USB: ಹಳೇ ದ್ವಿಚಕ್ರ ವಾಹನ ಮಾಲೀಕರೆ ಸಿಹಿ ಸುದ್ದಿ: ರೂ. 194 ಸಾಕು... ಹೊಸ ಫೀಚರ್ ಬಳಸಿಕೊಳ್ಳಿ!

ನಮ್ಮ ದೈನಂದಿನ ಜೀವನದಲ್ಲಿ ಸ್ಮಾರ್ಟ್‌ಫೋನ್‌ಗಳು ಮುಖ್ಯ ಪಾತ್ರವನ್ನು ವಹಿಸುವುದರಿಂದ ವಾಹನ ಚಾಲನೆಯಲ್ಲಿರುವಾಗ ಬ್ಯಾಟರಿ ಖಾಲಿಯಾಗುವ ಪರಿಸ್ಥಿತಿಗಳು ಎದುರಾದರೆ ದ್ವಿಚಕ್ರ ವಾಹನ ಸವಾರರಿಗೆ ಕಿರಿಕಿರಿಯಾಗುತ್ತದೆ. ಕಾರು ಚಾಲಕರು ಅಂತರ್ನಿರ್ಮಿತ ಡ್ಯುಯಲ್ USB ಪೋರ್ಟ್‌ಗಳಿಂದ ಪ್ರಯೋಜನ ಪಡೆದರೂ, ಬೈಕರ್‌ಗಳಿಗೆ ಈ ಅನುಕೂಲತೆಯು ಸುಲಭವಾಗಿ ಲಭ್ಯವಿಲ್ಲ. ಇತ್ತೀಚಿನ ಕೆಲವು ಹೊಸ ದ್ವಿಚಕ್ರ ವಾಹನಗಳು USB ಪೋರ್ಟ್‌ಗಳೊಂದಿಗೆ ಬರುತ್ತವೆಯಾದರೂ ಹಳೆಯ ವಾಹನಗಳಿಗೆ ಈ ಸೌಕರ್ಯವಿಲ್ಲ. ಅಂಥವರಿಗಾಗಿಯೇ ಆಟೋಮೋಟಿವ್ ಪರಿಹಾರಗಳ ಪೂರೈಕೆದಾರರಾದ ಯುನೊ ಮಿಂಡಾ (Uno Minda) ಹೊಸ ಉಪಾಯದೊಂದಿಗೆ ಮುಂದೆಬಂದಿದೆ.

ಭಾರತೀಯ ಆಫ್ಟರ್‌ಮಾರ್ಕೆಟ್‌ನಲ್ಲಿ ದ್ವಿಚಕ್ರ ವಾಹನಗಳಿಗಾಗಿ ಹ್ಯಾಂಡಲ್‌ ಬಾರ್‌ನಲ್ಲಿ ಅಳವಡಿಸಿಕೊಳ್ಳಲು ತನ್ನ ಅತ್ಯಾಧುನಿಕ ಡ್ಯುಯಲ್ ಪೋರ್ಟ್ USB ಮೊಬೈಲ್ ಫೋನ್ ಫಾಸ್ಟ್ ಚಾರ್ಜಿಂಗ್ ಅನ್ನ ಯುನೊ ಮಿಂಡಾ ಪರಿಚಯಿಸಿದೆ. ಸವಾರರು ಪ್ರಯಾಣದಲ್ಲಿರುವಾಗ ತಮ್ಮ ಫೋನ್‌ಗಳನ್ನು ಚಾರ್ಜ್ ಮಾಡಲು ಇದು ಅನುವು ಮಾಡಿಕೊಡುತ್ತದೆ ಎಂದು ಯುನೊ ಮಿಂಡಾ ತಿಳಿಸಿದೆ.

ಲಭ್ಯತೆ ಮತ್ತು ಬೆಲೆ: 2-ವೀಲರ್ ಡ್ಯುಯಲ್ ಪೋರ್ಟ್ ಯುಎಸ್‌ಬಿ ಫಾಸ್ಟ್ ಚಾರ್ಜಿಂಗ್ ಸೊಲ್ಯೂಷನ್‌ಗಳ ಬೆಲೆ ರೂ. 194 ಇದೆ. ಈಗ ಅಮೆಜಾನ್, ಫ್ಲಿಪ್‌ಕಾರ್ಟ್ ಮತ್ತು ಯುನೊ ಮಿಂಡಾ ಕಾರ್ಟ್‌ನಂತಹ ಪ್ರಮುಖ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹಾಗೂ ಭಾರತದಾದ್ಯಂತದ ಪ್ರಮುಖ ಆಫ್‌ಲೈನ್ ಮಾರಾಟ ಮಳಿಗೆಗಳಲ್ಲಿ ಲಭ್ಯವಿದೆ.

ಕಂಪನಿಯ ಪ್ರಕಾರ "ಈ ವೇಗದ ಚಾರ್ಜರ್ 30W /2.4A ಗರಿಷ್ಠ ಪವರ್ ಉತ್ಪಾದನೆಯಲ್ಲಿ ಕಾರ್ಯನಿರ್ವಹಿಸಲು ವಿನ್ಯಾಸಗೊಳಿಸಲಾಗಿದೆ. BS6 ಎಮಿಷನ್ ಮಾನದಂಡಗಳಿಗೆ ಹೊಂದಿಕೊಳ್ಳುತ್ತದೆ, ಆಧುನಿಕ ದ್ವಿಚಕ್ರ ವಾಹನಗಳಿಗೆ ಪ್ರಮಾಣೀಕೃತ ಮತ್ತು ವಿಶ್ವಾಸಾರ್ಹ ಪರಿಹಾರವನ್ನು ನೀಡುತ್ತದೆ. ಸುರಕ್ಷತೆ, ಅನುಕೂಲತೆ ನೀಡುವ ಜೊತೆಗೆ ಮೊಬೈಲ್ ಬ್ಯಾಟರಿ ಖಾಲಿಯಾಗುವ ಭಯವಿಲ್ಲದಂತೆ ಮಾಡಿ, ಆರಾಮ ಸವಾರಿ ಅನುಭವ ನೀಡುತ್ತದೆ.

ಈ ಕುರಿತು ಪ್ರತಿಕ್ರಿಯಿಸಿದ ಯುನೊ ಮಿಂಡಾ ಲಿಮಿಟೆಡ್‌ನ ಆಫ್ಟರ್‌ಮಾರ್ಕೆಟ್‌ನ ಮಾರಾಟ ಮತ್ತು ಮಾರುಕಟ್ಟೆ ಮುಖ್ಯಸ್ಥ ಆನಂದ್ ಕುಮಾರ್, "ನಮ್ಮ ಹೊಸ ಡ್ಯುಯಲ್-ಪೋರ್ಟ್ ಯುಎಸ್‌ಬಿ ಮೊಬೈಲ್ ಫೋನ್ ಚಾರ್ಜರ್‌ಗಳನ್ನು ಸವಾರರ ಸೌಕರ್ಯ ಮತ್ತು ದಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ನಿರ್ಮಿಸಲಾಗಿದೆ. ವೇಗದ ಚಾರ್ಜಿಂಗ್ ಸಾಮರ್ಥ್ಯಗಳೊಂದಿಗೆ, ಅವು ಯಾವಾಗಲೂ ಚಲನೆಯಲ್ಲಿರುವ ಬೈಕ್ ಸವಾರರಿಗೆ ಚಿಂತೆ ಮುಕ್ತ ಪ್ರಯಾಣ ಅನುಭವವನ್ನು ನೀಡುತ್ತವೆ.

ಪ್ರೀಮಿಯಂ - ಗ್ರೇಡ್ ಎಬಿಎಸ್ (ಅಕ್ರಿಲೋನಿಟ್ರೈಲ್ ಬ್ಯುಟಾಡೀನ್ ಸ್ಟೈರೀನ್), ಬಾಳಿಕೆ ಬರುವ ಥರ್ಮೋಪ್ಲಾಸ್ಟಿಕ್ ಪಾಲಿಮರ್ ಬಳಸಿ ರಚಿಸಲಾದ ಈ ಚಾರ್ಜರ್‌ಗಳು ಉತ್ತಮ ಗಡಸುತನ, ಪ್ರಭಾವ ನಿರೋಧಕತೆ ಮತ್ತು ಹವಾಮಾನ ನಿರೋಧಕ ವಿಶ್ವಾಸಾರ್ಹತೆಯನ್ನು ನೀಡುತ್ತವೆ - ಇವು ಭಾರತೀಯ ಸವಾರಿ ಪರಿಸ್ಥಿತಿಗಳಿಗೆ ಸೂಕ್ತವಾಗಿವೆ" ಎಂದು ಹೇಳಿದರು.

1 ವರ್ಷದ ವಾರೆಂಟಿ ಮತ್ತು ದೃಢವಾದ ನಿರ್ಮಾಣ ಗುಣಮಟ್ಟದೊಂದಿಗೆ, ಈ ಉತ್ಪನ್ನಗಳು ಆಫ್ಟರ್‌ಮಾರ್ಕೆಟ್ ಡೊಮೇನ್‌ನಲ್ಲಿ ಯುನೊ ಮಿಂಡಾದ ನಾವೀನ್ಯತೆಯ ಪರಂಪರೆಯನ್ನು ಪ್ರತಿಬಿಂಬಿಸುತ್ತವೆ. ಯುನೊ ಮಿಂಡಾದ ಇತ್ತೀಚಿನ ಈ ಉಪಕರಣವು ಸಂಪರ್ಕಿತ, ಸುರಕ್ಷತೆ - ಪ್ರಜ್ಞೆಯುಳ್ಳ ರೈಡರ್ ಬೇಸ್‌ನ ಬೇಡಿಕೆಗಳೊಂದಿಗೆ ಹೊಂದಿಕೆಯಾಗುವ ಮುಂದಿನ-ಪೀಳಿಗೆಯ ಸಾಧನವಾಗಿದೆ ಎಂದ ಕಂಪನಿ ಹೇಳಿಕೊಂಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.