ರಿವರ್ಸ್‌ ಗೇರ್‌ ಸ್ಕೂಟರ್ ಬಿಡುಗಡೆ: ಇಂಧನವಿಲ್ಲದೆ ನಿತ್ಯ 100 ಕಿ.ಮೀ ಓಡಿಸಿ... 5 ವರ್ಷ ವಾರೆಂಟಿ!

ಪ್ರಮುಖ ಎಲೆಕ್ಟ್ರಿಕ್ ವಾಹನ ತಯಾರಕರಾದ ಗ್ರೀವ್ಸ್ ಎಲೆಕ್ಟ್ರಿಕ್ ಮೊಬಿಲಿಟಿ ಲಿಮಿಟೆಡ್ (GEML), ತನ್ನ ಮ್ಯಾಗ್ನಸ್ ಎಲೆಕ್ಟ್ರಿಕ್ ಸ್ಕೂಟರ್‌ನ ವರ್ಧಿತ ರೂಪಾಂತರವಾದ 'ಆಂಪಿಯರ್ ಮ್ಯಾಗ್ನಸ್ ನಿಯೋ' (Ampere Magnus Neo) ವನ್ನು ಪರಿಚಯಿಸಿದೆ. ತನ್ನ ಮ್ಯಾಗ್ನಸ್ ಸರಣಿಯ ಪರಂಪರೆಯನ್ನು ಆಧರಿಸಿ ಹೊಸ ಮ್ಯಾಗ್ನಸ್ ನಿಯೋವನ್ನು ಪರಿಸರ ಸ್ನೇಹಿ, ಸೊಗಸಾದ ಮತ್ತು ಎಲ್ಲರಿಗೂ ಕೈಗೆಟುಕುವಂತೆ ಮಾಡಲು ವಿನ್ಯಾಸಗೊಳಿಸಲಾಗಿದೆ. ಹೊಸ ಮ್ಯಾಗ್ನಸ್ ನಿಯೋ ಆಕರ್ಷಕ ಡಿಸೈನ್, ಹೆಚ್ಚಿನ ಪವರ್, ಸುರಕ್ಷತೆ ಮತ್ತು ಹಣ ಉಳಿತಾಯಕ್ಕೆ ಬೆಸ್ಟ್ ಆಯ್ಕೆಯಾಗಿದೆ ಎಂದು ಕಂಪನಿ ಭರವಸೆ ನೀಡಿದೆ.

ವಿಶೇಷ ಪರಿಚಯಾತ್ಮಕ ಕೊಡುಗೆಯ ಭಾಗವಾಗಿ ರೂ. 79,999 (ಎಕ್ಸ್‌ ಶೋರೂಂ) ಬೆಲೆಯಲ್ಲಿ ಖರೀದಿಗೆ ಲಭ್ಯವಿರಲಿದೆ. ಮ್ಯಾಗ್ನಸ್ ನಿಯೋ ತನ್ನ ಸುಧಾರಿತ ವೈಶಿಷ್ಟ್ಯಗಳು ಮತ್ತು ಪರ್ಫಾಮೆನ್ಸ್‌ಗೆ ಅಸಾಧಾರಣ ಮೌಲ್ಯವನ್ನು ನೀಡುತ್ತದೆ. ಶೇ5.75 ಬಡ್ಡಿಯಿಂದ ಪ್ರಾರಂಭವಾಗುವ ಹಣಕಾಸು ಆಯ್ಕೆಗಳೊಂದಿಗೆ ಎಲ್ಲರಿಗೂ ಈ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಖರೀದಿಸಲು ಅನುವು ಮಾಡಿಕೊಟ್ಟಿರುವುದಾಗಿ ಕಂಪನಿ ಹೇಳಿದೆ.

ಮ್ಯಾಗ್ನಸ್ ನಿಯೋ ವಿಶೇಷತೆಗಳು: ಪ್ರೀಮಿಯಂ ಡ್ಯುಯಲ್ - ಟೋನ್ ಫಿನಿಶ್‌ನೊಂದಿಗೆ ಮೆಟಾಲಿಕ್ ರೆಡ್, ಗ್ಲೇಶಿಯಲ್ ವೈಟ್, ಓಷನ್ ಬ್ಲೂ, ಗ್ಯಾಲಕ್ಟಿಕ್ ಗ್ರೇ ಮತ್ತು ಗ್ಲಾಸಿ ಬ್ಲ್ಯಾಕ್ ಎಂಬ ಐದು ಬಣ್ಣಗಳಲ್ಲಿ ಲಭ್ಯವಿದೆ. ಗರಿಷ್ಟ 65 ಕಿ.ಮೀ ವೇಗ ಮತ್ತು ಉತ್ತಮ ವೇಗವರ್ಧನೆಗಾಗಿ ವರ್ಧಿತ ಟಾರ್ಕ್‌ನೊಂದಿಗೆ ನಗರದ ರಸ್ತೆಗಳಿಗೆ ಹೇಳಿ ಮಾಡಿಸಿದಂತಿರುತ್ತದೆ.

ಹೊಸ ಆಂಪಿಯರ್ ಮ್ಯಾಗ್ನಸ್ ನಿಯೋ ಇವಿ ಸ್ಕೂಟರ್ 12 ಇಂಚಿನ ಅಲಾಯ್ ವೀಲ್‌ಗಳೊಂದಿಗೆ ಬಾಳಿಕೆ ಮತ್ತು ಸ್ಥಿರತೆಯನ್ನು ಹೆಚ್ಚಿಸುತ್ತದೆ. ಹಾಗೆಯೇ ಈ ಸ್ಕೂಟರ್ ಮೇಲೆ 5 ವರ್ಷಗಳು ಅಥವಾ 75,000 ಕಿ.ಮೀ.ಗಳ ಬ್ಯಾಟರಿ ವಾರೆಂಟಿ (ಯಾವುದು ಮೊದಲೋ ಅದು) ನೀಡಲಾಗಿದೆ. ಜೊತೆಗೆ ಕುಟುಂಬ ಸವಾರರಿಗೆ ಸ್ಮಾರ್ಟ್ ಮತ್ತು ಕಂಫರ್ಟ್ ವೈಶಿಷ್ಟ್ಯಗಳನ್ನು ನೀಡಿರುವುದಾಗಿ ಕಂಪನಿ ಹೇಳಿದೆ.

ಸುಧಾರಿತ LFP (ಲಿಥಿಯಂ ಐರನ್ ಫಾಸ್ಫೇಟ್) ಬ್ಯಾಟರಿಯೊಂದಿಗೆ ಸಜ್ಜುಗೊಂಡಿರುವ ಮ್ಯಾಗ್ನಸ್ ನಿಯೋ, ಈ ಅತ್ಯಾಧುನಿಕ ಬ್ಯಾಟರಿ ತಂತ್ರಜ್ಞಾನವನ್ನು ಒಳಗೊಂಡಿರುವ ತನ್ನ ವರ್ಗದಲ್ಲಿ ವಿಭಿನ್ನವಾದ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ. ಇದರ ಬ್ಯಾಟರಿಯನ್ನು ಒಮ್ಮೆ ಚಾರ್ಜ್‌ ಮಾಡಿದರೆ 100 ಕ್ಕೂ ಹೆಚ್ಚು ಕಿ.ಮೀ. ಪ್ರಯಾಣಿಸಬಹುದು. ಜೊತೆಗೆ ಸುಲಭ ಕುಶಲತೆಗಾಗಿ ರಿವರ್ಸ್ ಮೋಡ್‌ನೊಂದಿಗೆ 3 ರೈಡಿಂಗ್ ಮೋಡ್‌ಗಳನ್ನು ಒಳಗೊಂಡಿದೆ.

ಹೊಸ ಆಂಪಿಯರ್ ಮ್ಯಾಗ್ನಸ್ ನಿಯೋ ಎಲೆಕ್ಟ್ರಿಕ್ ಸ್ಕೂಟರ್ ಚಾರ್ಜ್‌ ಮಾಡಲು 5 ರಿಂದ 6 ಗಂಟೆಗಳ ಸಮಯ ಬೇಕಾಗುತ್ತದೆ. ಚಾರ್ಜಿಂಗ್ ಮಾಡುವಾಗ ಸುರಕ್ಷಿತ ಮತ್ತು ಪರಿಣಾಮಕಾರಿಯಾಗಿರುತ್ತದೆ. ಮೊಬೈಲ್‌ ಚಾರ್ಜಿಂಗ್‌ಗಾಗಿ USB ಚಾರ್ಜಿಂಗ್ ಪೋರ್ಟ್ ಸಹ ನೀಡಲಾಗಿದೆ. ಈ ಮೂಲಕ ತಂತ್ರಜ್ಞಾನ-ಬುದ್ಧಿವಂತ ಸವಾರರಿಗೆ ಐಚ್ಛಿಕ ಸ್ಮಾರ್ಟ್ ಸಂಪರ್ಕವನ್ನು ಕೊಟ್ಟಿದ್ದೇವೆ ಎಂದು ಕಂಪನಿ ಹೇಳಿದೆ.

ಮ್ಯಾಗ್ನಸ್ ನಿಯೋ ಎಲೆಕ್ಟ್ರಿಕ್ ಸ್ಕೂಟರ್ ಇದೇ ತಿಂಗಳಿನಿಂದ ದೇಶಾದ್ಯಂತ ಆಂಪಿಯರ್ ಡೀಲರ್‌ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿರುತ್ತದೆ. ಗ್ರಾಹಕರು ವರ್ಧಿತ ಮಟ್ಟದ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಖುಷಿಯಿಂದ ಅನುಭವಿಸಬಹುದು, ಚುರುಕಾದ, ಹೆಚ್ಚು ಸುಸ್ಥಿರ ಪ್ರಯಾಣಕ್ಕಾಗಿ ಹೊಸ ಮ್ಯಾಗ್ನಸ್ ನಿಯೋ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಬಹುದಾಗಿದೆ ಎಂದು ಬ್ರಾಂಡ್ ಹೇಳಿಕೊಂಡಿದೆ.

ಗ್ರೀವ್ಸ್ ಎಲೆಕ್ಟ್ರಿಕ್ ಮೊಬಿಲಿಟಿ ಲಿಮಿಟೆಡ್‌ನ ಸಿಇಒ ಕುನ್ನಕವಿಲ್ ವಿಜಯ ಕುಮಾರ್ ಮಾತನಾಡಿ, ನಮ್ಮ ಮ್ಯಾಗ್ನಸ್ ಇಎಕ್ಸ್‌ನ ಯಶಸ್ಸಿನ ಮೇಲೆ ನಿರ್ಮಿಸಲಾದ ಮ್ಯಾಗ್ನಸ್ ನಿಯೋ ದೈನಂದಿನ ಪ್ರಯಾಣಿಕರಿಗೆ ವರ್ಧಿತ ವೈಶಿಷ್ಟ್ಯಗಳನ್ನು ನೀಡಲು ಸುಧಾರಿತ ತಂತ್ರಜ್ಞಾನವನ್ನು ಒಳಗೊಂಡಿದೆ. ಈ ಹೊಸ ಸ್ಕೂಟರ್ ನಮ್ಮ ಗ್ರಾಹಕರ ಬದಲಾಗುತ್ತಿರುವ ಬೇಡಿಕೆಗಳನ್ನು ಪೂರೈಸಲಿದೆ. ಭವಿಷ್ಯಕ್ಕೆ ಕೊಡುಗೆ ನೀಡುವ ಪರಿಸರ ಸ್ನೇಹಿ ಸಾರಿಗೆ ಆಯ್ಕೆಗಳನ್ನು ಗೆಲ್ಲಲು ಇದನ್ನು ರಚಿಸಲಾಗಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಡ್ರೈವ್‌ ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.