈಯಿಂಗ್ ಫ್ಲೀ ಎಸ್6 ಸ್ಕ್ರಾಂಬ್ಲರ್ ಶೀಘ್ರದಲ್ಲೆ ಬಿಡುಗಡೆ ಸಾಧ್ಯತೆ

ದೇಶದ ಜನಪ್ರಿಯ ದ್ವಿಚಕ್ರ ವಾಹನ ತಯಾರಕ ಬ್ರಾಂಡ್ ಆಗಿರುವ ರಾಯಲ್ ಎನ್ಫೀಫೀಲ್ಡ್ (Royal Enfield), ತನ್ನ ಎಲೆಕ್ಟ್ರಿಕ್ ಉಪ-ಬ್ರಾಂಡ್ ಫ್ಲೈಯಿಂಗ್ ಫ್ಲೀ 2026 ರ ಆರಂಭದಲ್ಲಿ ಸಿ6 ನೊಂದಿಗೆ ಪಾದಾರ್ಪಣೆ ಮಾಡಲಿದೆ. ಆದರೆ ಅದರ ಎರಡನೇ ಮಾದರಿಯಾದ ಎಸ್6 ಸ್ಕ್ರಾಂಬ್ಲರ್ ಸಹ ಅದೇ ವರ್ಷದ ಅಂತ್ಯದ ವೇಳೆಗೆ ಮಾರುಕಟ್ಟೆಗೆ ಬರುವ ಸಾಧ್ಯತೆಯಿದೆ ಎಂದು ವರದಿಯಾಗಿದೆ. ಬ್ಯಾಟರಿ ಸಾಮರ್ಥ್ಯ, ರೇಂಜ್ ಮತ್ತು ಚಾರ್ಜ್ ಸಮಯದಂತಹ ವಿವರಗಳು ಇನ್ನೂ ರಹಸ್ಯವಾಗಿವೆ. ಬಿಡುಗಡೆಗೆ ಹತ್ತಿರದಲ್ಲಿದ್ದಾಗ ಈ ಬಗ್ಗೆ ಹೆಚ್ಚಿನ ವಿವರಗಳು ಹೊರಬರಲಿವೆ ಎಂದು ನಿರೀಕ್ಷಿಸಲಾಗಿದೆ.

ಎರಡೂ ಬೈಕುಗಳನ್ನು ರಾಯಲ್‌ ಎನ್‌ಫೀಲ್ಡ್ ಹೊಸ ಇವಿ ಪ್ಲಾಟ್ ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ. ಆದರೆ ಎಸ್6 ಅದರ ಸ್ಕ್ರಾಂಬ್ಲರ್ ಸ್ಟೈಲಿಂಗ್ ನೊಂದಿಗೆ ಪ್ರತ್ಯೇಕವಾಗಿ ನಿಲ್ಲುತ್ತದೆ. ಇದು ಸಿ6 ನ ದೊಡ್ಡ ಹಿಂಭಾಗದ ಹಗ್ಗರ್ ಅನ್ನು ಚಿಕ್ಕದಾಗಿ ಮಾಡುತ್ತದೆ. ಹೆಚ್ಚು ಆಫ್-ರೋಡ್-ಸ್ನೇಹಿ ಟೈರ್ ಗಳನ್ನು ಪಡೆಯಲಿದೆ. ಉತ್ತಮ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು ರಫ್-ರೋಡ್ ಸಾಮರ್ಥ್ಯಕ್ಕಾಗಿ ಮುಂಭಾಗದಲ್ಲಿ ಯುಎಸ್ ಡಿ ಫೋರ್ಕ್ ಗಳನ್ನು ಹೊಂದಿದೆ.

ಮರುವಿನ್ಯಾಸಗೊಳಿಸಿದ ಸೀಟ್ ಮತ್ತು ಸೈಡ್-ಮೌಂಟೆಡ್ ನಂಬರ್ ಬೋರ್ಡ್ ಅದರ ಲುಕ್‌ನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಎಸ್ 6 ಸ್ಕ್ರಾಂಬ್ಲರ್ ಅನ್ನು ಇಐಸಿಎಂಎ 2025 ರಲ್ಲಿ ಅನಾವರಣಗೊಳಿಸಲಾಗುವುದು, ವರ್ಷದ ಕೊನೆಯಲ್ಲಿ ಮೋಟೊವರ್ಸ್ ನಲ್ಲಿ ಭಾರತಕ್ಕೆ ಪಾದಾರ್ಪಣೆ ಮಾಡಲಾಗುವುದು. ಇದರ ಬೆಲೆಯು C6 ಗಿಂತ 20,000 ದಿಂದ 30,000 ರೂ.ಗಳಾಗಿರಬಹುದು ಎಂದು ನಿರೀಕ್ಷಿಸಲಾಗಿದೆ.

ಫ್ಲೈಯಿಂಗ್ ಫ್ಲೀ ಸಿ 6 ಅನ್ನು ಅಲ್ಯೂಮಿನಿಯಂ ಫ್ರೇಮ್ ನಲ್ಲಿ ನಿರ್ಮಿಸಲಾಗಿದ್ದು, ಮುಂಭಾಗದಲ್ಲಿ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಮೊನೊಶಾಕ್ ಸಸ್ಪೆನ್ಷನ್ ಹೊಂದಿದೆ. ಇದರ ಬ್ಯಾಟರಿಯನ್ನು ಮೆಗ್ನೀಸಿಯಮ್ ನಿಂದ ಮುಚ್ಚಲಾಗಿದೆ. ಎರಡನೇ ಮಹಾಯುದ್ಧದ ಸಮಯದಲ್ಲಿ ರಾಯಲ್ ಎನ್‌ಫೀಲ್ಡ್ ಅಭಿವೃದ್ಧಿಪಡಿಸಿದ ಐತಿಹಾಸಿಕ ಮೋಟಾರ್ ಸೈಕಲ್‌ಗಳಂತೆ ವಿನ್ಯಾಸಗೊಳಿಸಲಾಗಿದೆ.

ಇವು ಆಂತರಿಕವಾಗಿ ಅಭಿವೃದ್ಧಿಪಡಿಸಿದ ಆಪರೇಟಿಂಗ್ ಸಿಸ್ಟಮ್ ಹೊಂದಿರಲಿದ್ದು, ಕ್ವಾಲ್ಕಾಮ್ನ ಸ್ನಾಪ್‌ಡ್ರಾಗನ್ QWM2290 ಪ್ರೊಸೆಸರ್‌ನಲ್ಲಿ ಚಲಿಸುತ್ತದೆ. ಟ್ರಾಕ್ಷನ್ ಕಂಟ್ರೋಲ್ ಮತ್ತು ಕಾರ್ನರಿಂಗ್ ಎಬಿಎಸ್, 4 ಜಿ, ಬ್ಲೂಟೂತ್ ಮತ್ತು ವೈ-ಫೈ ಸಂಪರ್ಕ, ರೌಂಡ್ ಟಿಎಫ್‌ಟಿ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಅಂತರ್ನಿರ್ಮಿತ ನ್ಯಾವಿಗೇಷನ್ ಮತ್ತು ಮೀಸಲಾದ ವಾಯಿಸ್ ಅಸಿಸ್ಟ್ ಬಟನ್ ಅನ್ನು ಸಹ ಹೊಂದಿರಲಿದೆ.

ವೃತ್ತಾಕಾರದ ಹೆಡ್ ಲ್ಯಾಂಪ್, ಟಿಯರ್ ಡ್ರಾಪ್ ಆಕಾರದ ಇಂಧನ ಟ್ಯಾಂಕ್ ಮತ್ತು ಬ್ಲೂಟೂತ್ ಸಂಪರ್ಕವನ್ನು ಬೆಂಬಲಿಸುವ ಸಿಂಗಲ್ ವೃತ್ತಾಕಾರದ ಟಿಎಫ್‌ಟಿ ಡಿಸ್ ಪ್ಲೇಯೊಂದಿಗೆ ವಿಂಟೇಜ್ ನೋಟವನ್ನು ಹೊಂದಿದೆ. ಇದು ಸ್ಟ್ಯಾಂಡರ್ಡ್ ಆಗಿ ಸೋಲೋ ಸೀಟ್ ಅನ್ನು ಹೊಂದಿದೆ, ಬೇಕೆಂದವರಿಗೆ ಪಿಲಿಯನ್ ಸೀಟ್ ಆಯ್ಕೆಯನ್ನು ಕೂಡ ನೀಡಲಿದೆ.

ಎಲ್ಲಾ ಬ್ರಾಂಡ್‌ಗಳಂತೆ ರಾಯಲ್‌ ಎನ್‌ಫೀಲ್ಡ್ ಕೂಡ ತನ್ನ ಮೊದಲ ಎಲೆಕ್ಟ್ರಿಕ್ ಬೈಕ್ ಬಿಡುಗಡೆಗೆ ಸಜ್ಜಾಗಿಬಿಟ್ಟಿದೆ. ಈಗಿನ ಯುವಜನರಿಗೆ ಬೇಕಾದ ಎಲ್ಲಾ ಫೀಚರ್ಸ್ ನೀಡಿ ಸದ್ಯದ ಎಲೆಕ್ಟ್ರಿಕ್ ಬೈಕ್ ಮಾರುಕಟ್ಟೆಯಲ್ಲಿ ಗಟ್ಟಿ ಪೈಪೋಟಿ ನೀಡಲು ರಾಯಲ್‌ ಎನ್‌ಫೀಲ್ಡ್ ಸಜ್ಜಾಗಿದೆ. 2026 ರ ಆರ್ಥಿಕ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಸಿ6 ಪಾದಾರ್ಪಣೆ ಮಾಡಲಿದೆ ಎಂದು ಕಂಪನಿ ಘೋಷಿಸಿದೆ. ನಮ್ಮ ಪ್ರಕಾರ 2026 ರ ಜನವರಿ-ಮಾರ್ಚ್ ನಡುವೆ ಈ ಇವಿ ಬೈಕ್ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಒಟ್ಟಾರೆ ಫ್ಲಾಟ್ ಸೀಟ್, ಲಾಂಗ್ ಟ್ರಾವೆಲ್ ಸಸ್ಪೆಂಷನ್ ಮತ್ತು ಡ್ಯುಯಲ್ ಪರ್ಪಸ್ ಟೈರ್ ಗಳೊಂದಿಗೆ ಆಫ್-ರೋಡ್ ಸಾಮರ್ಥ್ಯಕ್ಕಾಗಿಯೂ ವಿನ್ಯಾಸಗೊಳಿಸಲಾದ ಸ್ಕ್ರಾಂಬ್ಲರ್-ಪ್ರೇರಿತ ಎಲೆಕ್ಟ್ರಿಕ್ ಮೋಟಾರ್ ಸೈಕಲ್ ಕೂಡ ಬರಲಿದೆ. ಇದರ ವಿನ್ಯಾಸವು ವೈರ್-ಸ್ಪೋಕ್ ವೀಲ್‌ಗಳು, ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು ಸ್ಲಿಮ್ ಸಿಂಗಲ್ ಸೀಟ್ ಅನ್ನು ಸಹ ಒಳಗೊಂಡಿರುವುದು ವಿಶೇಷ.