ಇತ್ತೀಚೆಗೆ ಬಿಡುಗಡೆಯಾದ ಕವಾಸಕಿ ವರ್ಸಿಸ್ X-300 ಅಡ್ವೆಂಚರ್ ಬೈಕ್ ವಿಶೆಷತೆಗಳು

ಇತ್ತೀಚೆಗೆ ಜನಪ್ರಿಯ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಕವಾಸಕಿ, ತನ್ನ ವರ್ಸಿಸ್-ಎಕ್ಸ್ 300 ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಹೊಸ ವರ್ಸಿಸ್-ಎಕ್ಸ್ 300 ಅನ್ನು ದೈನಂದಿನ ಬಳಕೆಯ ಸುಲಭತೆ ಮತ್ತು ವೈಯಕ್ತಿಕ ಪ್ರವಾಸದ ಅಗತ್ಯಗಳ ಆಧಾರದ ಮೇಲೆ ಕಸ್ಟಮೈಸ್ ಮಾಡಬಹುದಾದ ಡಿಸೈನ್‌ನೊಂದಿಗೆ ನಿರ್ಮಿಸಲಾಗಿದೆ. ಎಂಟ್ರಿ ಲೆವೆಲ್ ಅಡ್ವೆಂಚರ್ ಟೂರಿಂಗ್ ಸೆಗ್ಮೆಂಟಿನಲ್ಲಿ ಪ್ರೀಮಿಯಂ ಟಚ್ ನೀಡುವ ಈ ಬೈಕಿನ ಬೆಲೆಯು ಎಕ್ಸ್ ಶೋರೂಂ ದರದಂತೆ ರೂ.3.80 ಲಕ್ಷಗಳಾಗಿದೆ. ಬೈಕ್ ಕುರಿತ ಹೆಚ್ಚಿನ ವಿಶೆಷತೆಗಳನ್ನು ನೋಡೋಣ.

ಸಣ್ಣ ಸಾಮರ್ಥ್ಯದ ಅಡ್ವೆಂಚರ್ ಸೆಗ್ಮೆಂಟಿನಲ್ಲಿ ಬಿಡುಗಡೆ ಮಾಡಲಾಗಿರುವ ಈ ಹೊಸ ಬೈಕ್ ಅನ್ನು, ಸವಾರರು ಐಚ್ಛಿಕವಾಗಿ ಪ್ಯಾನಿಯರ್‌ಗಳು, ಫಾಗ್ ಲ್ಯಾಂಪ್‌ಗಳು, ಹ್ಯಾಂಡ್ ಗಾರ್ಡ್‌ಗಳು ಅಥವಾ ಸೆಂಟರ್ ಸ್ಟ್ಯಾಂಡ್‌ನಂತಹ ಒರಿಜಿನಲ್ ಟೂಲ್‌ಗಳನ್ನು ಪ್ರವಾಸದ ಸಾಮರ್ಥ್ಯವನ್ನು ಹೆಚ್ಚಿಸಲು ಸಜ್ಜುಗೊಳಿಸಬಹುದು. ಇವೆಲ್ಲವು ಬೈಕ್‌ಗೆ ಆಕರ್ಷಕ ಹಾಗೂ ಅಡ್ವೆಂಚರ್ ಸ್ಪೋರ್ಟಿ ಲುಕ್ ನೀಡುತ್ತದೆ.

ವರ್ಸಿಸ್-ಎಕ್ಸ್ 300 ಬೈಕ್, ಕ್ಯಾಂಡಿ ಲೈಮ್ ಗ್ರೀನ್ / ಮೆಟಾಲಿಕ್ ಫ್ಲಾಟ್ ಸ್ಪಾರ್ಕ್ ಬ್ಲ್ಯಾಕ್ ಮತ್ತು "ಮೆಟಾಲಿಕ್ ಓಷನ್ ಬ್ಲೂ / ಪರ್ಲ್ ರೋಬೋಟಿಕ್ ವೈಟ್ ಎಂಬ ಎರಡು ಬಣ್ಣಗಳಲ್ಲಿ ಲಭ್ಯವಿದ್ದು, ಬೆಲೆ ರೂ. 3,79,900/- (ಎಕ್ಸ್-ಶೋರೂಮ್) ನಿಂದ ಪ್ರಾರಂಭವಾಗುತ್ತದೆ. ಇದರ ಹಗುರವಾದ ತೂಕವು ಸವಾರರಿಗೆ ಎಂತಹ ರಸ್ತೆಗಳಲ್ಲಿಯೂ ಓಡಿಸಲು ಅನುವುಮಾಡಿಕೊಡುತ್ತದೆ.

ಈ ಬೈಕ್ 184 ಕೆ.ಜಿ ತೂಕ ಮತ್ತು 180 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ. ದೀರ್ಘ-ಪ್ರಯಾಣದ ಸಸ್ಪೆನ್ಷನ್ ಮತ್ತು ದೃಢವಾದ ಬೆನ್ನೆಲುಬು ಚೌಕಟ್ಟಿನೊಂದಿಗೆ ಸಜ್ಜುಗೊಂಡಿರುವ ವರ್ಸಿಸ್-ಎಕ್ಸ್ 300 ಸವಾರರಿಗೆ ರೋಮಾಂಚಕ ಅನುಭವವನ್ನು ನೀಡುತ್ತದೆ. ವರ್ಸಿಸ್-ಎಕ್ಸ್ 300 ಬೈಕ್ 19 ಇಂಚಿನ ಮುಂಭಾಗ ಮತ್ತು 17 ಇಂಚಿನ ಹಿಂಭಾಗದ ವೈರ್-ಸ್ಪೋಕ್ ವ್ಹೀಲ್ ಗಳನ್ನು ಹೊಂದಿದೆ.

ಹೊಸ ವರ್ಸಿಸ್-ಎಕ್ಸ್ 300 ಬೈಕ್, 11,500 ಆರ್‌ಪಿಎಂನಲ್ಲಿ 38.5 ಬಿಹೆಚ್ ಪವರ್ ಮತ್ತು 10,000 ಆರ್‌ಪಿಎಂನಲ್ಲಿ 26.1 ಎನ್ಎಂ ಟಾರ್ಕ್ ಉತ್ಪಾದಿಸುವ 300 ಸಿಸಿ ಪ್ಯಾರಲಲ್ ಟ್ವಿನ್ ಎಂಜಿನ್ ಹೊಂದಿದೆ. ಈ ಎಂಜಿನ್‌ನೊಂದಿಗೆ 6-ಸ್ಪೀಡ್ ಗೇರ್‌ಬಾಕ್ಸ್ ಅನ್ನು ಅಳವಡಿಸಲಾಗಿದ್ದು, ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್ ನೀಡಲಾಗಿದೆ.

ವರ್ಸಿಸ್-ಎಕ್ಸ್ 300 ಬಹುಮುಖ, ಸವಾರ-ಸ್ನೇಹಿ ಮಾದರಿಯಾಗಿದ್ದು, ಇದು ಕವಾಸಕಿಯ ಅಡ್ವೆಂಚರ್ ಡಿಎನ್‌ಎಯನ್ನು ಹೊಂದಿದೆ. ನಗರದ ಬೀದಿಗಳಿಂದ ಜಲ್ಲಿಕಲ್ಲು ಮಾರ್ಗಗಳವರೆಗೆ ಯಾವುದೇ ರಸ್ತೆಯಲ್ಲಿ ಸೌಕರ್ಯ ಮತ್ತು ವಿಶ್ವಾಸವನ್ನು ನೀಡಲು ವರ್ಸಿಸ್-ಎಕ್ಸ್ 300 ಅನ್ನು ನಿರ್ಮಿಸಲಾಗಿದೆ. ಈ ಮೂಲಕ ಭಾರತದಲ್ಲಿ ಖರೀದಿಸಬಹುದಾದ ಪ್ಯಾಕೇಜ್‌ಗೆ ದೊರೆಯುತ್ತಿರುವುದು ಗ್ರಾಹಕರಿಗೆ ಉತ್ತಮ ಅವಕಾಶವಾಗಿದೆ ಎಂದು ಕಂಪನಿ ಹೇಳಿದೆ.

ವರ್ಸಿಸ್ ಬಗ್ಗೆ: ನಗರ ಪ್ರಯಾಣ ಮತ್ತು ದೀರ್ಘ-ದೂರ ಪ್ರವಾಸ ಎರಡರಲ್ಲೂ ಶ್ರೇಷ್ಠತೆಯನ್ನು ಸಾಧಿಸಲು ವಿನ್ಯಾಸಗೊಳಿಸಲಾದ ವರ್ಸಿಸ್ ಮೋಟಾರ್‌ಸೈಕಲ್‌ಗಳು ಟೂರಿಂಗ್ ಬೈಕ್‌ನ ಸೌಕರ್ಯ, ಸ್ಪೋರ್ಟ್ ಬೈಕ್‌ನ ಚುರುಕುತನ ಮತ್ತು ಕಾರ್ಯಕ್ಷಮತೆಯೊಂದಿಗೆ ಬರುತ್ತವೆ. 19 ವರ್ಷಗಳಿಗೂ ಹೆಚ್ಚು ಕಾಲ, ವರ್ಸಿಸ್ ಬ್ರ್ಯಾಂಡ್ ಅಡ್ವೆಂಚರ್ ಪ್ರವಾಸದ ಮೋಟಾರ್ ಸೈಕಲ್‌ಗಳನ್ನು ನೀಡುವ ಮೂಲಕ ಜಾಗತಿಕವಾಗಿ ವಿಶ್ವಾಸವನ್ನು ಗಳಿಸಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.